Day: 22 July 2026

ബെംഗളൂരു: സാങ്കേതിക തടസ്സങ്ങളെത്തുടർന്ന് നിർത്തിവെച്ചിരുന്ന ബെംഗളൂരുവിലെ പ്രശസ്തമായ ജാക്കൂർ ഗവൺമെന്റ് ഫ്ലയിങ് ട്രെയിനിങ് സ്കൂൾ (GFTS) മൂന്ന് വർഷത്തെ ഇടവേളയ്ക്ക് ശേഷം വീണ്ടും പ്രവർത്തനം ആരംഭിക്കുന്നു. വ്യോമയാന ഡയറക്ടറേറ്റ് ജനറൽ (ഡി.ജി.സി.എ) ഇൻസ്റ്റിറ്റ്യൂട്ടിന് പുതിയ പ്രവർത്തനാനുമതി നൽകിയതോടെയാണ് രാജ്യത്തെ ഏറ്റവും പഴക്കമേറിയ പൈലറ്റ് പരിശീലന കേന്ദ്രങ്ങളിലൊന്നായ ജാക്കൂർ എയറോഡ്രോം വീണ്ടും സജീവമാകുന്നത്. നേരത്തെ, ജാക്കൂരിലെ ഫ്ലയിങ് സ്കൂൾ മൈസൂരുവിലേക്ക് മാറ്റാനും നിലവിലുള്ള എയറോഡ്രോം സ്പോർട്സ് കോംപ്ലക്സാക്കി മാറ്റാനും കർണാടക സർക്കാർ ആലോചിച്ചിരുന്നു. എന്നാൽ ഈ നീക്കം റിയൽ എസ്റ്റേറ്റ് താല്പര്യങ്ങൾ മുൻനിർത്തിയാലാണെന്ന വിമർശനവുമായി വ്യോമയാന…

ബെംഗളൂരു: ഓൺലൈൻ ഫുഡ്, ഗ്രോസറി ഡെലിവറി പ്ലാറ്റ്‌ഫോമായ സ്വിഗ്ഗി, ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡുമായി (HPCL) കൈകോർത്ത് ഇൻസ്റ്റാമാർട്ട് വഴി എൽ.പി.ജി സിിലിണ്ടറുകൾ വീടുകളിലെത്തിക്കുന്ന സേവനത്തിന് തുടക്കമിട്ടു. പരീക്ഷണാടിസ്ഥാനത്തിൽ ബെംഗളൂരുവിൽ ആരംഭിച്ച ഈ പദ്ധതിയിലൂടെ 5 കിലോ, 10 കിലോ ശേഷിയുള്ള സിിലിണ്ടറുകളാണ് നിലവിൽ വിതരണം ചെയ്യുന്നത്. പശ്ചിമേഷ്യൻ സംഘർഷങ്ങളെ തുടർന്ന് രൂപപ്പെട്ട ഇന്ധന പ്രതിസന്ധിയുടെ പശ്ചാത്തലത്തിൽ പാചകവാതകം എളുപ്പത്തിൽ ലഭ്യമാകുന്നത് സാധാരണക്കാർക്ക് ആശ്വാസകരമാണെങ്കിലും, ഇത്തരം സേവനങ്ങൾ ഉപയോഗിക്കുമ്പോൾ സുരക്ഷാ മുൻകരുതലുകൾ കർശനമായി പാലിക്കണമെന്ന് ഫയർ സേഫ്റ്റി വിദഗ്ദ്ധർ മുന്നറിയിപ്പ് നൽകുന്നു. സംഭരണവും പരിശോധനയും…

ബെംഗളൂരു: യശ്വന്ത്പൂർ നിയമസഭാ മണ്ഡലത്തിലെ ബ്യാദരഹള്ളിയിലും ഭരത്നഗറിലും പുള്ളിപ്പുലി ശല്യം രൂക്ഷമാകുന്നു. പ്രദേശത്ത് പലതവണ പുള്ളിപ്പുലിയെ കണ്ടിട്ടും അതിനെ പിടികൂടാൻ വനംവകുപ്പ് ഉദ്യോഗസ്ഥർ കാര്യക്ഷമമായ നടപടി സ്വീകരിക്കുന്നില്ലെന്ന് ആരോപിച്ച് നാട്ടുകാർ പ്രതിഷേധത്തിലാണ്. കഴിഞ്ഞ ആഴ്ച മൂന്ന് തവണ പുള്ളിപ്പുലിയെ കണ്ടതിനെ തുടർന്ന് പ്രദേശത്തെ കുറ്റിക്കാടുകളും മരങ്ങളും വെട്ടിമാറ്റിയിരുന്നു. ഇതോടെ പുള്ളിപ്പുലി ശല്യം അവസാനിച്ചെന്ന് കരുതിയിരുന്നെങ്കിലും, തൊട്ടടുത്ത റോഡിൽ വീണ്ടും പുലിയെ കണ്ടെത്തിയത് പ്രദേശവാസികളിൽ ഭീതി ഇരട്ടിപ്പിച്ചു. ജൂലൈ 9 മുതൽ ഭരത്നഗർ മേഖലയിൽ മാത്രം നാല് തവണയാണ് പുള്ളിപ്പുലിയുടെ സാന്നിധ്യം സ്ഥിരീകരിച്ചത്. കഴിഞ്ഞ ദിവസം…