Tag: accident death

ബെംഗളൂരു: ആംബുലൻസിനെ മറികടക്കുന്നതിനിടെ കാർ വൈദ്യുതത്തൂണിലിടിച്ച് എൻജിനീയറിങ് വിദ്യാർഥി മരിച്ചു, ഏഴുപേർ പരുക്കുകളോടെ രക്ഷപ്പെട്ടു. ഞായറാഴ്ച രാവിലെ നഗരത്തിന്റെ പ്രാന്തപ്രദേശത്തുള്ള മഗഡിയിലാണ് സംഭവം.ജമ്മുവിലെ ഉധംപൂർ സ്വദേശിയും ബസവനഗുഡിയിലെ സ്വകാര്യ കോളജിലെ അഞ്ചാം സെമസ്റ്റർ എൻജിനീയറിങ് വിദ്യാർഥിനിയുമായ ആകാൻക്ഷ ഗുപ്ത (19) ആണ് മരിച്ചത്. ട്രെക്കിംഗിനായി സവനദുർഗയിലേക്ക് പോകുന്ന വഴി ആണ് അപകടം സംഭവിച്ചത്.പരിക്കേറ്റ ആശിഷ് രാജ്, ദിവ്യാൻഷ്, അശുതോഷ്, ദർശൻ, യശോവർദ്ധൻ സിംഗ്, ഭവ്യ, വില്യംസ് എന്നിവരെ സ്വകാര്യ ആശുപത്രിയിലേക്ക് മാറ്റി. ഇവരെല്ലാം വിദ്യാർഥികളാണ്.  

ബെംഗളൂരു : മാറത്തഹള്ളിയിൽ ടിപ്പറും ബൈക്കും കൂട്ടിയിടിച്ച് ഉണ്ടായ അപകടത്തിൽ അമ്മയും ഒരുവയസ്സുള്ള മകനും മരിച്ചു. ഭർത്താവിനെ സാരമായ പരിക്കുകളോടെ ആശുപത്രിയിൽ പ്രവേശിപ്പിച്ചു.കെ.ആർ. പുരം സ്വദേശികളായ ശ്രീദേവി (21), മകൻ ദീക്ഷിത് എന്നിവരാണ് മരിച്ചത്. തിങ്കളാഴ്ച രാവിലെ ശ്രീദേവിയും ഭർത്താവും കുട്ടിയും സഞ്ചരിച്ച ബൈക്കിൽ ധർമപുരിക്കു പോകുമ്പോഴായിരുന്നു അപകടം. റിങ് റോഡിനു സമീപത്തെത്തിയപ്പോൾ ബൈക്കിന്റെ പുറകിൽ ടിപ്പർ ഇടിക്കുകയായിരുന്നു. റോഡിൽ തെറിച്ചുവീണ ശ്രീദേവിയും മകനും അപകടസ്ഥലത്തുതന്നെ മരിച്ചു. ടിപ്പർ ഡ്രൈവർ വാഹനം ഉപേക്ഷിച്ച് ഓടിരക്ഷപ്പെട്ടു. എച്ച്.എ.എൽ. പോലീസ് കേസെടുത്തു.

ബെംഗളൂരു: തുമകൂരുവിലെ ചിക്കനായകനഹള്ളിയിൽ ലോറിയും സ്വകാര്യബസും കൂട്ടിയിടിച്ച് നാലു പേർ മരിച്ചു, രണ്ടുപേർക്ക് പരിക്കേറ്റു.പച്ചക്കറിയും പൂക്കളും കയറ്റിപ്പോകുകയായിരുന്ന മിനി ലോറി സ്വകാര്യബസുമായി കൂട്ടി ഇടിച്ചാണ് അപകടം ഉണ്ടായത്. ഞായറാഴ്ചയായിരുന്നു അപകടം. ചിക്കനായകനഹള്ളിയിലേക്ക് പോകുകയായിരുന്ന ലോറി ബസുമായി നേർക്കുനേർ കൂട്ടിയിടിക്കുകയായിരുന്നു. ലോറിയിലുണ്ടായിരുന്ന മൂന്നുപുരുഷന്മാരും ഒരു സ്ത്രീയുമാണ് മരിച്ചത്. ഇവരുടെ പേരുവിവരങ്ങൾ വ്യക്തമായിട്ടില്ല. നാലുപേരും അപകടസ്ഥലത്തുതന്നെ മരിച്ചതായി പോലീസ് പറഞ്ഞു പിക്കപ്പ് ലോറി പൂർണമായും തകർന്നു. ബെംഗളൂരുവിൽനിന്നുപോയ ബസാണ് കൂട്ടിയിടിച്ചത്. പരിക്കേറ്റവർ ബസിലുണ്ടായിരുന്നവരാണ്. ഇവർ അപകടനില തരണംചെയ്തതായും പോലീസ് പറഞ്ഞു. അപകടത്തെത്തുടർന്ന് ഒരു മണിക്കൂറോളം ഈ വഴിക്ക്…