ബെംഗളൂരു: റൂറലിൽ ഹൊസ്കോട്ടിലെ കണ്ണൂരഹള്ളി റോഡിലെ മഞ്ജുശ്രീ ലേഔട്ടിലെ വീട്ടിൽ രണ്ട് മോഷ്ടാക്കൾ കയറി സ്വർണാഭരണങ്ങളും പണവും കവർന്നു. ഒരു ഇ-കൊമേഴ്സ് സ്ഥാപനത്തിൽ ജോലി ചെയ്യുന്ന തന്റെ ഭർത്താവ് വിനോദ് വ്യാഴാഴ്ച പുലർച്ചെ 5.30 ന് ജോലിക്ക് പോകുമ്പോൾ താനും അമ്മായിയമ്മ ബസമ്മയും വീട്ടിലുണ്ടായിരുന്നുവെന്ന് 19 കാരിയായ സൗന്ദര്യ പോലീസിൽ നൽകിയ പരാതിയിൽ പറഞ്ഞു.
പത്തു മിനിറ്റിനുശേഷം രണ്ടുപേർ പ്രവേശന കവാടത്തിലെ പൂട്ട് തകർത്തു അകത്തേക്ക് കയറി. ബസമ്മ ചായകുടിക്കുകയായിരുന്നു, സൗന്ദര്യ വീട്ടുജോലികളും ചെയ്യുകയായിരുന്നു. ഇരുവരും ബസമ്മയെയും സൗന്ദര്യയെയും ഒരു മുറിയിലേക്ക് വലിച്ചിഴച്ച് കൊണ്ടുപോയി, ഇരുവരെയും കെട്ടിയിട്ട് തറയിലേക്ക് തള്ളിയിടുകയായിരുന്നു. അവർ സൗന്ദര്യയെ കത്തിമുനയിൽ നിർത്തുകയും സഹായത്തിനായി നിലവിളിച്ചാൽ കൊല്ലുമെന്ന് ഭീഷണിപെടുത്തുകയും ചെയ്തു.
തുടർന്ന് അലമാര തുറന്ന് 20 ലക്ഷം രൂപയും ഒരു മാല, നീളൻ ചെയിൻ, രണ്ട് കഴുത്ത് ചെയിൻ, ബ്രേസ്ലെറ്റ് എന്നിവയും പുറത്തെടുത്തു. പോലീസിൽ പരാതി നൽകിയാൽ സ്ത്രീകളെ കൊല്ലുമെന്ന് ഭീഷണിപ്പെടുത്തി അവർ ഓടി രക്ഷപ്പെട്ടു. സൗന്ദര്യ കുതറിമാറി പ്രവേശന കവാടം തുറക്കാൻ ശ്രമിച്ചപ്പോൾ, അക്രമികൾ അത് പുറത്ത് നിന്ന് പൂട്ടിയിരിക്കുകയാണെന്ന് അപ്പോളാണ് മനസ്സിലാക്കിയത്. അമ്മായിയമ്മയുടെ കെട്ടഴിച്ച ശേഷം സൗന്ദര്യ ഭർത്താവിനെ വിളിച്ച് സംഭവം അറിയിച്ചു.
പ്രവേശന കവാടം തുറക്കാൻ രണ്ട് സ്ത്രീകൾ അയൽവാസിയെ വിളിച്ചു. രണ്ട് അക്രമികളും കന്നഡ സംസാരിക്കുകയും മുഖംമൂടി ധരിച്ചിരുന്നതായും സ്ത്രീകൾ പറഞ്ഞു. അവരിൽ ഒരാൾ മെലിഞ്ഞതും മറ്റൊന്ന് ആരോഗ്യവാൻ ആണെന്നും ഇരുവർക്കും 25 നും 30 നും ഇടയിൽ പ്രായമുണ്ടാകുമെന്നും സ്ത്രീകൾ പറഞ്ഞു.
ഐപിസി സെക്ഷൻ 394 (കവർച്ച നടത്തുകയോ ചെയ്യാൻ ശ്രമിക്കുകയോ ചെയ്യുന്നതിനോ മുറിവേൽപ്പിക്കുന്നതോ) പ്രകാരം കേസെടുത്തിട്ടുണ്ടെന്നും കുറ്റവാളികളെ പിടികൂടാൻ പ്രത്യേക സംഘത്തിന് രൂപം നൽകിയിട്ടുണ്ടെന്നും ഹൊസ്കോട്ട് പോലീസ് സ്റ്റേഷനിലെ ഒരു അന്വേഷണ ഉദ്യോഗസ്ഥൻ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
