ചെന്നൈ: തമിഴ്നാട് നിയമസഭാ തിരഞ്ഞെടുപ്പിന് മുന്നോടിയായി കോൺഗ്രസ് പാർട്ടി തങ്ങളുടെ പ്രകടനപത്രിക പുറത്തിറക്കി. ബെംഗളൂരുവിൽ നടന്ന ചടങ്ങിൽ കർണാടക ഉപമുഖ്യമന്ത്രി ഡി.കെ. ശിവകുമാറാണ് പത്രിക പ്രകാശനം ചെയ്തത്. ചടങ്ങിൽ തമിഴക വെട്രി കഴകം (ടിവികെ) അധ്യക്ഷൻ വിജയിനെതിരെ കടുത്ത ഭാഷയിലാണ് ശിവകുമാർ പ്രതികരിച്ചത്.
വിജയിനെതിരെ ഡി.കെ. ശിവകുമാർ
വിജയ് രാഷ്ട്രീയത്തിൽ പക്വതയില്ലാത്ത വ്യക്തിയാണെന്നും രാഷ്ട്രീയ കാര്യങ്ങളിൽ അദ്ദേഹത്തിന് യാതൊരു മെച്ചൂരിറ്റിയുമില്ലെന്നും ഡി.കെ. ശിവകുമാർ തുറന്നടിച്ചു.
ജി.കെ. വാസന്റെ തമിഴ് മാനില കോൺഗ്രസ് വേണമെങ്കിൽ വിജയിന്റെ കൂടെ പൊയ്ക്കോട്ടെ, എന്നാൽ കോൺഗ്രസ് ഒരിക്കലും ടിവികെയുടെ കൂടെ ഉണ്ടാവില്ലെന്ന് അദ്ദേഹം വ്യക്തമാക്കി. തമിഴ്നാട്ടിൽ കോൺഗ്രസ് ഡിഎംകെ സഖ്യത്തിനൊപ്പമാണ്. ഈ സഖ്യം മൂന്നിൽ രണ്ട് ഭൂരിപക്ഷം നേടി അധികാരം നിലനിർത്തുമെന്നും ശിവകുമാർ ആത്മവിശ്വാസം പ്രകടിപ്പിച്ചു.
വിമർശനത്തിന് പിന്നിലെ കാരണം
കഴിഞ്ഞ ദിവസം നെല്ലായിലും തൂത്തുക്കുടിയിലും നടന്ന പ്രചാരണ പരിപാടികളിൽ വിജയ് നടത്തിയ പ്രസ്താവനകളാണ് കോൺഗ്രസിനെ ചൊടിപ്പിച്ചത്. കോൺഗ്രസിനെ ഡിഎംകെ പണം നൽകി കൂടെ നിർത്തിയിരിക്കുകയാണെന്നായിരുന്നു വിജയിന്റെ ആരോപണം.
“ഡിഎംകെ സഖ്യത്തിലുള്ളവർ പോലും പരസ്പരം വോട്ട് ചെയ്യില്ല. ഏതാനും കോടികൾ നൽകിയാണ് കോൺഗ്രസിനെ ഡിഎംകെ കൂടെ നിർത്തിയിരിക്കുന്നത്. യഥാർത്ഥ കോൺഗ്രസ് തമിഴ് വെട്രി കഴകത്തിനൊപ്പമാണ്.” – വിജയ്
ഡിഎംകെ സഖ്യം ഒരു ‘കാഷ് ബോക്സ് അലയൻസ്’ ആണെന്നും ബിജെപി, ഡിഎംകെ മുന്നണികൾ തമ്മിൽ കാര്യമായ വ്യത്യാസമില്ലെന്നും വിജയ് ആരോപിച്ചിരുന്നു. തന്റെ വരവോടെ ഇരുമുന്നണികളുടെയും അഴിമതികൾ പുറത്തായെന്നും അദ്ദേഹം അവകാശപ്പെട്ടു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
