Year: 2017

ബെംഗളൂരു∙ ബെംഗളൂരു നഗരത്തിലെത്താൻ സമീപ ജില്ലയിൽ നിന്നുള്ളവർക്കുള്ള കഷ്ടപ്പാട് ഇനി കുറയും. നിലവിലുള്ള ട്രെയിനുകളിൽ എട്ടെണ്ണം മെമു സർവീസാക്കി മാറ്റും. പാസഞ്ചർ ട്രെയിനിന്റെ നിരക്കും സ്‌റ്റോപ്പുകളുമായി എക്‌സ്‌പ്രസിന്റെ വേഗത്തിൽ പോകാമെന്നതാണ് മെമു സർവീസിന്റെ പ്രധാന നേട്ടം. കെഎസ്ആർ ബെംഗളൂരു-ഹിന്ദുപുർ പാസഞ്ചർ, കെഎസ്ആർ മാരിക്കുപ്പം ഡെമു പാസഞ്ചർ, വൈറ്റ്ഫീൽഡ്-ബൈയ്യപ്പനഹള്ളി, ബംഗാർപേട്ട്-മാരിക്കുപ്പം പാസഞ്ചർ ട്രെയിനുകളാണു മെമു റേക്കുകളിൽ സർവീസ് ആരംഭിച്ചത്. ബാക്കിയുള്ള നാലു ഡെമു സർവീസുകൾ പുതിയ റേക്കുകൾ എത്തുന്നതനുസരിച്ചു മെമു ആക്കും. നഗരത്തിൽ സബേർബൻ ട്രെയിൻ സർവീസ് കൂടുതൽ കാര്യക്ഷമമാക്കുന്നതിന്റെ ഭാഗമായാണു നടപടി. മെമു കോച്ചുകൾ…

ബെംഗളൂരു: നാടൻ അരിപ്പൊടിയും മല്ലിപ്പൊടിയും മുളകുപൊടിയും വീട്ടമ്മമാർക്കു കുറഞ്ഞവിലയിൽ വാങ്ങാനുള്ള അവസരമാണു കേരള സർക്കാരിന്റെ വ്യാപാര സാംസ്കാരിക മേളയിലൊരുക്കിയിട്ടുള്ളത്. കുടുംബശ്രീ യൂണിറ്റുകളുടെ സ്റ്റാളുകളിൽ വിവിധതരം പലവ്യഞ്ജനങ്ങളുടെയും അച്ചാറുകളുടെയും വിൽപന ഉഷാർ. രാസവളവും കീടനാശിനിയും ഉപയോഗിക്കാത്ത കുടുംബശ്രീ ഉൽപന്നങ്ങൾക്ക് ആവശ്യക്കാരേറിയ സാഹചര്യത്തിൽ പല യൂണിറ്റുകളും കൂടുതൽ സ്റ്റോക്കെത്തിക്കാനുള്ള ശ്രമത്തിലാണ്. കേരള സർക്കാരിന്റെ ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പിന്റെ നേതൃത്വത്തിൽ ജയമഹൽ പാലസിൽ നടക്കുന്ന വ്യാപാര സാംസ്കാരിക മേളയിൽ രാവിലെ പത്തു മുതൽ രാത്രി പത്തു വരെ പ്രവേശനമുണ്ട്. പ്രവേശനം സൗജന്യമാണ്. മേള 20ന് സമാപിക്കും.