Day: 5 September 2019

ബെംഗളൂരു : ചിക്കമഗളൂരുവിലെ തരികെരെ താലൂക്കിൽ പുണ്ടനഹള്ളി ഗേറ്റിന് സമീപം കുടലൂരു ഗേറ്റിൽ  ദേശീയ പാത 206 ൽ കർണാടക ആർ.ടി.സി.ബസും എസ്.ആർ.എസ് ട്രാവൽസിന്റെ സ്വകാര്യ ബസും നേർക്കുനേർ കൂട്ടിയിടിച്ച് രണ്ട് ബസുകളിലേയും ഡ്രൈവർമാർ മരിച്ചു. 28 യാത്രക്കാർക്ക് പരിക്കേറ്റു, ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയോടെ ആണ് അപകടം നടന്നത്, ബെംഗളൂരുവിൽ നിന്ന് ബെളഗാവിയിലേക്ക് പോകുകയായിരുന്ന കർണാടക സാരിഗെ ബസ് ബെളഗാവിയിൽ നിന്ന് നഗരത്തിലേക്ക് വരികയായിരുന്ന എസ്.ആർ.എസ് ബസുമായാണ് കൂട്ടിയിടിച്ചത്.

ബെംഗളൂരു: മൈസൂരു വിമാനത്താവളത്തില്‍ വച്ച് സഹായിയുടെ മുഖത്തടിച്ച സംഭവത്തില്‍ വിശദീകരണവുമായി കര്‍ണാടക മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ദരാമയ്യ. സഹായിയോടുള്ള അടുപ്പകൂടുതല്‍ കൊണ്ടാണ് അടിച്ചതെന്നും അവന്‍ തനിക്ക് മകനെപ്പോലെയാണെന്നുമായിരുന്നു സിദ്ദരാമയ്യ നല്‍കിയ വിശദീകരണം. “നദാനഹള്ളി രവി എനിക്ക് മകനെപ്പോലെയാണ്. ഏറെ വര്‍ഷങ്ങളായി അവന്‍ എനിക്കൊപ്പമാണ്. അവന്‍റെ മാര്‍ഗനിര്‍ദേശിയായി ഞാന്‍ ഉണ്ടാവാറുണ്ട്. വാത്സല്യത്തോടെ തന്നെ ഞാന്‍ എന്‍റെ ആശങ്കയും അതൃപ്തിയും പ്രകടിപ്പിച്ച അവസരങ്ങള്‍ ഇതിന് മുന്‍പും ഉണ്ടായിട്ടുണ്ട്. ഇതും അത്തരത്തില്‍ തന്നെയാണ്”, എന്നായിരുന്നു സിദ്ദരാമയ്യയുടെ വിശദീകരണം. സഹായിയെ അടിച്ച സംഭവം വിവാദമാവുകയും പ്രതിഷേധം ഉയരുകയും ചെയ്ത…

ബെംഗളൂരു : വൈകിയെങ്കിലും കാത്തിരിപ്പിന് വിരാമമിട്ടു കൊണ്ട് കൊച്ചുവേളിയിലേക്ക് ഓണം സ്പെഷൽ പ്രഖ്യാപിച്ച് ദക്ഷിണ പശ്ചിമ റെയിൽവേ. നാളെയും 9നും വൈകീട്ട് 3:40 ന് ബാനസവാടിയിൽ നിന്ന് പുറപ്പെടുന്ന തത്കാൽ സ്‌പെഷൽ ( 06557) അടുത്ത ദിവസം രാവിലെ 6.50 ന് കൊച്ചു വേളിയിലെത്തും. കെആർ പുരം സേലം ഈറോഡ് തിരുപ്പൂർ കോയമ്പത്തൂർ പാലക്കാട് തൃശൂർ ആലുവ എറണാകുളം നോർത്ത് കോട്ടയം ചങ്ങനാശ്ശേരി തിരുവല്ല ചെങ്ങന്നൂർ കായങ്കുളം കൊല്ലം എന്നിവിടങ്ങളാണ് സ്റ്റോപ്പ് അനുവദിച്ചത്. Onam Special on 10.09.2019 pic.twitter.com/yxXafJVlKg — @GMSouthernrailway (@GMSRailway)…