ബെംഗളൂരു: ബെംഗളൂരു അന്താരാഷ്ട്ര വിമാനത്താവളത്തിലെ ഒരു ക്യൂട്ട് രംഗത്തിന്റെ വീഡിയോ ഇപ്പോൾ സാമൂഹിക മാധ്യമങ്ങളിൽ ശ്രദ്ധ പിടിച്ചുപറ്റി. വിമാനത്താവളത്തിലെ പാസഞ്ചർ സീറ്റിൽ സുഖമായി വിശ്രമിക്കുന്ന ഒരു തെരുവ് നായയുടെ ദൃശ്യമാണിത്. ഈ വീഡിയോ നെറ്റിസൺമാരുടെ ഹൃദയം കീഴടക്കി, മൃഗങ്ങളെ സുരക്ഷിതമായി പരിസരത്ത് കിടത്താൻ അനുവദിച്ചതിന് വിമാനത്താവള ജീവനക്കാരെ അവർ അഭിനന്ദിച്ചു.
ഡോഗേഷ് ഭായിക്ക് ഫ്ലൈറ്റ് നഷ്ടമായി എന്ന കുറിപ്പോടെയാണ് വീഡിയോ പങ്കുവച്ചിരിക്കുന്നത്. ആളുകൾ സമീപത്ത് നിന്ന് സംസാരിക്കുമ്പോൾ പോലും അതൊന്നും ശ്രദ്ധിക്കാതെ യാത്രക്കാര്ക്ക് ഇരിക്കാനായി വച്ചിരിക്കുന്ന സീറ്റുകളിൽ ഒന്നില് സുഖമായി ഉറങ്ങുന്ന പട്ടിയുടെ ദൃശ്യങ്ങൾ കാഴ്ചക്കാരെ ഏറെ ആകര്ഷിച്ചു.
അഖിലേഷ് റാവത്ത് (rawat – akhilesh) എന്നയാൾ ഇൻസ്റ്റാഗ്രാം അക്കൗണ്ടിൽ പങ്കുവെച്ച വീഡിയോയിൽ, ബെംഗളൂരു അന്താരാഷ്ട്ര വിമാനത്താവളത്തിലെ പാസഞ്ചർ സീറ്റിൽ ഒരു തെരുവ് നായ ഉറങ്ങുന്നതും വിശ്രമിക്കുന്നതും കാണാം. “ഡോഗേഷ് ഭായ് തന്റെ വിമാനം നഷ്ടപ്പെടുത്തിയിരിക്കണം” എന്ന അടിക്കുറിപ്പോടെയാണ് അദ്ദേഹം വീഡിയോ പോസ്റ്റ് ചെയ്തത്.
ഈ ക്ലിപ്പിൽ, ചില യാത്രക്കാർ കസേരകളിൽ ഇരുന്ന് വിശ്രമിക്കുന്നത് കാണാം, മറ്റുള്ളവർ നിന്നുകൊണ്ട് വിമാനങ്ങൾക്കായി കാത്തിരിക്കുന്നത് കാണാം. എന്നാൽ ഇതിനെല്ലാം പുറമേയാണ്, വിമാനത്താവളത്തിലെ ഒരു പാസഞ്ചർ സീറ്റിൽ ഉറങ്ങുന്ന നായ ക്യാമറയിൽ പതിഞ്ഞത്.
വീഡിയോ നാല് ലക്ഷത്തിലധികം പേർ കണ്ടു, ഒരു ഉപയോക്താവ് പറഞ്ഞു, “ഈ നായ എപ്പോഴും അവിടെയുണ്ട്. കഴിഞ്ഞ രണ്ട് വർഷമായി ഞാൻ ഈ നായയെ വിമാനത്താവളത്തിൽ കാണുന്നു.”
മറ്റൊരാൾ ഒരു ബുദ്ധിമുട്ടും കൂടാതെ വിശ്രമിക്കാൻ അനുവദിച്ചതിന് വിമാനത്താവള ജീവനക്കാർക്ക് നന്ദി പറഞ്ഞു. മറ്റൊരു ഉപയോക്താവ് “ഇത് കർണാടകയാണ്, ഞങ്ങൾ എല്ലാവരെയും ഒരുപോലെയാണ് പരിഗണിക്കുന്നത്” എന്ന് കമന്റ് ചെയ്തു.
ബെംഗളൂരു അന്താരാഷ്ട്രാ വിമാനത്താവളത്തിൽ നായ ശല്യം ഏറിയപ്പോഴാണ് ബിഎല്ആര് പാവ് സ്ക്വാഡ് എന്ന പദ്ധതിയുമായി വിമാനത്താവളം അധികൃതർ രംഗത്തെത്തിയത്.
വിമാനങ്ങൾക്കിടയിലുള്ള കാത്തിരിപ്പ് കൂടുതൽ ആസ്വാദ്യകരമാക്കാനുള്ള ഒരു പദ്ധതി കൂടിയായിരുന്നു അത്. ഭക്ഷണം കഴിച്ചും ഉറങ്ങിയും യാത്രക്കാരെ രസിപ്പിച്ചും സമയം ചെലവഴിച്ച് വിമാനത്താവളത്തിലുള്ളത് തെരുവ് നായ്ക്കളാണ്. അത്തരമൊരു നായയെയാണ് വീഡിയോയിലുള്ളത്.
ബെംഗളൂരു വിമാനത്താവളവും ഒരു എൻജിഒയും ചേർന്നാണ് തെരുവ് നായ്ക്കളെ പരിപാലിക്കുന്ന സംരംഭം ആരംഭിച്ചത്. ഇത് യാത്രക്കാർക്ക് സ്വാഗതാർഹവും ആസ്വാദ്യകരവുമായ അനുഭവം നൽകുന്നു. ഈ നായ്ക്കൾ വിമാനത്താവളത്തിലാണ് താമസിക്കുന്നത്. അവയുടെ സാന്നിധ്യം യാത്രക്കാരുടെ സ്ട്രസ് കുറയ്ക്കാന് സഹായിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
