Month: June 2021

ബെംഗളൂരു : ലഹരിയിടപാടു കേസുമായി ബന്ധപ്പെട്ട് തന്നെ മന:പൂർവം കുടുക്കിയതാണെന്ന് പ്രശസ്ത കന്നഡ നടി രാഗിണി ദ്വിവേദി. സ്ത്രീ ആയതു കൊണ്ടാണ് ഇത്തരം നടപടി, പ്രശസ്തിയുടെ വെള്ളിവെളിച്ചത്തിൽ നിൽക്കുന്ന സ്ത്രീകളെ ഈ കേസിൽ മാത്രമല്ല മറ്റ് സമാനമായ സന്ദർഭങ്ങളിൽ കുടുക്കാൻ എളുപ്പമാണെന്ന് അവർ കൂട്ടിച്ചേർത്തു. വിജയ പുരയിൽ കോവിഡ് കുത്തിവെപ്പ് ക്യാമ്പിൽ പങ്കെടുക്കവേ ആണ് അവർ ഇങ്ങനെ പ്രതികരിച്ചത്. കഴിഞ്ഞ വർഷം സെപ്റ്റംബറിലാണ് ആദ്യം രാഗിണിയും പിന്നീട് മറ്റൊരു നടിയായ സഞ്ജന ഗൽറാണിയും അറസ്റ്റിലാകുന്നത്.

ബെംഗളൂരു : രണ്ടാം കോവിഡ് തരംഗത്തെ തുടർന്നുള്ള ലോക്ക്ഡൗണിന് കൂടുതൽ ഇളവുകൾ പ്രഖ്യാപിക്കാനിരിക്കുന്ന ജൂൺ 21 മുതൽ കൂടുതൽ വ്യാപാര സ്ഥാപനങ്ങൾ തുറക്കണമെന്ന നിർദ്ദേശവുമായി സാങ്കേതിക ഉപദേശക സമിതി. ഇരുന്നു കഴിക്കാൻ സൗകര്യത്തോടെ റസ്റ്റോറൻറുകളും മാളുകളും കല്യാണ മണ്ഡപങ്ങളും ബാർബർ ഷോപ്പുകളും ഷോപ്പിംഗ് കോംപ്ലക്സുകളും നിയന്ത്രിതമായി തുറക്കാൻ അനുവദിക്കണം. സിനിമാ തീയേറ്ററുകൾ, ക്ലബ് ഹൗസുകൾ, യോഗാ കേന്ദ്രങ്ങൾ, ജിമ്മുകൾ, ആരാധനാലയങ്ങൾ എന്നിവ തുറക്കുന്ന കാര്യം മൂന്നാം ഘട്ടത്തിൽ ഉൾപ്പെടുത്തിയാൽ മതിയെന്നും സമിതി നിർദ്ദേശിക്കുന്നു. ടെസ്റ്റ് പോസിറ്റിവിറ്റി നിരക്ക് 5 % ൽ താഴെയുള്ള ജില്ലകൾക്ക്…

ബെംഗളൂരു: നഗരത്തിൽ ഡി.ജെ. ഹള്ളി – കെ.ജി. ഹള്ളി കലാപവുമായി ബന്ധപ്പെട്ട് അറസ്റ്റിലായ 115 പേർക്ക് കർണാടക ഹൈക്കോടതി ജാമ്യം അനുവദിച്ചു. കേസന്വേഷിക്കുന്ന ദേശീയ അന്വേഷണ ഏജൻസിക്ക് (എൻ.ഐ.എ.) അന്വേഷണത്തിന് 90 ദിവസം കൂടി നൽകിയ പ്രത്യേക കോടതിയുടെ ഉത്തരവ് ശരിയല്ലെന്ന്  ചൂണ്ടിക്കാട്ടിയാണ് ഹൈക്കോടതിയുടെ നടപടി. നിശ്ചിതസമയം കഴിഞ്ഞിട്ടും അന്തിമ കുറ്റപത്രം സമർപ്പിക്കാത്തതിനാൽ പ്രതികൾ നൽകിയ ഹർജിയിൽ സ്വാഭാവിക ജാമ്യമാണ് ഹൈക്കോടതി ജഡ്ജി ജസ്റ്റിസ് എസ്. വിശ്വജിത്ത് ഷെട്ടി അനുവദിച്ചത്. 90 ദിവസം കൂടി അനുവദിക്കുന്നത് പ്രതികൾക്ക് സ്വാഭാവിക ജാമ്യം ലഭിക്കുന്നതിന് തടസ്സമാകുമെന്നും കോടതി…

ബെംഗളൂരു: കോവിഡ് മരണങ്ങളിൽ വിറങ്ങലിച്ചു നിന്ന നഗരത്തിന് ഇപ്പോൾ നേരിയ ആശ്വാസം. നഗരത്തിലെ മരണ നിരക്ക് കുറഞ്ഞതോടെ ഇതിൽ നിന്ന് ഏതാണ്ട് മോചനം നേടിക്കഴിഞ്ഞു എന്നു വേണം കരുതാൻ. ബുധനാഴ്ച 19 പേരാണ് നഗരത്തിൽ മരിച്ചത്. ദിവസം 300ലധികം പേർ കോവിഡ് ബാധിച്ചു മരിച്ച ജില്ലയാണിത്. കോവിഡ് വ്യാപനം കുറഞ്ഞുവരുന്നതിനൊപ്പം മരണവും കുറഞ്ഞുവരുന്നത് സംസ്ഥാനത്തിന് വലിയ ആശ്വാസം പകരുന്നു. ഏതാനും ദിവസമായി കോവിഡ് മരണം കൂടി നിൽക്കുന്നത് മൈസൂരുവിലാണ്. ബുധനാഴ്ച ഇവിടെ 28 പേർ മരിച്ചു. എന്നാൽ സംസ്ഥാനത്ത് ബുധനാഴ്ച ബാഗൽകോട്ട്, ബീദർ, ചിത്രദുർഗ,…

ബെംഗളൂരു: കോവിഡ് രണ്ടാംതരംഗം രൂക്ഷമായതോടെ താമസക്കാർ വാടകവീടുകളും പി.ജി.കളും ഒഴിവാക്കി സ്വദേശത്തേക്ക് മടങ്ങിയതിനെത്തുടർന്ന് കനത്ത നഷ്ടമാണ് ഉടമകൾ നേരിടുന്നത്. വീട്ടുടമകളും പേയിങ് ഗസ്റ്റ് സ്ഥാപനമുടമകളും നഗരത്തിൽ ലോക്ഡൗൺ ഇളവു ലഭിച്ചതോടെ പുതിയ താമസക്കാരെ കണ്ടെത്താനുള്ള പ്രയത്നത്തിലാണ്. വീടുകൾക്കുമുന്നിൽ ബോർഡുകൾ എഴുതിത്തൂക്കിയും സാമൂഹിക മാധ്യമങ്ങളിൽ പരസ്യംചെയ്തുമാണ് ഉടമകൾ സജീവമായി രംഗത്തിറങ്ങിയിരിക്കുന്നത്. 10 ശതമാനംവരെ വാടകയിൽ കിഴിവ് ലഭിക്കുമെന്ന് കാട്ടിയാണ് ഉടമകൾ പരസ്യങ്ങളിടുന്നത്. പോഷകസമ്പുഷ്ടമായ ഭക്ഷണവും വാഗ്ദാനംചെയ്യുന്നുണ്ട്. നഗരത്തിൽ വീടുകൾക്കും പി.ജി.കൾക്കും വാടകയും കുത്തനെ കുറഞ്ഞു. നേരത്തെയുണ്ടായിരുന്നതിന്റെ 10 മുതൽ 15 ശതമാനംവരെയാണ് കുറവുണ്ടായത്. സെക്യൂരിറ്റിതുകയിലും വലിയ…

ബെംഗളൂരു: കുടുംബാരോഗ്യ ക്ഷേമവകുപ്പ് പുറത്തിറക്കിയ ഉത്തരവ് പ്രകാരം വിദേശത്ത് പോകുന്നവർക്ക് കോവിഷീൽഡ് വാക്സിന്റെ രണ്ടാം ഡോസ് 28 ദിവസം കഴിഞ്ഞ് നൽകുമെന്ന് വ്യക്തമാക്കി. വിദേശത്ത് ജോലിക്കുപോകുന്നവർ, വിദ്യാഭ്യാസത്തിനുവേണ്ടി വിദേശത്ത് പോകുന്ന വിദ്യാർഥികൾ, ടോക്യോ ഒളിമ്പിക്സിൽ പങ്കെടുക്കാൻ പോകുന്നവർ എന്നിവർക്കാണ് രണ്ടാം ഡോസ് വാക്സിൻ 28 ദിവസത്തിന് ശേഷം എടുക്കാൻ അനുമതിയുള്ളത്. മറ്റുള്ളവർക്ക് കേന്ദ്രസർക്കാരിന്റെ ഉത്തരവുപ്രകാരം 12 മുതൽ 16 ആഴ്ചകൾക്കിടയിലാകും രണ്ടാം ഡോസ് നൽകുക.സർക്കാർ കോവിഡ് വാക്സിനേഷൻ കേന്ദ്രങ്ങളിൽ മാത്രമാകും ക്യാമ്പ് നടത്തുക. പാസ്പോർട്ട് രജിസ്റ്റർ ചെയ്യാതെ ആദ്യ ഡോസ് സ്വീകരിച്ചവർക്കും രണ്ടാം ഡോസ്…