Month: July 2024

ബെംഗളൂരു : തടാക സംരക്ഷണത്തിനായി നഗരവാസികളില്‍ നിന്ന് വോളന്റിയര്‍മാരെ നിയമിക്കുന്നതിനുളള കേരെമിത്ര പദ്ധതി ഫലം കാണുന്നില്ലെന്ന പരാതി വ്യാപകം. ഉദ്യോഗസ്ഥരുടെ കുറവ് പരിഹരിക്കാനും തടാക സംരക്ഷണത്തിൽ നഗരവാസികളുടെ പങ്കാളിത്തം ഉറപ്പാകാനുമുള്ള പദ്ധതിയാണിത്. എന്നാൽ ബെംഗളൂരുവിൽ 205 തടാകങ്ങളുടെ ചുമതല സ്വകാര്യ സ്ഥാപനങ്ങൾക്ക് കൈമാറുന്നതിനുള്ള നയം രൂപവത്കരിച്ചതായി സർക്കാർ കർണാടക ഹൈക്കോടതിയെ അറിയിച്ചു. തടാകങ്ങളുടെ സംരക്ഷണവും നവീകരണ ചുമതലയും സ്വകാര്യ സ്ഥാപനങ്ങൾക്ക് കൈമാറുന്നതിന്റെ ഭാഗമായിട്ടാണ് നടപടി. നഗരത്തിലെ വിവിധ തടാകങ്ങളുടെ കൈയേറ്റം സംബന്ധിച്ചും കനാലുകളിൽനിന്നുള്ള മലിനജലം തടാകത്തിലെത്തുന്നതു സംബന്ധിച്ചുമുള്ള പൊതുതാത്പര്യ ഹർജി ഹൈക്കോടതിയുടെ പരിഗണനയിലാണ്. തടാക…

ബെംഗളൂരു : സംസ്ഥാനത്ത് ഡെങ്കിപ്പനി വ്യാപനത്തിന്റെ പശ്ചാത്തലത്തിൽ സ്വമേധയാ കേസെടുത്ത് കർണാടക ഹൈക്കോടതി. ഡെങ്കിപ്പനി വ്യാപനം തടയുന്നതിന് സ്വീകരിച്ച നടപടികൾ സംബന്ധിച്ച റിപ്പോർട്ടുനൽകാനും ബെംഗളൂരുവിലും സംസ്ഥാനത്തിന്റെ മറ്റുഭാഗങ്ങളിലും ഏർപ്പെടുത്തിയ ചികിത്സാസൗകര്യങ്ങളുടെ വിവരങ്ങൾ സമർപ്പിക്കാനും കോടതി സർക്കാരിന് നിർദേശം നൽകി. ഡെങ്കിപ്പനിയെക്കുറിച്ച് പൊതുജനങ്ങളിൽ ബോധവത്കരണം നടത്തിയതിന്റെ വിവരവും നൽകണം. ഈമാസം 23-നകം റിപ്പോർട്ട് സമർപ്പിക്കണമെന്ന് ചീഫ് ജസ്റ്റിസ് എൻ.വി. അഞ്ജാരിയ, ജസ്റ്റിസ് കെ.വി. അരവിന്ദ് എന്നിവരടങ്ങിയ ഡിവിഷൻ ബെഞ്ച് നിർദേശിച്ചു. സംസ്ഥാനത്ത് ഓരോ ദിവസവും ഡെങ്കിപ്പനിബാധിതർ കൂടുകയാണ്. ഡെങ്കിപ്പനിസംബന്ധിച്ച പത്രവാർത്തകളുടെ അടിസ്ഥാനത്തിലാണ് കോടതി കേസെടുത്തത്. ചൊവ്വാഴ്ചവരെ…

ബെംഗളൂരു: നോർത്ത് വെസ്റ്റ് കർണാടക ആർ.ടി.സി. (എൻ.ഡബ്ല്യു.കെ.ആർ.ടി.സി.)ആദ്യമായി അംബാരി ഉത്സവ് ബസുകൾ സർവീസ് നടത്താനൊരുങ്ങുന്നു. ആദ്യഘട്ടത്തിൽ രണ്ട് അംബാരി ഉത്സവ് ബസുകളാണ് സർവീസ് നടത്തുന്നത്. ഗതാഗതമന്ത്രി രാമലിംഗ റെഡ്ഡി ഉടൻതന്നെ സർവീസ് ഉദ്ഘാടനംചെയ്യും. 1.80 കോടിരൂപ വിലമതിക്കുന്നതാണ് ബസ്. നാലു ബസുകളാണ് എൻ.ഡബ്ല്യു.കെ.ആർ.ടി.സി. വാങ്ങുന്നത്. ഇതിൽരണ്ടെണ്ണം എത്തിക്കഴിഞ്ഞു. ആദ്യത്തെ രണ്ടുബസുകൾ ബെലഗാവി ഡിപ്പോയിൽ നിന്നാകും സർവീസ് നടത്തുക. ബാക്കി രണ്ടെണ്ണത്തിന്റേത് ഹുബ്ബള്ളിയിൽ നിന്നാകും സർവീസ്. വടക്കൻ കർണാടകത്തിലെ ആറു ജില്ലകളിൽനിന്നാണ് എൻ.ഡബ്ല്യു.കെ.ആർ.ടി.സി. സർവീസ് നടത്തുന്നത്.

നഗരപരിധിയിൽ ഹോട്ടലുകളുടെ പ്രവർത്തന സമയം പുലർച്ചെ 2 വരെയെങ്കിലും അനുവദിക്കണമെന്ന് ആവശ്യപ്പെട്ട് ബംഗളുരു ഹോട്ടലേഴ്‌സ് അസോസിയേഷൻ. ഇത് സംബന്ധിച്ച് അസോസിയേഷൻ ഭാരവാഹികൾ കഴിഞ്ഞ ദിവസം ഉപമുഖ്യമന്ത്രി ഡി. കെ. ശിവകുമാറുമായി ചർച്ച നടത്തി. ഹോട്ടകുകൾക്ക് 24 മണിക്കൂർ പ്രവർത്തനാനുമതി നൽകണമെന്ന ആവശ്യം കഴിഞ്ഞ വർഷം സർക്കാർ അവസാനനിമിഷം തള്ളിക്കളഞ്ഞതായി അസോസിയേഷൻ പി. സി. റാവു പറഞ്ഞു. കേന്ദ്ര ബജറ്റിൽ ഹോട്ടലുകളുടെ പ്രവർത്തനസമയം വർധിപ്പിക്കാനുള്ള നടപടി വേണമെന്ന് ആവശ്യപ്പെട്ട് കേന്ദ്രമന്ത്രി നിർമല സീതാരാമൻ നിവേദനം നൽകി. നിത്യോപയോഗ സാധനങ്ങളുടെ കുതിച്ചുയർന്നതോടെ ഹോട്ടൽ മേഖല കടുത്ത പ്രതിസന്ധി…

ബെംഗളൂരു : ബെംഗളൂരു – മൈസൂരു റൂട്ടിൽ ബുധനാഴ്ച രാവിലെ തീവണ്ടി സർവീസുകൾ നാലു മണിക്കൂറോളം തടസ്സപ്പെട്ടത് യാത്രക്കാരെ ബുദ്ധിമുട്ടിലാക്കി. കെങ്കേരിക്കും ഹെജ്ജാലയ്ക്കും ഇടയിൽ റെയിൽവേ അടിപ്പാതയുമായി ബന്ധപ്പെട്ട നിർമാണ പ്രവർത്തനങ്ങൾ പൂർത്തിയാകാത്തതിനെത്തുടർന്നാണ് തീവണ്ടി സർവീസുകൾ തടസ്സപ്പെട്ടത്. മൈസൂരുവിലേക്കുള്ള മൂന്നു തീവണ്ടികളെയും ബെംഗളൂരുവിലേക്കുള്ള നാലു തീവണ്ടികളെയുമാണ് ബാധിച്ചത്. മെമു എക്സ്‌പ്രസ്, മൈസൂരു – ചെന്നൈ എക്സ്‌പ്രസ്, വിശ്വ മാനവ എക്സ്‌പ്രസ് തുടങ്ങിയ തീവണ്ടികളെയാണ് ബാധിച്ചത്. ബെംഗളൂരുവിലേക്ക് വരുകയായിരുന്ന ഒട്ടേറെ യാത്രക്കാർ ബിഡദി, രാമനഗര, കെങ്കേരി സ്റ്റേഷനുകളിലിറങ്ങി ബസിൽ കയറിവന്നു. ബിഡദിയിൽ വണ്ടി രണ്ടു മണിക്കൂറിലേറെ…