Day: 22 June 2021

ബെംഗളൂരു : 2 കോടി കോവിഡ് ഡോസ് വാക്സിനേഷനുകൾ പൂർത്തിയാക്കി കർണാടക. ഇന്ന് മാത്രം 389490 ഡോസ് വാക്സിനുകൾ കുത്തിവച്ചതോടെ ആകെ വാക്സിൻ ഡോസുകളുടെ എണ്ണം ഇന്ന് രാത്രി 9 മണിയോടെ 20087816 ആയി. കോവിഡ് വാക്സിൻ കുത്തിവച്ചവരുടെ എണ്ണത്തിൽ രാജ്യത്ത് അഞ്ചാം സ്ഥാനത്തും ദക്ഷിണേന്ത്യൻ സംസ്ഥാനങ്ങളിൽ ഒന്നാം സ്ഥാനത്തുമാണ് കർണാടകയുടെ സ്ഥാനമെന്ന് ആരോഗ്യ മന്ത്രി ഡോ.കെ.സുധാകർ ട്വീറ്റ് ചെയ്തു. ഈ നേട്ടത്തിന് പിന്നിൽ പ്രവർത്തിച്ച  ആശാ വർക്കർമാർ, അംഗൻവാടി ജീവനക്കാർ, ഡോക്ടർമാർ, പാരാമെഡിക്കൽ ജീവനക്കാർ തുടങ്ങിയ ആരോഗ്യരംഗത്ത് പ്രവർത്തിക്കുന്ന എല്ലാവരേയും അദ്ദേഹം അഭിനന്ദിച്ചു. ರಾಜ್ಯದಲ್ಲಿ…

ബെംഗളൂരു : കോവിഡിൻ്റെ അംഗങ്ങൾ നിലക്കുന്നില്ല, പ്രതിരോധ കുത്തിവെപ്പല്ലാതെ സ്ഥിരമായ ഒരു പ്രതിരോധ മാർഗ്ഗവുമില്ല. മൂന്നാം തരംഗത്തെ നേരിടാൻ പ്രത്യേക വാക്സിനേഷൻ ക്യാമ്പുകൾ നടത്താൻ ഒരുങ്ങുകയാണ് ബി.ബി.എം.പി. 8 സോണുകളിലായി 300 ഓളം കേന്ദ്രങ്ങളിലാണ് വാക്സിനേഷന് പദ്ധതി ഇടുന്നത്. മുൻഗണനാ ക്രമത്തിൽ ചുരുങ്ങിയത് പ്രതിദിനം 65000 പേർക്കെങ്കിലും കുത്തിവെപ്പ് നൽകാനാണ് പദ്ധതിയിടുന്നത്. പ്രാഥമിക ആരോഗ്യ കേന്ദ്രങ്ങളും ആശുപത്രികളും മാത്രം കേന്ദ്രീകരിച്ച് കുത്തുവെപ്പ് നടത്തുകയാണ് എങ്കിൽ മുഴുവൻ പേരിലെത്താൻ ഇനിയും കൂടുതൽ സമയം വേണ്ടിവരും അതിനാലാണ് കൂടുതൽ ക്യാമ്പുകൾ നടത്തുന്നത്.

ബെംഗളൂരു : സംസ്ഥാനാന്തര സർവ്വീസുകൾ ഇന്നു മുതൽ കർണാടക ആർ.ടി.സി പുനരാരിക്കുന്നു. തെലങ്കാന, ആന്ധ്ര സംസ്ഥാനങ്ങളിലേക്ക് ഉള്ള സർവീസ് ആണ് ആദ്യഘട്ടത്തിൽ ഉണ്ടാവുക. രാവിലെ 6 നും വൈകുന്നേരം 6 നും ഇടയിലായിരിക്കും സർവ്വീസുകൾ ആരംഭിക്കുക, രാത്രിയിൽ ആരംഭിക്കുന്ന സർവ്വീസുകൾ ആദ്യഘട്ടത്തിൽ ഇല്ല. തമിഴ്നാട്, ഗോവ, പുതുച്ചേരി,മഹാരാഷ്ട്ര എന്നിവടങ്ങളിലേക്കുള്ള സർവ്വീസ് ഇന്നു തുടങ്ങില്ല. കേരളത്തിൻ്റെ അനുമതി ലഭിച്ചാൽ കേരളത്തിലേക്കുള്ള സർവ്വീസുകൾ ആരംഭിക്കും, എന്നാൽ തെക്കൻ കേരളത്തിലേക്ക് സേലം വഴിയുള്ള സർവീസുകൾക്ക് തമിഴ്നാടിൻ്റെ കൂടി അനുമതി ആവശ്യമാണ്.