Day: 20 November 2023

ബെംഗളൂരു : ഉദ്യോഗസ്ഥ സ്ഥലംമാറ്റത്തിലെ അഴിമതിയാരോപണം തെളിയിച്ചാൽ രാഷ്ട്രീയത്തിൽനിന്ന് രാജിവെക്കാമെന്ന് മുഖ്യമന്ത്രി സിദ്ധരാമയ്യ. സ്ഥലം മാറ്റത്തിന് പണം ആവശ്യപ്പെട്ടിരുന്നത് കുമാരസ്വാമിയുടെ കാലത്തായിരുന്നുവെന്നും സിദ്ധരാമയ്യ പറഞ്ഞു. മകനും മുൻ എം.എൽ.എ.യുമായ ഡോ. യതീന്ദ്ര സിദ്ധരാമയ്യയോട് ഫോണിൽ സംസാരിക്കുന്നതിന്റെ വീഡിയോ ദൃശ്യം കഴിഞ്ഞ ദിവസം പുറത്തു വന്നതിനെത്തുടർന്നായിരുന്നു ആരോപണവുമായി കുമാരസ്വാമി രംഗത്തെത്തിയത്. ഉദ്യോഗസ്ഥരുടെ സ്ഥലംമാറ്റത്തിന് യതീന്ദ്ര ഇടപെട്ട് പണം വാങ്ങുന്നതിന്റെ തെളിവാണിതെന്നായിരുന്നു കുമാരസ്വാമിയുടെ ആരോപണം. എന്നാൽ, ആരോപണം അടിസ്ഥാനരഹിതമാണെന്നും ഭരണത്തിലിരുന്ന കാലത്ത് കുമാരസ്വാമിയും ജെ.ഡി.എസ്. നേതാക്കളും മേടിച്ച പണത്തെ ക്കുറിച്ചാണ് കുമാരസ്വാമി പറയുന്നതെന്നും സിദ്ധരാമയ്യ പറഞ്ഞു. തങ്ങളുടെകാലത്ത്…

ബെംഗളൂരു : നഗരത്തിലെ ദർഗയിൽ വിളമ്പിയ മധുരപ്രസാദം കഴിച്ച് 20ലധികം പേർക്ക് അസുഖം ബാധിച്ചതായി പരാതി. എം.ജി.റോഡിലെ പി.എസ്.വി.ദർഗയിൽ നടന്ന ചടങ്ങിലാണ് പ്രസാദ വിതരണം നടന്നത്. പ്രസാദം കഴിച്ച് കുറച്ച് സമയത്തിന് ശേഷം ആളുകളുടെ ആരോഗ്യത്തിൽ വ്യത്യാസമുണ്ടായതായും ചിലർ ഛർദ്ദിച്ചതായുമാണ് പരാതി. ഉടൻ തന്നെ ജില്ലാ ആശുപത്രിയിൽ പ്രവേശിപ്പിച്ചു. രാംനഗർ എംഎൽഎ ഇക്ബാൽ ഹുസൈനും ഉദ്യോഗസ്ഥരും ആശുപത്രിയിലെത്തി ആരോഗ്യവിവരങ്ങൾ ചോദിച്ചറിഞ്ഞു.