ബെംഗളൂരു: ജാതീയമായ അധിക്ഷേപത്തിന് സഹപ്രവർത്തകർക്കെതിരെ പരാതി നൽകി മണിക്കൂറുകൾക്ക് ശേഷം യുവാവ് ആത്മഹത്യ ചെയ്തു. എൻഐഎഫ്ടി ബെംഗളൂരുവിലെ പൂർവ വിദ്യാർഥിയാണ് വിവേക് രാജ് (35) . പട്ടികജാതി (എസ്സി) വിഭാഗത്തിൽ പെടുന്ന ചമർ സമുദായത്തിൽ പെട്ട വിവേക് രാജ് കഴിഞ്ഞ പത്തുവർഷമായി ബെംഗളൂരുവിലെ യെമലൂരിലെ ലൈഫ് സ്റ്റൈൽ ഇന്റർനാഷണൽ പ്രൈവറ്റ് ലിമിറ്റഡിൽ ജോലി ചെയ്യുകയായിരുന്നു. സംഭവത്തിന് ശേഷം റിപ്പോർട്ടിംഗ് മാനേജർ മാലതി, സഹപ്രവർത്തകരായ കുമാർ സൂരജ്, നിതേഷ് കുമാർ എന്നിവർക്കെതിരെയാണ് വൈറ്റ്ഫീൽഡ് പോലീസ് ആത്മഹത്യാ പ്രേരണയ്ക്ക് കേസെടുത്തിരിക്കുന്നത്. ജൂൺ 4 ഞായറാഴ്ച വിവേകിന്റെ പിതാവ് രാജ്കുമാർ നൽകിയ പരാതിയുടെ അടിസ്ഥാനത്തിലാണ് എഫ്ഐആർ ഫയൽ ചെയ്തത്.
വിവേക് മാസങ്ങളോളം മാനസികമായി പീഡിപ്പിക്കപ്പെട്ടിരുന്നുവെന്നും ജാതീയമായ അധിക്ഷേപം നടത്തിയെന്നും എഫ്ഐആറിൽ പറയുന്നു. ഓഫീസിലെ മുതിർന്നവരെ സമീപിച്ചിട്ടും നടപടിയുണ്ടായില്ല. വൈകാരിക അസ്വസ്ഥതകൾക്ക് വിവേക് ചികിത്സ തേടുകയായിരുന്നു. ജൂൺ മൂന്നിന് വിവേക് രാജ് മാറത്തഹള്ളി പോലീസ് സ്റ്റേഷനിൽ പരാതി നൽകിയിരുന്നു, തുടർന്ന് അദ്ദേഹം ആത്മഹത്യ ചെയ്തു. താഴ്ന്ന ജാതിക്കാരനായതിനാൽ സഹപ്രവർത്തകരായ മാൽതി എസ്, നിതീഷ് കുമാർ എന്നിവർ തന്നെ പീഡിപ്പിക്കുകയായിരുന്നെന്നും അവർ തനിക്കെതിരെ ജാതീയമായ അധിക്ഷേപം നടത്തിയെന്നും വിവേക് രാജ് മാറത്തഹള്ളി പോലീസിൽ നൽകിയ പരാതിയിൽ പറയുന്നു. കമ്പനിയിലെ എച്ച്ആർ കുമാർ സൂരജിന് പരാതി നൽകിയിട്ടും നടപടിയൊന്നും ഉണ്ടായില്ലെന്നും പരാതിയിൽ പറയുന്നു. അതിനാൽ അവർക്കെതിരെ ഉചിതമായ നടപടി സ്വീകരിക്കണമെന്ന് നിങ്ങളോട് അഭ്യർത്ഥിക്കുന്നു എന്നായിരുന്നു വിവേക് നൽകിയ പരാതിയുടെ ഉള്ളടക്കം. പട്ടികവർഗ (അതിക്രമങ്ങൾ തടയൽ) നിയമത്തിലെ വിവിധ വകുപ്പുകൾ ചുമത്തി ജൂൺ മൂന്നിന് പോലീസ് എഫ്ഐആർ ഫയൽ ചെയ്യുകയും ചെയ്തിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
