കോന്നി: പുനലൂര് മൂവാറ്റുപുഴ സംസ്ഥാന പാതയില് കാറും തീര്ത്ഥാടകരുടെ ബസ്സും കൂട്ടിയിടിച്ച് അപകടം.
ശബരിമല തീര്ഥാടകരുടെ ബസ്സും മറ്റൊരു കുടുംബം സഞ്ചരിച്ച കാറും കൂട്ടിയിടിച്ചാണ് അപകടം ഉണ്ടായത്.
കാറിലുണ്ടായിരുന്ന നാലുപേരും മരിച്ചു. മരിച്ചവര് കോന്നി മല്ലശ്ശേരി സ്വദേശികളാണ്.
മത്തായി ഈപ്പന്, അനു, നിഖില്, മാത്യു എന്നിവരാണ് മരിച്ചത്.
അനുവും നിഖിലും നദമ്പതികളാണ്. അനുവിന്റെ അച്ഛനാണ് ബിജു.
നാലുപേരാണ് കാറില് ഉണ്ടായിരുന്നത്. ഇന്ന് വെളുപ്പിനെ 3.30ഓടെയാണ് അപകടം ഉണ്ടായത്.
നവദമ്പതികളായ അനുവും നിഖിലും മലേഷ്യയില് ടൂറ് പോയി തിരിച്ചു വരികയായിരുന്നു.
ഇവരെ തിരുവനന്തപുരം വിമാനത്താവളത്തില് നിന്ന് കൂട്ടിക്കൊണ്ടുവരാനാണ് അനുവിന്റെ പിതാവായ മത്തായി ഈപ്പനും നിഖിലിന്റെ പിതാവായ മാത്യുവും പോയത്.
തിരിച്ചു വരുമ്പോള് ആണ് അപകടം ഉണ്ടായത്.
ഇവരുടെ വീടിന്റെ ഒരു കിലോമീറ്റര് അകലെ വെച്ചാണ് അപകടം സംഭവിക്കുന്നത്.
കാര് ബസിലേക്ക് ഇടിച്ചു കയറുകയായിരുന്നു.
ഡ്രൈവര് ഉറങ്ങിപ്പോയതാണ് അപകടത്തിന് ഇടയാക്കിയതെന്നാണ് പ്രാഥമിക നിഗമനം.
കാര് വെട്ടിപ്പൊളിച്ചാണ് അപകടത്തില് പെട്ടവരെ പുറത്തെടുത്തത്.
ബസിന്റെ മുന്ഭാഗം തകര്ന്നു. ബസിലുണ്ടായിരുന്നത് തെലങ്കാന സ്വദേശികളായ ശബരിമല തീര്ഥാടകരാണ്.
ബസ്സിലുണ്ടായിരുന്ന പലര്ക്കും സാരമായ പരിക്കുണ്ട്.
പ്രാഥമിക ചികിത്സക്കായി ഇവരെ കോന്നി താലൂക്ക് ആശുപത്രിയില് പ്രവേശിപ്പിച്ചിരിക്കുകയാണ്.
