ബെംഗളൂരു: നഗരത്തിൽ പെയ്യുന്ന കനത്ത മഴയെത്തുടർന്ന് വെള്ളക്കെട്ടുണ്ടാകാനുള്ള സാധ്യത മുൻകൂട്ടി കണ്ട് കെ.ആർ. സർക്കിൾ അണ്ടർപാസ് അധികൃതർ താൽക്കാലികമായി അടച്ചു.
മുൻവർഷങ്ങളിലെ അനുഭവങ്ങളുടെ പശ്ചാത്തലത്തിൽ വൻ അപകടങ്ങൾ ഒഴിവാക്കാനുള്ള മുൻകരുതൽ നടപടിയുടെ ഭാഗമായാണ് അധികൃതരുടെ ഈ അടിയന്തര ഇടപെടൽ.
അണ്ടർപാസിന്റെ ഇരുവശങ്ങളിലും പോലീസ് ബാരിക്കേഡുകൾ സ്ഥാപിച്ച് ഗതാഗതം പൂർണ്ണമായി നിയന്ത്രിച്ചിരിക്കുകയാണ്. ഇതുവഴി കടന്നുപോകേണ്ട വാഹനങ്ങൾ മറ്റ് ബദൽ റോഡുകളിലേക്ക് തിരിച്ചുവിട്ടു.
ശക്തമായ മഴ തുടരുന്നതിനാൽ താഴ്ന്ന പ്രദേശങ്ങളിലെയും മറ്റ് അണ്ടർപാസുകളിലെയും സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും ആവശ്യമായ ഇടങ്ങളിൽ കൂടുതൽ സുരക്ഷാ ക്രമീകരണങ്ങൾ ഏർപ്പെടുത്തുമെന്നും ട്രാഫിക് പോലീസ് അറിയിച്ചു. വാഹനയാത്രക്കാർ ജാഗ്രത പാലിക്കണമെന്നും നിർദ്ദേശമുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
