Day: 8 January 2021

ബെംഗളൂരു : ഗോമൂത്രവും ചാണകവും ഉപയോഗിച്ച് നിർമ്മിച്ച സോപ്പ്, ഷാമ്പു, ചന്ദനത്തിരി എന്നിവ ഉപയോഗിക്കാൻ മൃഗ സംരക്ഷണ വകുപ്പു മന്ത്രി പ്രഭു ചൗഹാൻ ജനങ്ങളോട് ആഹ്വാനം ചെയ്തു. പാൽ, വെണ്ണ, തൈര് എന്നിവക്ക് പുറമെ ഗോമൂത്രത്തിൽ നിന്നും ചാണകത്തിൽ നിന്നും മൂല്യവർദ്ധിത ഉൽപ്പന്നങ്ങൾ നിർമ്മിക്കാൻ കഴിയുമെന്ന് മന്ത്രി കൂട്ടിച്ചേർത്തു. എല്ലാവരും ഇത്തരം ഉൽപ്പന്നങ്ങൾ  ഉപയോഗിച്ച് പശുക്കളെ സംരക്ഷിക്കുന്ന കാര്യത്തിൽ സഹകരിക്കണമെന്നും അദ്ദേഹം പറഞ്ഞു. പശുക്കളെ കശാപ്പു ചെയ്യുന്നതിൽനിന്നും കടത്തിക്കൊണ്ടു പോകുന്നതിൽ നിന്നും സംരക്ഷിക്കാൻ ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും അദ്ദേഹം അറിയിച്ചു.

ബെംഗളൂരു: ഇന്നുമുതൽ വിദേശത്തുനിന്നുള്ള വിമാനങ്ങൾക്ക് ഇന്ത്യയിൽ ഇറങ്ങാൻ അനുമതി നൽകിയതോടൊപ്പം പാലിക്കേണ്ട നിബന്ധനകളും കേന്ദ്ര സർക്കാർ പുറത്തിറക്കി. യുകെയിൽ നിന്നുള്ള വിമാനങ്ങൾക്ക് ബെംഗളൂരു അന്താരാഷ്ട്ര വിമാനത്താവളത്തിൽ ഇറങ്ങാൻ അനുമതി നൽകിയിരുന്നത് നേരത്തെ റിപ്പോർട്ട് ചെയ്തിരുന്നു. എന്നാൽ ഇന്നുമുതൽ യുകെയിൽ നിന്ന് ഇന്ത്യയിലെത്തുന്ന യാത്രികർ എഴു ദിവസത്തെ നിർബന്ധിത ഏകാന്തവാസത്തിൽ പോകേണ്ടതാണ് എന്ന് കേന്ദ്രസർക്കാർ പുറത്തിറക്കിയ നിബന്ധനയിൽ നിഷ്കർഷിക്കുന്നു. വിമാനത്താവളത്തിൽ വച്ച് നടത്തുന്ന പരിശോധനയിൽ രോഗബാധ ഇല്ലെന്നു കണ്ടെത്തിയാലും ഏഴുദിവസത്തെ നിർബന്ധിത ഏകാന്തവാസത്തിൽ പോകേണ്ടതാണ്. തുടർന്ന് ഏഴുദിവസം സ്വവസതിയിൽ ഏകാന്തവാസം തുടരണം എന്നും നിബന്ധനയുണ്ട്.

ബെംഗളൂരു: ഷെയർ ടാക്സികൾക്ക് പ്രിയമേറുന്നു; അന്തർസംസ്ഥാന ബസ്സുകളുടെ നില പരുങ്ങലിൽ. നാട്ടിൽനിന്ന് ബെംഗളൂരുവിലേക്കും ബെംഗളൂരുവിൽനിന്ന് നാട്ടിലേക്കും ഒട്ടേറെ ഷെയർ ടാക്സികളാണ് സർവീസ് നടത്തുന്നത്. ഔദ്യോഗിക അനുമതികളൊന്നും ഇവയ്ക്കില്ലെങ്കിലും ഇത്തരം വാഹനങ്ങൾ ആശ്രയിക്കുന്നവരുടെ എണ്ണവും കൂടിവരുകയാണ്. അടുത്തടുത്ത പ്രദേശങ്ങളിലേക്ക് പോകുന്നവരെ ഒരുമിച്ച് ഒരു വാഹനത്തിൽ കൊണ്ടുപോകുന്നതാണ് ഈസംവിധാനം. വീടിന് സമീപത്ത് ഇറക്കുകയും ആവശ്യപ്പെടുന്ന സ്ഥലത്തെത്തി വാഹനത്തിൽ കയറ്റുകയും ചെയ്യുന്നതാണ് ഇവരുടെ നേട്ടമായി ചൂണ്ടിക്കാട്ടുന്നത്. അതേസമയം, കോളേജുകൾ തുറന്നിട്ടും കോവിഡ് നിയന്ത്രണങ്ങളിൽ അയവുവന്നിട്ടും കർണാടക, കേരള ആർ.ടി.സി.കളിലും സ്വകാര്യബസുകളിലും മതിയായ യാത്രക്കാരില്ല. സ്പെഷ്യൽ ബസുകൾ ഉൾപ്പെടെ സർവീസ് നടത്തുന്നുണ്ടെങ്കിലും…

ബെംഗളൂരു: പ്രതിരോധ കുത്തിവെപ്പുകളുടെ പരീക്ഷണ കാലഘട്ടം അവസാനിക്കുന്നതോടെ ദേശീയതലത്തിൽ പ്രതിരോധമരുന്ന് കുത്തിവെപ്പുകൾ തുടങ്ങാനിരിക്കെ, മൂക്കിലൂടെ നൽകാൻ കഴിയുന്ന പ്രതിരോധമരുന്ന് നിർമ്മാണത്തിന് ഭാരത് ബയോടെക് ഒരുങ്ങുന്നു. കുത്തിവെപ്പിലൂടെ നൽകുന്ന പ്രതിരോധ മരുന്നുകളെക്കാൾ കൂടുതൽ ഫലപ്രദമായിരിക്കും മൂക്കിലൂടെ നൽകുന്ന മരുന്നുകൾ എന്ന് ഭാരത് ബയോടെക് മേധാവി ഡോക്ടർ കൃഷ്ണ എല്ലാ വ്യക്തമാക്കുന്നു. ഇതിന് ശാസ്ത്രീയമായ പിൻബലം ഉണ്ടെന്നുമാണ് അദ്ദേഹത്തിന്റെ നിലപാട്. രോഗാണുക്കൾ മൂക്കിൽ കൂടിയും വായിൽ കൂടിയും ആണ് പ്രധാനമായും ശരീരത്തിൽ പ്രവേശിക്കുന്നത് എന്നതാണ് ഇതിന് അടിസ്ഥാനം. പ്രതിരോധ മരുന്നുകളെ കുറിച്ചുള്ള ഗവേഷണത്തിലും മൂക്കിലൂടെ നൽകുന്ന മരുന്നുകൾ…

ബെംഗളൂരു: സംസ്ഥാനത്തെ 30 ജില്ലകളിലുമായി 263 ആരോഗ്യ- ആശുപത്രി കേന്ദ്രങ്ങളിൽ വച്ച് പ്രതിരോധ മരുന്നിന്റെ രണ്ടാംഘട്ട പരീക്ഷണ കുത്തിവെപ്പുകൾ ഇന്ന് നടത്തും. ആദ്യഘട്ട പരീക്ഷണ കുത്തിവെപ്പുകൾ ജനുവരി രണ്ടാം തീയതിയാണ് നടത്തിയിരുന്നത്. ഇത് പൂർണ്ണ വിജയം ആയതിനെ തുടർന്നാണ് സംസ്ഥാന സർക്കാർ രണ്ടാംഘട്ട പരീക്ഷണ കുത്തിവെപ്പിന് ഒരുക്കങ്ങൾ നടത്തിയത്. സംസ്ഥാനവ്യാപകമായി നടത്താനിരിക്കുന്ന പ്രതിരോധമരുന്ന് കുത്തിവെപ്പിന് വേണ്ടുന്ന എല്ലാ നടപടിക്രമങ്ങളും പരീക്ഷണാടിസ്ഥാനത്തിൽ പാലിച്ചുകൊണ്ട് ആയിരിക്കും പരീക്ഷണ കുത്തിവെപ്പുകൾ നടത്തുക. പരീക്ഷണ കുത്തിവെപ്പുകളുടെ രണ്ടാം ഘട്ടവും വിജയകരമായി പൂർത്തിയാക്കിയാൽ തുടർന്ന് സംസ്ഥാന വ്യാപകമായി പൊതു ജനങ്ങൾക്ക് വേണ്ടിയുള്ള…