നാഗർഹോള, ബന്ദിപ്പൂർ സഫാരികൾ ഇന്ന് മുതൽ പുനരാരംഭിക്കും; പച്ചക്കൊടി നിയന്ത്രണങ്ങളോടെ; നിങ്ങൾ അറിയേണ്ടതെല്ലാം

ബെംഗളൂരു: പ്രകൃതി സ്നേഹികൾക്കും വിനോദസഞ്ചാരികൾക്കും ആശ്വാസ വാർത്ത. കർണാടകയിലെ പ്രശസ്തമായ നാഗർഹോള, ബന്ദിപ്പൂർ വന്യജീവി സങ്കേതങ്ങളിൽ ഇന്ന് മുതൽ സഫാരികൾ പുനരാരംഭിക്കാൻ വനം വകുപ്പ് തീരുമാനിച്ചു. വനം മന്ത്രി ഈശ്വർ ഖന്ദ്രെയാണ് വികാസ് സൗധയിൽ വെച്ച് ഈ സന്തോഷവാർത്ത അറിയിച്ചത്.

കടുവ, പുള്ളിപ്പുലി ആക്രമണങ്ങൾ വർദ്ധിച്ചതിനെത്തുടർന്ന് നിർത്തിവെച്ചിരുന്ന സഫാരികളാണ് ഉന്നതതല സമിതിയുടെ ഇടക്കാല റിപ്പോർട്ടിന്റെ അടിസ്ഥാനത്തിൽ ഭാഗികമായി തുറന്നു നൽകുന്നത്. സഫാരി പുനരാരംഭിക്കുമെങ്കിലും കർശനമായ നിയന്ത്രണങ്ങൾ ഏർപ്പെടുത്തിയിട്ടുണ്ട്:

വാഹന നിയന്ത്രണം: മുൻപുണ്ടായിരുന്ന സഫാരി വാഹനങ്ങളുടെ 50 ശതമാനം മാത്രമേ ആദ്യ ഘട്ടത്തിൽ അനുവദിക്കൂ.

കുടകിൽ ട്രെക്കിംഗിനിടെ കാണാതായ മലയാളി യുവതിയെ നാലാം നാൾ കണ്ടെത്തി

സമയം കുറച്ചു: സഫാരിയുടെ ദൈർഘ്യത്തിൽ മാറ്റം വരുത്തി. ബന്ദിപ്പൂരിൽ സഫാരി സമയം 8 മണിക്കൂറിൽ നിന്ന് 5 മണിക്കൂറായി കുറച്ചു. സുന്ദക്കട്ടെയിൽ 6 മണിക്കൂറും നാഗർഹോളയിൽ 4 മണിക്കൂറുമായിരിക്കും സഫാരി അനുവദിക്കുക.

ക്യാമ്പ് ഫയർ നിരോധനം: റിസോർട്ടുകളിലും ഹോം സ്റ്റേകളിലും ക്യാമ്പ് ഫയർ നടത്തുന്നതിന് കർശന നിരോധനം ഏർപ്പെടുത്തി.

സർക്കാർ തീരുമാനത്തിന് പിന്നിൽ സാമ്പത്തിക പ്രതിസന്ധി
സഫാരികൾ നിർത്തിവെച്ചത് കർണാടകയുടെ ഇക്കോ-ടൂറിസം മേഖലയ്ക്ക് വലിയ തിരിച്ചടിയായിരുന്നു. ബന്ദിപ്പൂർ-നാഗരഹോള മേഖലയിലെ റിസോർട്ടുകൾക്ക് പ്രതിദിനം ശരാശരി 3 കോടി രൂപയുടെ നഷ്ടം സംഭവിക്കുന്നതായി റിപ്പോർട്ടുകൾ ഉണ്ടായിരുന്നു.

ഏകദേശം 8,000 കുടുംബങ്ങളുടെ ജീവിതോപാധിയെയാണ് ഇത് ബാധിച്ചത്. സഫാരി മുടങ്ങിയതോടെ വിനോദസഞ്ചാരികൾ കേരളം, തമിഴ്‌നാട് എന്നിവിടങ്ങളിലേക്കും രന്തംബോർ, കോർബറ്റ് നാഷണൽ പാർക്കുകളിലേക്കും തിരിഞ്ഞത് സംസ്ഥാനത്തിന് വലിയ വരുമാന നഷ്ടമുണ്ടാക്കി.

നേരിയ ആശ്വാസത്തിന് വഴി: അടുത്ത അഞ്ച് ദിവസം മഴയ്ക്ക് സാധ്യത; ഇടിമിന്നൽ ജാഗ്രത വേണമെന്ന് മുന്നറിയിപ്പ്

പ്രതിഷേധവുമായി അതിർത്തി കർഷകർ
സഫാരി പുനരാരംഭിക്കാനുള്ള തീരുമാനത്തിനെതിരെ അതിർത്തി ഗ്രാമങ്ങളിലെ കർഷകർ പ്രതിഷേധവുമായി രംഗത്തെത്തിയിട്ടുണ്ട്. വന്യജീവി ആക്രമണങ്ങളിൽ അയവില്ലാത്ത സാഹചര്യത്തിൽ സഫാരികൾ തുറക്കുന്നത് തങ്ങളുടെ സുരക്ഷയെ ബാധിക്കുമെന്നാണ് ഇവരുടെ വാദം. ബന്ദിപ്പൂരിലെ മെലുകാമനഹള്ളിയിലുള്ള ഫോറസ്റ്റ് ഓഫീസ് ഉപരോധിക്കാനാണ് കർഷക സംഘടനകളുടെ തീരുമാനം.

സാങ്കേതിക സമിതിയുടെ പൂർണ്ണ റിപ്പോർട്ട് ലഭിച്ച ശേഷം സഫാരികൾ പൂർണ്ണതോതിൽ പ്രവർത്തിപ്പിക്കുന്നത് സംബന്ധിച്ച് സർക്കാർ അന്തിമ തീരുമാനമെടുക്കും.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.

വാല്‍പ്പാറ അപകടത്തിൽ മരിച്ചവരുടെ മൃതദേഹം കേരളത്തിലെത്തിച്ചു

If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]