Month: July 2024

ബെംഗളൂരു: വധശ്രമ കേസുമായി ബന്ധപ്പെട്ട വിചാരണ നടക്കുന്നതിനിടെ കോടതിക്കുള്ളില്‍ അഭിഭാഷകയെ കുത്തിപ്പരുക്കേല്‍പ്പിച്ച്‌ 63-കാരന്‍. അഭിഭാഷകയായ മല്ലേശ്വരം സ്വദേശി വിമല(38)യ്ക്കാണ് കുത്തേറ്റത്. ബെംഗളൂരു ഫസ്റ്റ് ക്ലാസ് എ.സി.എം.എം. കോടതിയിലായിരുന്നു സംഭവം. ആക്രമണം നടത്തിയ ജയറാം റെഡ്ഡിയെ പോലീസ് കസ്റ്റഡിയിലെടുത്തു. കുത്തേറ്റ വിമലയും കെട്ടിട നിര്‍മാണ കമ്പനിയുടമയായ ജയറാം റെഡ്ഡിയും നേരത്തെ അടുപ്പത്തിലായിരുന്നു. പിന്നീട് ഇരുവര്‍ക്കുമിടയില്‍ തര്‍ക്കമുണ്ടായി. തുടര്‍ന്ന് ജയറാം റെഡ്ഡിക്കെതിരെ വിമല വധശ്രമം ആരോപിച്ച്‌ കേസ് നല്‍കി. ഈ കേസിന്റെ വിചാരണയ്ക്കായി എത്തിയപ്പോഴായിരുന്നു സംഭവം. ചൊവ്വാഴ്ച രാവിലെ 11 മണിക്കാണ് കേസിലെ വാദംകേള്‍ക്കല്‍ നിശ്ചയിച്ചിരുന്നത്. ഇതിനിടെ…

ബംഗളുരു : പുതിയ സ്ലീപ്പർ ബസുകൾ ലഭിക്കുന്നതോടെ കേരളത്തിലേക്കുള്ള വരാന്ത്യ സർവീസുകൾ പ്രതിദിനമാക്കാൻ ഒരുങ്ങി കർണാടക ആർ.ടി. സി. ആലപ്പുഴ,കോട്ടയം,തിരുവനന്തപുരം സർവീസുകളാണ് പ്രതിദിനമാക്കുക. നേരത്തെ പ്രതിദിന സർവീസുകളായിരുന്ന ഇവ ബസ് ക്ഷാമത്തെ തുടർന്നാണ് വരാന്ത്യാസർവീസുകൾ ആക്കിയത്. സെമി സ്ലീപ്പർ ഐരാവത് ക്ലബ്‌ ക്ലാസ്സ്‌ ബസുകൾ ഉപയോഗിച്ചാണ് നിലവിൽ സർവീസ് നടത്തുന്നത്. തിരുവനന്തപുരത്തേക്ക് കഴിഞ്ഞ വർഷം അംബാരി ഉത്സവ് സ്ലീപ്പർ ബസ് സർവീസ് ആരംഭിച്ചിരുന്നെങ്കിലും മാസങ്ങൾക്കുള്ളിൽ നിർത്തി. ദേശിയപാത 66 വീതി കൂട്ടുന്ന പ്രവർത്തികളുടെ ഭാഗമായി ഗതാഗതകുരുക്ക് രൂക്ഷമയതും തിരിച്ചടി ആയിരുന്നു.

ബെംഗളൂരു : മൂന്നാം മോദിസർക്കാരിന്റെ ആദ്യ ബജറ്റിൽ കർണാടകത്തിന് നിരാശ. സംസ്ഥാനം പ്രതീക്ഷിച്ചപോലെ ഗ്രാന്റുകളും പദ്ധതികളും ലഭിച്ചില്ല. സംസ്ഥാനത്തുനിന്ന് അഞ്ച് കേന്ദ്രമന്ത്രിമാരുണ്ടായിട്ടും അതിനനുസരിച്ചുള്ള ആനുകൂല്യം ബജറ്റിൽ ലഭിച്ചില്ലെന്നാണ് കോൺഗ്രസ് നേതാക്കൾ ആരോപിക്കുന്നത്. മെട്രോ, സബർബൻ റെയിൽ പദ്ധതി തുടങ്ങിയവയ്ക്ക് എന്തെങ്കിലും ലഭിക്കുമെന്ന് സംസ്ഥാനം പ്രതീക്ഷിച്ചിരുന്നു. ഹൈദരാബാദ്-ബെംഗളൂരു സാമ്പത്തിക ഇടനാഴി പ്രഖ്യാപിച്ചിട്ടുണ്ടെങ്കിലും കർണാടകത്തിന് മാത്രമായി വലിയ പ്രഖ്യാപനങ്ങളൊന്നുമില്ല. ഈവർഷം ആദ്യംഅവതരിപ്പിച്ച ബജറ്റിൽ റെയിൽവേ വികസനത്തിനായി 7524 കോടിരൂപ അനുവദിച്ചിരുന്നു. 11 പാതകൾ പുതുതായി നിർമിക്കാനും ഒൻപത്പാതകൾ ഇരട്ടിപ്പിക്കാനും തുക വകയിരുത്തിയിരുന്നു. കന്റോൺമെന്റ്മുതൽ വൈറ്റ്ഫീൽഡ് വരെയുള്ള റെയിൽപ്പാത…