Month: April 2018

ബെംഗളൂരു: സൗത്ത് ഈസ്റ്റ് ഏഷ്യയിലെ ഏറ്റവും വാഹനത്തിരക്കേറിയ രണ്ടാമത്തെ നഗരം ബെംഗളൂരുവെന്നു സർവേ റിപ്പോർട്ട്. ഒന്നാം സ്ഥാനത്ത് കൊൽക്കത്തയാണ്. ഗതാഗതക്കുരുക്കിൽ ബെംഗളൂരുവിനു വർഷം തോറുമുള്ള നഷ്ടം 38,000 കോടി രൂപയാണെന്നും ബോസ്റ്റൻ കൺസൽറ്റിങ് ഗ്രൂപ്പ് സർവേയിൽ പറയുന്നു. മറ്റു നഗരങ്ങളെ അപേക്ഷിച്ച് തിരക്കേറിയ നേരത്ത് 149 ശതമാനം അധിക സമയമാണ് ബെംഗളൂരുവിൽ ഗതാഗതക്കുരുക്ക് കാരണം കൂടുതലായി വേണ്ടിവരുന്നത്.

ബെംഗളൂരു: കാംബ്രിഡ്ജ് അനലിറ്റിക്കയും വാർത്ത ചോരലും മറ്റും അഗോളതലത്തിൽ ഫേസ്ബുക്കിന് ഉണ്ടാക്കിയ ക്ഷതം ചെറുതല്ല, ഫേസ്ബുക്ക് സ്ഥാപക തലവൻ മാർക്ക് സുക്കൻബർഗിനെ അമേരിക്കൻ കോൺഗ്രസ് വിളിച്ചു വരുത്തി ചോദ്യം ചെയ്യുന്നിടം വരെ കാര്യങ്ങൾ നീണ്ടു. ഇനി വരുന്ന തെരഞ്ഞെടുപ്പുകളിൽ ശ്രദ്ധിച്ചോളാം എന്ന് അന്നേ ഫേസ്ബുക്ക് തീരുമാനമെടുത്തതാണ്. തിരഞ്ഞെടുപ്പുമായി ബന്ധപ്പെട്ട് സമൂഹമാധ്യമങ്ങളിലൂടെ വ്യാജ വാർത്തകൾ പ്രചരിക്കുന്നതു തടയാൻ ഫെയ്സ്ബുക്, പ്രമുഖ വെബ്സൈറ്റ് ബൂം എന്നിവ കൈകോർക്കുന്നു. ഏതെങ്കിലും വാർത്ത വ്യാജമാണെന്നു കണ്ടെത്തിയാൽ ആ വാർത്തയുടെ ലിങ്ക് ഫെയ്സ്ബുക്കിൽ വരുന്നതു നിയന്ത്രിക്കാനാകുമെന്നു ബൂം എംഡി ജെൻസി ജേക്കബ്…

ബെംഗളൂരു : വിവാദ ഖനി വ്യവസായിയും മുൻ മന്ത്രിയുമായ ജി.ജനാർദന റെഡ്ഡി ബിജെപി സ്ഥാനാർഥിക്കായി പ്രചാരണരംഗത്ത്. ചിത്രദുർഗയിലെ മുളകാൽമുരു മണ്ഡലത്തിൽ മൽസരിക്കുന്ന തന്റെ വിശ്വസ്തൻ ബി.ശ്രീരാമുലുവിനു വേണ്ടിയാണ് ജനാർദനറെഡ്ഡി ഇറങ്ങിയത്. അനധികൃത ഖനനക്കേസിൽ ജയിൽശിക്ഷ ലഭിച്ച റെ‍ഡ്ഡിയെ ബിജെപി അകറ്റി നിർത്തിയിരിക്കുകയാണ്. റെഡ്ഡിയുമായി പാർട്ടിക്ക് യാതൊരു ബന്ധവുമില്ലെന്നു ദേശീയാധ്യക്ഷൻ അമിത്‌ഷായും വ്യക്തമാക്കിയിരുന്നു. എന്നാൽ തന്നെക്കുറിച്ച് ഷാ എന്താണ് പറഞ്ഞതെന്ന് അറിയില്ലെന്നും ബിജെപിയോടുള്ള സ്നേഹം രക്തത്തിൽ അലിഞ്ഞുചേർന്നതാണെന്നും തുമകൂരുവിലെ സിദ്ധഗംഗാ മഠം സന്ദർശിച്ച ശേഷം റെഡ്ഡി പറഞ്ഞു. സ്വദേശമായ ബെള്ളാരിയിൽ പ്രവേശിക്കുന്നതിനു വിലക്കുള്ളതിനാൽ ചിത്രദുർഗയിലെ രാംപുരയിൽ…