Day: 14 April 2024

ബെംഗളൂരു: മക്കളെ കൊലപ്പെടുത്തിയ കേസില്‍ പ്രതിയായ സ്ത്രീ ജയിലില്‍ തൂങ്ങി മരിച്ച നിലയില്‍. ഗംഗാദേവിയെ ആണ് പരപ്പന അഗ്രഹാര ജയിലില്‍ ജീവനൊടുക്കിയ നിലയില്‍ കണ്ടെത്തിയത്. ഗംഗാദേവിയെ ജയിലിലെ ശുചിമുറിയിലാണ് തൂങ്ങിമരിച്ച നിലയില്‍ കണ്ടെത്തിയത്. ബുധനാഴ്ചയാണ് ഗംഗാദേവിയെ കുട്ടികളു‌ടെ കൊലപാതകത്തില്‍ അറസ്റ്റ് ചെയ്തത്. അപ്പോള്‍ തന്നെ സ്വന്തം ജീവിതം അവസാനിപ്പിക്കാൻ ഉദ്ദേശിച്ചെങ്കിലും പോലീസ് ഇടപെട്ട് ആത്മഹത്യാശ്രമം തടഞ്ഞു. ഗംഗാദേവി തൻ്റെ രണ്ട് കുട്ടികളോടൊപ്പം ജാലഹള്ളിയിലാണ് താമസിച്ചിരുന്നത്. ലൈംഗികാതിക്രമക്കേസില്‍ ജയിലില്‍ കഴിയുകയാണ് ഇവരുടെ ഭർത്താവ്. മുമ്പ് ഒരു സ്വകാര്യ കമ്പനിയുടെ മാർക്കറ്റിംഗ് മേഖലയില്‍ ജോലി ചെയ്തിരുന്ന ഗംഗാദേവി…

ബെംഗളൂരു : ഓൺലൈൻ ഓട്ടോ ബുക്കിങ് ആപ്പായ ‘നമ്മയാത്രി’ യിൽ കാറുകളും ഉൾപ്പെടുത്തുന്നു. ഇതിന്റെ ഭാഗമായി പരീക്ഷണാടിസ്ഥാനത്തിൽ സർവീസ് തുടങ്ങിയതായി നമ്മ യാത്രി അറിയിച്ചു. ബെംഗളൂരുവിലെ ഓട്ടോ ഡ്രൈവർമാരുടെ സംഘടനയായ ഓട്ടോറിക്ഷ ഡ്രൈവേഴ്‌സ് യൂണിയനും (എ.ആർ.ഡി.യു.) നന്ദൻ നിലേകനിയുടെ ബെക്കൻ ഫൗണ്ടേഷനും ഫിൻ ടെക് കമ്പനിയായ ജസ്‌പേയും ചേർന്നാണ് നമ്മ യാത്രി ആപ്പ് വികസിപ്പിച്ചത്. ഡ്രൈവർമാരിൽനിന്ന് കമ്മിഷൻ ഈടാക്കുന്നില്ലെന്നതാണ് ഇതിന്റെ പ്രത്യേകത. ഒരാഴ്ചയ്ക്കുള്ളിൽ 3,500 -ഓളം ടാക്‌സി കാറുകൾ ആപ്പിൽ ഉൾപ്പെടുത്താനുള്ള ശ്രമം നടന്നുവരുന്നതായി അധികൃതർ അറിയിച്ചു. ഘട്ടംഘട്ടമായി കൂടുതൽ കാറുകളെ ആപ്പിന്റെ ഭാഗമാക്കും.…

ബെംഗളൂരു : രേഖകളില്ലാതെ പണം കൊണ്ടുപോയ രണ്ടു കാറുകളും ഒരു ബൈക്കും ജയനഗറിൽ തിരഞ്ഞെടുപ്പ് ഉദ്യോഗസ്ഥർ കസ്റ്റഡിയിലെടുത്തു. കാറുകളിലുണ്ടായിരുന്ന അഞ്ചു പേർ ഓടി രക്ഷപ്പെട്ടു. പിടിച്ചെടുത്ത പണം തിരഞ്ഞെടുപ്പ് ഉദ്യോഗസ്ഥർ പോലീസ് സ്റ്റേഷനിലെത്തിച്ചു. ഒരുകോടിയിലധികം രൂപയുണ്ടെന്നാണ് വിവരം. നോഡൽ ഓഫീസർ മുനിഷ് മൗദ്ഗിൽ സ്ഥലത്തെത്തി. അനധികൃതമായി പണം കടത്തുന്നതായി വിവരം ലഭിച്ചതിനെത്തുടർന്ന് ഉദ്യോഗസ്ഥർ പരിശോന നടത്തുകയായിരുന്നു. .

ബെംഗളൂരു : വനംവകുപ്പു മന്ത്രി ഈശ്വർ ഖണ്ഡ്രെയുടെ സഹോദരന്റെ നേതൃത്വത്തിലുള്ള ബീദറിലെ സഹകരണബാങ്കിൽ ആദായനികുതി വകുപ്പിന്റെ റെയ്ഡ്. ബീദർ ജില്ലാ സെൻട്രൽ കോ-ഓപ്പറേറ്റീവ് ബാങ്കിലാണ് റെയ്ഡ് നടത്തിയത്. അമർകുമാർ ഖണ്ഡ്രെയാണ് ബാങ്കിന്റെ ചെയർമാൻ.