Month: July 2023

ബെംഗളൂരു: സംസ്ഥാനത്ത് തക്കാളി വില കുത്തനെ ഉയരുന്നതിനിടെ, ഹാസൻ ജില്ലയിൽ വയലിൽ നിന്ന് ലക്ഷക്കണക്കിന് രൂപയുടെ തക്കാളി അജ്ഞാതർ കവർന്നു. ജൂലൈ 4 ന് ഹാസൻ ജില്ലയിലെ ബേലൂർ താലൂക്കിലെ ഗോണി സോമനഹള്ളി ഗ്രാമത്തിൽ ധരിണി എന്ന കർഷകൻ തന്റെ ജോലി കഴിഞ്ഞ് തക്കാളി പാടത്തു നിന്നും പോയത്. വിളവ് ഈ ആഴ്ച വിപണിയിലെത്തിക്കാനാണ് ധരിണി പദ്ധതിയിട്ടിരുന്നത്. എന്നാൽ ബുധനാഴ്ച രാവിലെ വയലിൽ എത്തിയപ്പോൾ ലക്ഷക്കണക്കിന് രൂപ വിലമതിക്കുന്ന തക്കാളി മോഷ്ടാക്കൾ കവർന്നതാണ് കണ്ടത്. 50-60 ചാക്കുകളിലായി ഒന്നരലക്ഷം രൂപയിലധികം വിലവരുന്ന തക്കാളിയാണ് മോഷ്ടാക്കൾ…

ബെംഗളൂരു: സ്ത്രീ യാത്രക്കാർക്ക് എതിരെയുള്ള അതിക്രമങ്ങൾ വർധിച്ചുവരുന്ന സാഹചര്യത്തിൽ രാത്രിയിൽ ഉൾപ്പെടെ കൂടുതൽ സുരക്ഷാ മാർഗങ്ങളുമായി വെബ് ടാക്സി കമ്പനിയായ റാപ്പിഡോ. രാത്രി 10 മുതൽ രാവിലെ 6 വരെ റാപ്പിഡോയിൽ റൈഡ് കനടത്തുന്ന മുഴുവൻ പേരെയും യാത്രയ്ക്ക് ശേഷം കമ്പനി അധികൃതർ ഫോണിൽ ബന്ധപ്പെട്ട് സുരക്ഷിതരരാണെന്ന് ഉറപ്പാക്കും. റാപ്പിഡോ യാത്രയ്ക്കിടെ സ്ത്രീകൾക്കെതിരെ അക്രമങ്ങൾ പതിവായ സാഹചര്യത്തിലാണ് നടപടി. നഗരത്തലേ ഓട്ടോ ഡ്രൈവർമാരെ പിന്തുണയ്ക്കുന്നതിനായി ഓട്ടോ ദോസ്ത് പദ്ധതിക്ക് റാപിഡോ തുടക്കമിട്ടു. എല്ലാ റൈഡിലും ഇവർക്ക് കമ്മീഷൻ തുകയായി 15 രൂപ ഉറപ്പാകുന്നതാണ് പദ്ധതി.…

ബെംഗളൂരു: ധാർവാഡിനും ബെംഗളൂരുവിനുമിടയിൽ ഓടുന്ന വന്ദേ ഭാരത് എക്‌സ്പ്രസ് ട്രെയിനിന് നേരെ കല്ലെറിഞ്ഞ പ്രായപൂർത്തിയാകാത്ത രണ്ട് ആൺകുട്ടികളെ റെയിൽവേ പോലീസ് അറസ്റ്റ് ചെയ്തു. കല്ലേറിനെ തുടർന്ന് ട്രെയിൻ കോച്ചിന്റെ ജനൽ തകർന്നു. ജൂലൈ ഒന്നിന് ദാവൻഗരെയുടെ പ്രാന്തപ്രദേശത്താണ് സംഭവം. ദാവൻഗരെയിൽ നിന്ന് ട്രെയിൻ പുറപ്പെട്ടതിന് ശേഷം ഉച്ചകഴിഞ്ഞ് മൂന്നരയോടെയാണ് സംഭവം. കർണാടകയിലെ വന്ദേ ഭാരത് എക്‌സ്പ്രസിന് നേരെ നടന്ന മൂന്നാമത്തെ കല്ലേറാണിത്. പ്രായപൂർത്തിയാകാത്ത ആൺകുട്ടികളെ ചിത്രദുർഗയിലെ ഒബ്സർവേഷൻ ഹോമിലേക്ക് അയച്ചിട്ടുണ്ട്. ഇരുവരും ദാവൻഗെരെ ജില്ലയിലെ ബാഷ നഗർ, എസ്എസ് നഗർ സ്വദേശികളാണെന്ന് പോലീസ് പറഞ്ഞു.…

ബെംഗളൂരു: ബെംഗളൂരു – മൈസൂരു എക്‌സ്പ്രസ്‌ വേയിലെ രണ്ടാംഘട്ടത്തിൽ ടോൾ പിരിവ് ആരംഭിച്ചതോടെ ടിക്കറ്റ് നിരക്ക് ഉയർത്തി കർണാടക ആർ.ടി.സി. ഓർഡിനറി, എക്‌സ്പ്രസ്‌, ബസുകൾക്ക് 15 രൂപയും രാജഹംസയ്ക്ക് 20 രൂപയും വോൾവോ, ഇലക്ട്രിക്ക് ബസുകൾക്ക് 30 രൂപയുമാണ് ഉയർത്തിയത്. മാർച്ചിൽ എക്‌സ്പ്രസ്‌ വേയുടെ ആദ്യഘട്ടമായ ബെംഗളൂരു – നിദഘട്ട റീച്ചിൽ ടോൾ പിരിവ് ആരംഭിച്ചതോടെ കർണാടക ആർ.ടി.സി. ടിക്കറ്റ് നിരക്ക് 15 മുതൽ 20 രൂപവരെ ഉയർത്തിയിരുന്നു. കേരളത്തിലെക്കും തമിഴ്നാട്ടിലേക്കും സർവീസ് നടത്തുന്ന കർണാടക ആർ.ടി.സി. ബസുകളുടെ ടിക്കറ്റ് നിരക്കും ഉയരും.

ബെംഗളൂരു: വ്യാഴാഴ്ച രാവിലെ 9.30നും 11നും ഇടയിൽ ബെംഗളൂരു വാട്ടർ സപ്ലൈ ആൻഡ് സ്വീവറേജ് ബോർഡ് (ബിഡബ്ല്യുഎസ്എസ്ബി) നഗരത്തിന്റെ വിവിധ ഭാഗങ്ങളിൽ ജല അദാലത്ത് നടത്തും. വാട്ടർ ബില്ലിംഗ്, ഗാർഹിക കണക്ഷനുകൾ ഗാർഹികമല്ലാത്തവയിലേക്ക് മാറ്റുന്നതിലെ കാലതാമസം, ജലവിതരണം, സാനിറ്ററി കണക്ഷനുകൾ എന്നിവയുമായി ബന്ധപ്പെട്ട പരാതികൾ അദാലത്തിൽ തീർപ്പാക്കും. ബി.ഡബ്ലിയൂ.എസ്.എസ്.ബിയിൽ നിന്നുള്ള ഉപഭോക്താക്കൾ (ഈസ്റ്റ്-1)-1, (ഈസ്റ്റ്-2)-1, (സൗത്ത് ഈസ്റ്റ്-1), (സൗത്ത് ഈസ്റ്റ്-4), (വെസ്റ്റ്-1)-1, (വെസ്റ്റ്-2)-1, (നോർത്ത് വെസ്റ്റ്-1), (നോർത്ത് വെസ്റ്റ്-3), (സെൻട്രൽ-1)-1, (നോർത്ത് ഈസ്റ്റ്-1), (നോർത്ത്-1)-1 പങ്കെടുക്കാം. വിശദാംശങ്ങൾക്ക് അല്ലെങ്കിൽ ജലവിതരണവുമായി ബന്ധപ്പെട്ട എന്തെങ്കിലും പ്രശ്നങ്ങൾ…