Month: August 2019

ബെംഗളൂരു: വടക്കൻ കർണാടകയിൽ കനത്ത മഴ തുടരുന്നു, മൂന്ന് മരണം, അൽമാട്ടി അണക്കെട്ട് തുറന്നു, നദികൾ കരകവിഞ്ഞ് ഒഴുകിയതോടെ കൂടുതൽ മേഖലകൾ പ്രളയഭീതിയിൽ. ബെലഗാവി, വിജയപുര, യാദ്ഗീർ, റായ്ച്ചൂർ, ബാഗൽകോട്ട്, ഹുബ്ബള്ളി-ധാർവാഡ്, ശിവമോഗ, കുടക്, ഉത്തരകന്നഡ തുടങ്ങിയ ജില്ലകളിലെ പലയിടങ്ങളിലും വെള്ളംകയറി. മഴക്കെടുതിയിൽ ബെലഗാവിൽ പോലീസുകാരനുൾപ്പെടെ മൂന്നുപേർ മരിച്ചു. ഗതാഗതം തടസ്സപ്പെട്ട റോഡിൽ വാഹനം നിയന്ത്രിക്കുന്നതിനിടെ നിയന്ത്രണംവിട്ട വാഹനമിടിച്ചാണ് കിട്ടൂർ പോലീസ് സ്റ്റേഷനിലെ എസ്.ഐ. എരന്ന ലട്ടി മരിച്ചത്. ചിക്കോടിയിൽ പുഴയിലെ ഒഴുക്കിൽ പെട്ട് 33-കാരനും മതിലിടിഞ്ഞുവീണ് മറ്റൊരാളും മരിച്ചു. പുനെ-ബെംഗളൂരു ദേശീയപാതയിൽ ബെലഗാവിക്കടുത്ത്…

ബെംഗളൂരു : ഇന്നലെ അന്തരിച്ച മുതിർന്ന ബിജെപി നേതാവിനെ മലയാളികളിലധികവും ഓർക്കുന്നത് നല്ല പ്രകടനം കാഴ്ചവെച്ച വിദേശകാര്യ മന്ത്രി എന്ന നിലക്കായിരിക്കും. എന്നാൽ സുഷമ സ്വരാജ്കന്നഡികരുടെ ഹൃദയത്തിൽ ഇടം നേടിയത് അതിനും മുൻപാണ്. 1999ൽ വലിയ രാഷ്ട്രീയ ചരിത്രമുറങ്ങുന്ന ബെളളാരി (പഴയ ബെല്ലാരി) യിൽ കോൺഗ്രസ് ദേശീയ അധ്യക്ഷ സോണിയാഗാന്ധി മൽസരിക്കാൻ തീരുമാനിച്ചപ്പോൾ, അവരെ നേരിടാൻ ബിജെപി നിയോഗിച്ചത് തീപ്പൊരി നേതാവായ സുഷമ സ്വരാജിനെ ആയിരുന്നു. ഉത്തരേന്ത്യക്കാർ പഠിക്കാൻ വളരെ ബുദ്ധിമുട്ടുള്ള ഭാഷകളിൽ ഒന്നായ കന്നട പഠിച്ച് ഓരോ പ്രചരണ വേദികളിലും മുഴു നീള…

ബെംഗളൂരു : ബക്രീദുമായി ബന്ധപ്പെട്ട എല്ലാ തരത്തിലുമുള്ള മൃഗങ്ങളെ കൊല്ലുന്നതും തടയണമെന്നും ഗോവധ നിരോധന നിയമം ഉറപ്പാക്കണമെന്ന് ആവശ്യപ്പെട്ട് ഡിജിപി ബിജെപിയുടെ കത്ത്. ബിജെപി സംസ്ഥാന ജനറൽ സെക്രട്ടറി രവികുമാറും ഗോസംരക്ഷണ സേന സംസ്ഥാന കൺവീനർ സിദ്ധാർത്ഥ ഗോയങ്കയും ആണ്  ഡിജിപിക്കു കത്തെഴുതിയത്. 1975 വരുത്തിയ ഭേദഗതി പ്രകാരം ഗോവധ നിരോധന നിയമം എല്ലാവർക്കും ബാധകമാണ് എന്നാണ് ഇവർ അവകാശപ്പെടുന്നത്.

ബെംഗളൂരു: ബിജെപി എംഎൽഎ ബസനഗൗഡ പാട്ടീൽ യത്നലിനെതിരെ അപകീർത്തി കേസുമായി കോൺഗ്രസ് നേതാവും മുൻമന്ത്രിയുമായ ഡി.കെ ശിവകുമാർ. സാമ്പത്തിക ക്രമക്കേടുമായി ബന്ധപ്പെട്ട കേസുകൾ ഒത്തുതീർ‌പ്പാക്കാൻ ശിവകുമാർ ബിജെപി നേതാക്കളെ സമീപിച്ചെന്ന ആരോപണത്തെ തുടർന്നാണ് 204 കോടി രൂപയുടെ നഷ്ടപരിഹാരം തേടി രാമനഗര മജിസ്ട്രേറ്റ് കോടതിയെ ശിവകുമാർ സമീപിച്ചത്. കേസ് സെപ്റ്റംബർ 18ന് പരിഗണിക്കും. കേസ് അന്വേഷണം ഉപേക്ഷിച്ചാൽ ബിജെപി സർക്കാർ രൂപീകരണം തടയുന്ന പ്രവർത്തനങ്ങളിൽ  നിന്നു മാറിനിൽക്കാമെന്നു ശിവകുമാർ ഉറപ്പു നൽകിയതായും യത്നൽ ആരോപിച്ചിരുന്നു. അടിസ്ഥാനരഹിതമായ ആരോപണത്തിലൂടെ  പ്രതിച്ഛായയ്ക്കു മങ്ങലേറ്റെന്നും ശിവകുമാർ പരാതിയിൽ പറയുന്നു.

ബെംഗളൂരു: സംസ്ഥാനത്തെ ജയിലുകളിൽ തടവുകാരെ തിങ്ങിപ്പാർപ്പിക്കുന്നത് സുരക്ഷാ ഭീഷണി ഉയർത്തുന്നു. ജയിലുകളിൽ ഉൾക്കൊള്ളാവുന്നതിലും കൂടുതൽ തടവുകാരുണ്ടെന്ന് ജയിൽവകുപ്പിന്റെ കണക്കുകൾ. 13,622 തടവുകാരെയാണ് സംസ്ഥാനത്തെ ജയിലുകളിൽ ഉൾക്കൊള്ളാൻ കഴിയുന്നത്. എന്നാൽ, നിലവിൽ വിവിധ ജയിലുകളിലായി 15,257 തടവുകാരുണ്ട്. ഡോക്ടർമാർ ഉൾപ്പെടെയുള്ള സൗകര്യങ്ങളുടെ കുറവുള്ളപ്പോഴാണ് ഉൾക്കൊള്ളാൻ കഴിയുന്നതിനെക്കാൾ തടവുകാരെ ജയിലുകളിൽ പാർപ്പിക്കുന്നത്. അതേസമയം, ചില സബ് ജയിലുകൾ അറ്റകുറ്റപ്പണിയുടെ ഭാഗമായി അടച്ചതിനെത്തുടർന്ന് തടവുകാരെ മറ്റുജയിലുകളിലേക്ക് മാറ്റിയത് സ്ഥിതി രൂക്ഷമാക്കിയിട്ടുണ്ട്. സംസ്ഥാനത്തെ ഒമ്പത് സെൻട്രൽ ജയിലുകളിലായി 10,397 തടവുകാരാണ് നിലവിലുള്ളത്. എന്നാൽ, പരമാവധി 7817 തടവുകാരെ പാർപ്പിക്കാനുള്ള സൗകര്യമേ…