Day: 17 April 2018

ഇന്ത്യന്‍ ആക്ഷന്‍ കൊറിയോഗ്രഫിയില്‍ സൂപ്പര്‍ സ്റ്റാറായ പീറ്റര്‍ ഹെയ്ന്‍ സ്ത്രീകള്‍ക്കായി സ്വയം സുരക്ഷാ ടെക്നിക് പഠിപ്പിക്കുന്നു. ട്വിറ്ററിലൂടെയാണ് പീറ്റര്‍ ഹെയ്നിന്‍റെ അധ്യാപനം. രാജ്യത്ത് സ്ത്രീകള്‍ക്കെതിരെ അതിക്രമങ്ങള്‍ വര്‍ധിച്ചു വരുന്ന സാഹചര്യത്തിലാണ് പീറ്റര്‍ ഹെയ്നിന്‍റെ ട്വീറ്റ്. നാല് തരത്തിലുള്ള ടെകിനിക്കുകളാണ് പീറ്റര്‍ ഹെയ്ന്‍ പരിചയപ്പെടുത്തുന്നത്. ഓരോന്നും എങ്ങനെ ചെയ്യണമെന്ന് വ്യക്തമാക്കുന്ന ചിത്രങ്ങളും ട്വീറ്റ് ചെയ്തിട്ടുണ്ട്. ഓരോ സ്ത്രീയും അറിഞ്ഞിരിക്കേണ്ട സ്വയം സുരക്ഷാ ടെക്നിക്ക് എന്ന തലക്കെട്ടോടെയാണ് പീറ്റര്‍ ഹെയ്ന്‍ ഇവ ട്വീറ്റ് ചെയ്തിരിക്കുന്നത്. അല്‍പം മനഃസാന്നിധ്യം ഉണ്ടെങ്കില്‍ ആര്‍ക്കും ചെയ്യാവുന്ന പ്രതിരോധ രീതികളാണ് ഇവയെല്ലാം. പീറ്റര്‍…

ദേശീയ പുരസ്കാര ജേതാവ് സുവീരന്‍ സംവിധാനം ചെയ്യുന്ന മഴയത്ത് എന്ന ചിത്രത്തിലെ ആദ്യ ഗാനമെത്തി. ‘അകലുമ്പോള്‍ അരികെ അണയാന്‍’ എന്ന് തുടങ്ങുന്ന ഗാനമാണ് റിലീസായിരിക്കുന്നത്. ഗോപീസുന്ദറിന്‍റെ സംഗീതത്തില്‍ വിജയ് യേശുദാസാണ് ഗാനം ആലപിച്ചിരിക്കുന്നത്. അപര്‍ണ ഗോപിനാഥ്, തമിഴ് താരം നികേഷ് റാം, ബാലതാരം നന്ദന വര്‍മ, മനോജ് കെ ജയന്‍, ശാന്തികൃഷ്ണ തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. മഴയത്ത് ഒരു സസ്പെന്‍സ് ത്രില്ലര്‍ ആണ്. കുടുംബ ബന്ധങ്ങളിലൂടെ വികസിക്കുന്ന പ്രമേയമാണ് ചിത്രത്തിന്‍റെത്. ഏപ്രില്‍ 27ന് ചിത്രം പ്രദര്‍ശനത്തിനെത്തും.

കൊച്ചി: നടിയെ ആക്രമിച്ച കേസിലെ എട്ടാംപ്രതിയായ നടന്‍ ദിലീപിന് വിദേശത്ത്‌ പോകാന്‍ കോടതിയുടെ അനുമതി. അങ്കമാലി പ്രിന്‍സിപ്പല്‍ സെഷന്‍സ് കോടതിയാണ് അനുമതി നല്‍കിയത്. ഈ മാസം അവസാനം നിശ്ചയിച്ചിരിക്കുന്ന യാത്രയില്‍ ദിലീപിനൊപ്പം ഭാര്യ കാവ്യാമാധവനും മകള്‍ മീനാക്ഷിയും ഉണ്ടാകുമെന്നും സൂചനയുണ്ട്. ദിലീപിന്‍റെ ഏറ്റവും പുതിയ ചിത്രമായ കമ്മാര സംഭവത്തിന്‍റെ പ്രചരണാര്‍ത്ഥമാണ് ദിലീപ് വിദേശത്തേക്ക് പോകുന്നത്. ദുബായ്, സിംഗപ്പൂര്‍ എന്നിവിടങ്ങളിലേക്കാണ് യാത്ര. ഇത് സംബന്ധിച്ച് അങ്കമാലി പ്രിന്‍സിപ്പല്‍ സെഷന്‍സ് കോടതിയില്‍ നല്‍കിയ അപേക്ഷ ദിലീപിന് അനുകൂലമാവുകയായിരുന്നു. ജാമ്യത്തിലിറങ്ങിയ ശേഷം ദിലീപ് നടത്തുന്ന രണ്ടാമത്തെ വിദേശയാത്രയാണിത്‌. ദിലീപിന്‍റെ…