Day: 18 September 2020

ബെംഗളൂരു :ബാംഗ്ലൂർ മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) തങ്ങളുടെ എല്ലാ ബസ്സുകളിലും ക്യു-ആർ-കോഡ് ടിക്കറ്റിംഗ് അവതരിപ്പിക്കാനുള്ള നീക്കത്തിലാണ്. പക്ഷെ ഇത് ബസ്സു ജീവനക്കാർക്ക് തിരിച്ചടി ആകുന്നു എന്നാണ് ഇപ്പോഴത്തെ പരാതി. മൊബൈൽ സ്ക്രീനിൽ ആളുകൾ ടിക്കറ്റ് എടുത്തതായി കാണിക്കുന്നുണ്ടെങ്കിലും ഡ്യൂട്ടി സമയം കഴിഞ്ഞു കണ്ടക്ടർമാർ കണക്കു കൈമാറുമ്പോൾ ക്യൂ-ആർ കോഡിൽ പൈസ നൽകിയവരുടെ കണക്കുകൾ അക്കൗണ്ടിൽ പ്രതിഫലിക്കുന്നില്ല എന്നതാണ് ആദ്യത്തെ പരാതി. ചിലരൊക്കെ കഴിഞ്ഞ നാളുകളിൽ എടുത്ത ടിക്കറ്റുകളാണ് കാണിക്കുന്നത് എന്നാണു കണ്ടക്ടർമാർ പറയുന്നത്. അങ്ങനെ ഒരു ദിവസത്തെ ജോലി കഴിയുമ്പോൾ തങ്ങളുടെ പോക്കറ്റാണ്…

ബെംഗളൂരു: മോഷ്ടിച്ചെടുത്ത മാല ഉടമസ്ഥനെ തിരികെ ഏൽപ്പിക്കാൻ ടി.വി ചാനലിലേക്ക് അയച്ചു കൊടുത്തിരിക്കുകയാണ് മോഷ്ടാവ്. ബെംഗളൂരുവിലാണ് വ്യത്യസ്തമായ ഈ സംഭവം റിപ്പോർട്ട് ചെയ്തിരിക്കുന്നത്. സുവർണ്ണ ന്യൂസ് അവതാരകനായ സുനിൽ ഷെട്ടിയുടെ വിലാസത്തിലേക്കാണ് തപാൽ വഴി മാല എത്തിയിരിക്കുന്നത്. “കൊറോണ കാരണം ഞാൻ ജോലിയില്ലാത്തവനും പണമില്ലാത്തവനും ആയി അതുകൊണ്ടാണ് മോഷ്ടിച്ചത്. പിന്നീട് എനിക്ക് മനസിലായി, ഞാനത് ചെയ്യാൻ പാടില്ലായിരുന്നു, എല്ലാവരും എന്നോട് ക്ഷമിക്കണം. ക്ഷമിക്കണം ബെംഗളൂരു പോലീസ്‌” ഇങ്ങനെ ഒരു കത്തും മാലയോടൊപ്പം വച്ചിരുന്നു. ഉടമസ്ഥൻ്റ മേൽവിലാസവും കൃത്യമായി കത്തിലുണ്ട്. മാല ഇന്നുതന്നെ ഉടമസ്ഥന് കൈമാറുമെന്ന്…

ബെംഗളൂരു: കോവിഡ് രോഗവിമുക്തിക്കു ശേഷം സമൂഹത്തിൽ നിന്ന് ഒറ്റപ്പെട്ട്, വിഷാദ രോഗത്തിലേക്ക് എത്താനിടയുള്ള ഒരുപാടു പേരുണ്ടെന്ന കണ്ടെത്തലിൻ്റെ അടിസ്ഥാനത്തിൽ ഇത്തരം ആളുകളെ മാനസിക സമ്മർദ്ദം കുറച്ച് സാധാരണ ജീവിതത്തിലേക്ക് കൊണ്ടുവരാൻ കോർപ്പറേഷൻ്റെ ആരോഗ്യ വിഭാഗം കൗൺസലിംഗ് പദ്ധതികൾ ആവിഷ്ക്കരിക്കുന്നു. കോവിഡ് വിമുക്തിക്കു ശേഷം പാലിക്കേണ്ട ഭക്ഷണക്രമം, വ്യായാമം തുടങ്ങിയവയെ പറ്റി ആരോഗ്യ വിഭാഗം കൗൺസിലർമാർ കോവിഡ് വിമുക്തർക്കും, കുടുംബാംഗങ്ങൾക്കും വേണ്ട നിർദ്ദേശങ്ങൾ നൽകും. കോവിഡ് ഭേദമായതിനു ശേഷവും ചില രോഗലക്ഷണങ്ങൾ നിലനില്ക്കാനിടയുള്ള സാഹചര്യത്തിൽ വലിയ സമ്മർദ്ദമാണ് കോവിഡ് വിമുക്തർ അഭിമുഖീകരിക്കുന്നത്. ഐ.സി.എം.ആർ പ്രോത്സാഹിപ്പിക്കുന്നില്ലെങ്കിലും സംസ്ഥാനത്തെ സാഹചര്യങ്ങളിൽ…

ബെംഗളുരു: മഹാരാഷ്ട്ര ഒഴികെയുള്ള മറ്റു സംസ്ഥാനങ്ങളിലേക്ക് സ്ഥിരം ബസ് സർവ്വീസ് പുനഃസ്ഥാപിക്കാൻ കർണാടക സർക്കാർ തയാറാണെന്ന് മുൻപേ അറിയിച്ചിരുന്നു. എന്നാൽ ഇപ്പോൾ മഹാരാഷ്ട്രയിലേക്കും സ്ഥിരം ബസ് സർവ്വീസ് പുനഃസ്ഥാപിച്ചു. പക്ഷേ കേരളത്തിലേക്കുള്ള സർവീസ് നടത്താൻ ഇതുവരെ അനുമതി ലഭിച്ചിട്ടില്ല. Karnataka State Road Transport Corporation had stopped inter-state bus services due to #COVID & lockdown. As lockdown has been relaxed, KSRTC will restart operations to Maharashtra. Services to be operated from Bengaluru, Davangere, Mangaluru…

ബെംഗളൂരു: തൻ്റെ ജില്ലയായ ദക്ഷിണ കന്നഡയിൽ പബ്ബുകൾ നിരോധിക്കണമെന്ന പ്രസ്താവനയുമായി കർണാടക ബി.ജെ.പി പ്രസിഡൻ്റ് നളിൻ കുമാർ കട്ടീൽ. നിരവധി വിദ്യാർത്ഥികളെ വഴിതെറ്റിക്കുന്നതിന് പബ്ബുകൾ കാരണമാകുന്നുണ്ട് എന്നാണ് കട്ടീൽ പ്രസ്താവന നടത്തിയത് എന്നാണ് ഏറ്റവും പുതിയ മാധ്യമ റിപ്പോർട്ടുകൾ. ഈ വിഷയവുമായി ബന്ധപ്പെട്ട് ജില്ലാ പോലീസ് ഉദ്യോഗസ്ഥരുമായി ചർച്ച നടത്തുമെന്ന് ദക്ഷിണ കന്നഡയിൽ നിന്നുള്ള ലോക്സഭ അംഗം കൂടിയായ കട്ടീൽ പറഞ്ഞതായാണ് വാർത്തകൾ. അതേ സമയം സംസ്ഥാന സർക്കാറിൻ്റെ വരുമാനത്തെ നേരിട്ട് ബാധിക്കുന്ന ഈ രീതിയിലുള്ള നിർദ്ദേശത്തിനോട് പ്രതികരിച്ചു കൊണ്ട് രാഷ്ട്രീയ – ഭരണ…

ബെംഗളൂരു: ലഹരിമരുന്ന് കേസിൽ നർക്കോട്ടിക് കൺട്രോൾ ബ്യൂറോയുടെ അറസ്റ്റിലായ എറണാകുളം സ്വദേശി മുഹമ്മദ് അനൂപിന്റെ കമ്മനഹള്ളിയിലെ റെസ്റ്റോറന്റിന് മുന്നിൽ പ്രതിഷേധിക്കുന്നു. ഇന്ന് രാവിലെ 11.30-ന് ഹിന്ദുമഹാസഭയുടെ നേതൃത്വത്തിലാണ് പ്രതിഷേധം നടക്കുന്നത്. ലഹരി മാഫിയകൾക്ക് ബന്ധമുള്ള റെസ്റ്റോറന്റ് പൂട്ടണമെന്നാണ് ആവശ്യം. 2015-ലാണ് മുഹമ്മദ് അനൂപ് കമ്മന ഹള്ളിയിൽ ഹിയാത്ത റെസ്റ്റോറന്റ് ആരംഭിച്ചത്. ഹിയാത്ത് റെസ്റ്റോറന്റ് സ്പൈസ് ബേ ഹോട്ടൽ എന്ന പേരിലാണ് ഇപ്പോൾ പ്രവർത്തിക്കുന്നത്.