തിരുവനന്തപുരം: കേരളത്തിൽ ഇന്ന് വനിതാമതിലുയരും. അമ്പത് ലക്ഷത്തോളം വനിതകളാണ് വനിതാ മതിലില് കൈകോര്ക്കുക. കാസര്േഗാട്ടു നിന്ന് തിരുവനന്തപുരം വെള്ളയമ്പലം അയ്യങ്കാളി പ്രതിമയ്ക്കടുത്തുവരെ 620 കിലോമീറ്റര് നീളത്തിലാണ് വൈകീട്ട് നാലിന് മതിലുയരുക.
അങ്ങനെ പുതു വർഷം പിറവിയില് ചരിത്രനീക്കത്തിന് സാക്ഷ്യം വഹിക്കുകയാണ് കേരളം. നവോത്ഥാനമൂല്യങ്ങൾ സംരക്ഷിക്കാനായി വിവിധ സംഘടനകളുടെ പിന്തുണയോടെയാണ് സർക്കാർ ഇന്ന് വനിതാമതിൽ തീർക്കുന്നത്.
കേരളത്തിനകത്തും പുറത്തുമുള്ള കലാസാംസ്കാരിക പ്രമുഖര് ഉള്പ്പെടെയുള്ളവര് മതിലിനെത്തും. വെള്ളയമ്പലത്ത് പൊളിറ്റ് ബ്യൂറോ അംഗം വൃന്ദാകാരാട്ട്, ആനി രാജ എന്നിവര് പങ്കെടുക്കും. കാസര്േഗാട്ട് മതിലിന്റെ തുടക്കത്തില് മന്ത്രി കെ.കെ. ശൈലജയുണ്ടാകും. ദേശീയപാതയുടെ പടിഞ്ഞാറുഭാഗത്തായിരിക്കും സ്ത്രീകള് നിരക്കുക.
സാമൂഹികസംഘടനകളും രാഷ്ട്രീയപ്പാര്ട്ടികളും നിശ്ചിതസ്ഥലത്ത് മൂന്നിനുതന്നെ വനിതകളെ എത്തിക്കും. മൂന്നര കഴിഞ്ഞ് റിഹേഴ്സലിനായി നിരന്നു തുടങ്ങും. നാലുമുതല് നാലേകാല് വരെയാണ് മതില് ഉയര്ത്തുക. തുടര്ന്ന്, നവോത്ഥാനമൂല്യങ്ങള് ഉയര്ത്തിപ്പിടിക്കുമെന്ന പ്രതിജ്ഞയെടുക്കും.
ഓരോ കിലോമീറ്ററിലും 620 സ്ത്രീകളുടെ കോര്ഗ്രൂപ്പ് നിയന്ത്രണത്തിനുണ്ടാകും. മതില് പൂര്ത്തിയായാല് പ്രധാന കേന്ദ്രങ്ങളിലെ പൊതുയോഗത്തില് പ്രമുഖര് പങ്കെടുക്കും. മുഖ്യമന്ത്രിക്ക് പുറമേ മന്ത്രിമാരായ തോമസ് ഐസക്, കടകംപള്ളി സുരേന്ദ്രന് എന്നിവരും വെള്ളയമ്പലത്ത് യോഗത്തില് പ്രസംഗിക്കും.
മതില് ചിത്രീകരിക്കാന് വിദേശമാധ്യമപ്രവര്ത്തകര് തലസ്ഥാനത്തുണ്ട്. ഗിന്നസ് റെക്കോഡിനായി യൂണിവേഴ്സല് റെക്കോഡ്സ് ഫോറം വിവരങ്ങള് ശേഖരിക്കും. നാല്ക്കവലകളില് നിശ്ചിത സമയത്തിന് പത്തുമിനിറ്റുമുമ്പ് മാത്രമേ മതിലൊരുക്കാവൂ. ഗതാഗതക്കുരുക്ക് ഒഴിവാക്കാന് പൊലീസ് ക്രമീകരണങ്ങള് ഒരുക്കും.
ഡിസംബർ ഒന്നിന് മതിൽ തീർക്കാനുള്ള പ്രഖ്യാപനം വന്നത് മുതൽ സംസ്ഥാനത്തെ പ്രധാന ചർച്ച ആരൊക്കെ മതിലിനൊപ്പമുണ്ട്, മതിലിന് പുറത്തുണ്ട് എന്നതായിരുന്നു. ശബരിമലയിൽ സുപ്രീം കോടതിയുടെ യുവതീപ്രവേശനവിധി നടപ്പാക്കുമെന്ന് പ്രഖ്യാപിച്ച സർക്കാറിനെതിരെ വിശ്വാസികളുടെ കടുത്ത എതിർപ്പാണ് ഉയർന്നു വന്നത്.
കോൺഗ്രസ്സും ബിജെപിയും വിശ്വാസികൾക്കൊപ്പം നിലയുറപ്പിച്ചതോടെയാണ് സർക്കാർ നവോത്ഥാനമൂല്യം ഉയർത്തിയുള്ള പ്രതിരോധ മതിൽ തീർക്കാനൊരുങ്ങിയത്. എസ്എൻഡിപി, കെപിഎംഎസ് അടക്കം നൂറിലേറെ സാമുദായിക സംഘടനകളുടെ പിന്തുണ ഉണ്ടെങ്കിലും മുഖ്യഏകോപനം സിപിഎം തന്നെയാണ്.
രാഷ്ട്രീയമില്ലെന്ന് പറയുമ്പോഴും പാർട്ടി അടുത്തിടെ ഏറ്റെടുത്ത നടത്തുന്ന ഏറ്റവും വലിയ പരിപാടിയാണ് മതിൽ. തിരുവനന്തപുരത്ത് പ്രതിജ്ഞക്ക് ശേഷം നടക്കുന്ന പൊതുസമ്മേളനം മുഖ്യമന്ത്രി ഉദ്ഘാടനം ചെയ്യും. വിവിധ ജില്ലകളിൽ മന്ത്രിമാരും നേതാക്കളും പിന്തുണയുമായുണ്ട്. കേരളത്തിനകത്തും പുറത്തുമുള്ള സാംസ്കാരിക പ്രവർത്തകർ മതിലിൽ പങ്കെടുക്കാനെത്തും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
