Day: 30 July 2020

ബെംഗളൂരു: അശ്ലീല വെബ്‌സൈറ്റില്‍ കോളേജ് വിദ്യാർഥികളുടെ ചിത്രങ്ങൾ പ്രചരിപ്പിച്ച സംഭവത്തിൽ രണ്ടുപേർ അറസ്റ്റിൽ. ടെക്കികളായ അജയ് തനികാചലം(27) വികാസ് രഗോഥം(27) എന്നിവരെയാണ് സിറ്റി ക്രൈംബ്രാഞ്ചിന്റെ സൈബർ വിങ് അറസ്റ്റ് ചെയ്തത്. ഇവരുടെ ലാപ്ടോപ്പുകളും മൊബൈൽ ഫോണുകളും പോലീസ് പിടിച്ചെടുത്തിട്ടുണ്ട്. നഗരത്തിലെ കോളേജ് വിദ്യാർഥികളുടെയും അധ്യാപികമാരുടെയും ചിത്രങ്ങൾ അശ്ലീല വെബ്സൈറ്റിൽനിന്ന് നീക്കം ചെയ്തതായും പോലീസ് അറിയിച്ചു. നഗരത്തിലെ കോളേജ് വിദ്യാർഥികളുടെയും അധ്യാപികമാരുടെയും സാമൂഹികമാധ്യമങ്ങളിലെ ചിത്രങ്ങൾ ദുരുപയോഗം ചെയ്തായിരുന്നു അശ്ലീല വെബ്സൈറ്റിൽ പോസ്റ്റ് ചെയ്തിരുന്നത്. ചിത്രങ്ങൾ അശ്ലീല വെബ്സൈറ്റിൽ പ്രചരിപ്പിച്ച സംഭവത്തിൽ വിദ്യാർഥി കൂട്ടായ്മകളും രക്ഷിതാക്കളും ശക്തമായ പ്രതിഷേധം ഉയർത്തിയിരുന്നു.…

ബെംഗളൂരു: നഗരത്തിൽ മാത്രം 1267 അപ്പാർട്മെന്റ് കോംപ്ലക്സുകളിൽ കണ്ടെയ്ൻമെന്റ് സോണുകൾ. നിലവിൽ കോവിഡ് പോസിറ്റീവ് ആയവരുള്ള നഗരത്തിലെ ഒരു വീടോ ഫ്ലാറ്റോ തെരുവോ കണ്ടെയ്ൻമെന്റ് സോണായി പ്രഖ്യാപിക്കുന്നതാണ് രീതി. ഗേറ്റഡ് കമ്യൂണിറ്റികൾക്കുള്ളിൽ ഉള്ളിൽ പോലും സ്വൈരജീവിതത്തിന് അവസരമില്ലെന്ന അവസ്ഥ തിരിച്ചറിഞ്ഞതോടെ പലരും കുടുംബമായി സ്വദേശങ്ങളിലേക്ക് മടങ്ങുന്നു. നിലവിൽ കോവിഡ് പോസിറ്റീവായാൽ അതതു ഫ്ലാറ്റിനു പുറമേ തൊട്ടുമുകളിലും താഴെയുമുള്ള ഫ്ലോറുകളിൽ കൂടി നിയന്ത്രണം ഏർപ്പെടുത്തി അടച്ചുപൂട്ടുന്ന സാഹചര്യവുമുണ്ട്. ഒരു ഫ്ലാറ്റ് കണ്ടെയ്ൻമെന്റ് സോണായി പ്രഖ്യാപിക്കുന്നതോടെ ഇതുൾപ്പെടുന്ന അപ്പാർട്മെന്റ് കോംപ്ലക്സ് ഒന്നാകെ ആശങ്കയിലാഴ്ത്തുന്നതാണ് നിലവിലെ സാഹചര്യം. നഗരത്തിൽ രോഗബാധിതർ 50,000…

ബെംഗളൂരു : കർണാടകയിൽ നിന്ന് ഉത്തരകേരളത്തിലേക്ക് യാത്ര ചെയ്യുന്നവരുടെ ശ്രദ്ധക്ക്, വയനാട് ജില്ലയിലെ പാൽ ചുരം, പക്ര തളം (കുറ്റ്യാടി), പേര്യ ചുരങ്ങളിൽ ഇനിയൊരു അറിയിപ്പ് ഉണ്ടാക്കുന്നത് വരെ ഗതാഗത നിയന്ത്രണം ഏർപ്പെടുത്തിയതായി വയനാട് കളക്ടർ ഡോ: അദീല അബ്ദുള്ള അറിയിച്ചു. മെഡിക്കൽ ആവശ്യവുമായി ബന്ധപ്പെട്ടതും ചരക്കു വാഹനങ്ങൾക്കും മാത്രമാണ് ഈ ചുരങ്ങളിൽ യാത്രാ അനുമതി ഉള്ളൂ. ആവശ്യക്കാർ താമരശ്ശേരി ചുരത്തെ ആശ്രയിക്കേണ്ടി വരും. കോവിഡ് രോഗവ്യാപനം അധികമായതിനാൽ ആണ് ഈ നടപടി.