Day: 5 May 2026

ബെംഗളൂരു: ഞായറാഴ്ച വൈകുന്നേരം നഗരത്തിലുടനീളം പെയ്ത കനത്ത മഴയെത്തുടർന്ന് ബെംഗളൂരു കെമ്പേഗൗഡ അന്താരാഷ്ട്ര വിമാനത്താവളത്തിൽ ടാക്സി സേവനങ്ങൾ വൻതോതിൽ തടസ്സപ്പെട്ടു. പ്രമുഖ റൈഡ്-ഹെയ്‌ലിംഗ് ആപ്പുകളായ ഓല, ഊബർ തുടങ്ങിയവയിൽ ക്യാബുകൾ ലഭിക്കാത്തത് നൂറുകണക്കിന് യാത്രക്കാരെയാണ് ദുരിതത്തിലാക്കിയത്. മഴ കനത്തതോടെ നഗരത്തിലെ വിവിധ ഭാഗങ്ങളിൽ വെള്ളക്കെട്ടും ഗതാഗതക്കുരുക്കും രൂപപ്പെട്ടതാണ് ടാക്സിക്ഷാമത്തിന് പ്രധാന കാരണമായത്. വിമാനത്താവളത്തിലേക്കുള്ള പ്രധാന റോഡുകളിലെ തടസ്സങ്ങൾ ഭയന്ന് മിക്ക ഡ്രൈവർമാരും സർവീസുകൾ നിർത്തിവെക്കുകയോ എയർപോർട്ട് ട്രിപ്പുകൾ ഒഴിവാക്കുകയോ ചെയ്തതായി വിമാനത്താവള വൃത്തങ്ങൾ സൂചിപ്പിച്ചു. യാത്രക്കാർക്ക് ഏറെ നേരം കാത്തിരിക്കേണ്ടി വന്നതും ബുക്കിംഗ് ആപ്പുകളിൽ…

ബെംഗളൂരു: ബെംഗളൂരു നമ്മ മെട്രോയുടെ പർപ്പിൾ ലൈനിൽ സാങ്കേതിക തകരാറിനെത്തുടർന്ന് ചൊവ്വാഴ്ച വൈകുന്നേരം ട്രെയിൻ സർവീസുകൾ തടസ്സപ്പെട്ടു. വൈകുന്നേരം അഞ്ച് മണിയോടെ ഹൂഡി മെട്രോ സ്റ്റേഷനിലുണ്ടായ സാങ്കേതിക തകരാറാണ് മെട്രോ സർവീസുകളുടെ താളംതെറ്റിച്ചത്. തകരാറിനെത്തുടർന്ന് ട്രെയിനുകൾ വേഗത കുറച്ചാണ് ബൈയപ്പനഹള്ളി സ്റ്റേഷനിലേക്ക് എത്തിച്ചത്. കുണ്ടലഹള്ളി സ്റ്റേഷനിൽ ഏകദേശം 15 മിനിറ്റോളം ട്രെയിനുകൾ നിർത്തിയിട്ടതായി യാത്രക്കാർ പരാതിപ്പെട്ടു. തുടർന്ന് വന്ന ട്രെയിനുകൾ മൂന്ന് മിനിറ്റോളം വൈകിയാണ് സർവീസ് നടത്തിയത്. തിരക്ക് നിയന്ത്രിക്കുന്നതിന്റെ ഭാഗമായി ചിലയിടങ്ങളിൽ ഷോർട്ട് ലൂപ്പ് സർവീസുകൾ (നിശ്ചിത സ്റ്റേഷനുകൾക്കിടയിലുള്ള സർവീസ്) നടത്തേണ്ടി വന്നതായി…

ബെംഗളൂരു: കഴിഞ്ഞ നാല് ദിവസമായി നഗരത്തിൽ തുടരുന്ന ശക്തമായ കാറ്റിലും മഴയിലും വ്യാപക നാശനഷ്ടം. നഗരത്തിന്റെ വിവിധ ഭാഗങ്ങളിലായി 476 മരങ്ങൾ പിഴുതുവീണതായും 1,171 മരച്ചില്ലകൾ ഒടിഞ്ഞുവീണതായും ഗ്രേറ്റർ ബെംഗളൂരു അതോറിറ്റി (GBA) അറിയിച്ചു. കാലവർഷത്തിന് മുന്നോടിയായുള്ള മഴയിൽ മരങ്ങൾ വ്യാപകമായി വീഴുന്നത് നഗരത്തിലെ അശാസ്ത്രീയമായ മരപരിപാലനത്തെയും നഗരസഭയുടെ വീഴ്ചയെയും ചൂണ്ടിക്കാണിക്കുന്നതാണെന്ന് വിമർശനമുയരുന്നുണ്ട്. ഏറ്റവും കൂടുതൽ നാശം വെസ്റ്റ് സോണിൽ നഗരത്തിൽ ഏറ്റവും കൂടുതൽ പച്ചപ്പുള്ള വെസ്റ്റ് സിറ്റി കോർപ്പറേഷൻ പരിധിയിലാണ് മഴ ഏറ്റവും കൂടുതൽ ബാധിച്ചത്. ഇവിടെ മാത്രം 169 മരങ്ങൾ വീഴുകയും…

ബെംഗളൂരു: സ്വന്തം മകളെ പീഡിപ്പിച്ച കേസിലെ പ്രതിയെ പെൺകുട്ടിയുടെ പിതാവും ക്വട്ടേഷൻ സംഘവും ചേർന്ന് ക്രൂരമായി കൊലപ്പെടുത്തി. ബാഗൽകോട്ട് മുധോൾ സ്വദേശിയായ രമേശ് ശ്രീഷൈല പട്ടടക്കൽമത്ത് (36) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് പെൺകുട്ടിയുടെ പിതാവ് ഉൾപ്പെടെ നാലുപേരെ പോലീസ് അറസ്റ്റ് ചെയ്തു. ചിന്നയ്യ മഠപതി (29), ചേതന മദാര (26), വിനായക് ഗുരുവ (19) എന്നിവരാണ് പിടിയിലായ മറ്റുള്ളവർ. യെലഹങ്കയ്ക്ക് സമീപമുള്ള അല്ലാലസാന്ദ്ര രാജകാലുവെയിലെ കനാലിൽ നിന്നാണ് രമേശിന്റെ മൃതദേഹം കണ്ടെത്തിയത്. ബെംഗളൂരുവിൽ ഫുഡ് ഡെലിവറി ബോയിയായി ജോലി ചെയ്തിരുന്ന രമേശ് യെലഹങ്കയിലെ…

ബെംഗളൂരു: ഒരാഴ്ച മുമ്പ് പത്തുപേരുടെ ജീവനെടുത്ത കനത്ത മഴയ്ക്ക് പിന്നാലെ ബെംഗളൂരു നഗരത്തിൽ വീണ്ടും കനത്ത മഴ ആരംഭിച്ചു. ചൊവ്വാഴ്ച ഉച്ചകഴിഞ്ഞ് മുതൽ നഗരത്തിന്റെ വിവിധ ഭാഗങ്ങളിൽ ഇടിമിന്നലോടുകൂടിയ ശക്തമായ മഴയാണ് പെയ്യുന്നത്. വരും മണിക്കൂറുകളിൽ മഴ കൂടുതൽ ശക്തമാകാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പ്രധാന ഇടങ്ങളിൽ ജനജീവിതം തടസ്സപ്പെട്ടു മജസ്റ്റിക്, ശിവാജിനഗർ, കെ.ആർ. മാർക്കറ്റ് തുടങ്ങി നഗരത്തിലെ പ്രധാന കേന്ദ്രങ്ങളിലെല്ലാം നിലവിൽ ശക്തമായ മഴ തുടരുകയാണ്. താഴ്ന്ന പ്രദേശങ്ങളിൽ വെള്ളക്കെട്ട് രൂപപ്പെടാൻ സാധ്യതയുള്ളതിനാൽ ഇവിടങ്ങളിലെ താമസക്കാർ ജാഗ്രത പാലിക്കണമെന്ന്…