ബെംഗളൂരു: സിലിക്കൺ സിറ്റിയിലെ താമസക്കാരുടെ സുരക്ഷയെക്കുറിച്ച് വീണ്ടും ആശങ്കയുയർത്തിക്കൊണ്ട് മഹാദേവപുരയിൽ യുവതിയുടെ സ്വകാര്യ ദൃശ്യങ്ങൾ പകർത്തിയതായി പരാതി. 23 വയസ്സുള്ള സോഫ്റ്റ്വെയർ എഞ്ചിനീയറാണ് താൻ താമസിക്കുന്ന വാടക വീട്ടിൽ വെച്ച് ദുരനുഭവത്തിന് ഇരയായത്. സംഭവത്തിൽ മഹാദേവപുര പോലീസ് കേസെടുത്ത് അന്വേഷണം ആരംഭിച്ചു.
ഒമ്പത് മാസം മുമ്പാണ് യുവതി ഗരുഡാചർ പാളയയിലെ വാടക വീട്ടിലേക്ക് താമസം മാറിയത്. ബുധനാഴ്ച രാവിലെ 9.30-ഓടെ കുളിക്കുന്നതിനിടെയാണ് ജനാലയിലൂടെ ആരോ മൊബൈൽ ഫോണിൽ ദൃശ്യങ്ങൾ പകർത്തിക്കൊണ്ടിരിക്കുന്നത് യുവതിയുടെ ശ്രദ്ധയിൽപ്പെട്ടത്. തൊട്ടടുത്ത കെട്ടിടത്തിൽ നിന്നാണ് അജ്ഞാതനായ വ്യക്തി വീഡിയോ പകർത്തിയത്. വിവരം ശ്രദ്ധയിൽപ്പെട്ട ഉടൻ തന്നെ യുവതി ബഹളം വെക്കുകയും തുടർന്ന് പോലീസിൽ പരാതി നൽകുകയുമായിരുന്നു.
സംഭവത്തെത്തുടർന്ന് യുവതി കടുത്ത മാനസിക വിഷമത്തിലാണ്. പകർത്തിയ ദൃശ്യങ്ങൾ സോഷ്യൽ മീഡിയയിൽ പ്രചരിക്കുമോ എന്ന വലിയ ഭീതിയും ആശങ്കയും അവർ പങ്കുവെച്ചു. പരാതി ലഭിച്ച ഉടൻ തന്നെ മഹാദേവപുര പോലീസ് സ്ഥലത്തെത്തി പ്രാഥമിക പരിശോധനകൾ പൂർത്തിയാക്കി.
പ്രതിയെ തിരിച്ചറിയുന്നതിനായി പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ച് സമഗ്രമായ അന്വേഷണമാണ് പോലീസ് നടത്തുന്നത്. ബെംഗളൂരു പോലുള്ള മെട്രോ നഗരങ്ങളിൽ ഐടി മേഖലയിൽ ജോലി ചെയ്യുന്ന സ്ത്രീകൾ താമസിക്കുന്ന ഇടങ്ങളിൽ പോലും സുരക്ഷാ വീഴ്ചകൾ ഉണ്ടാകുന്നത് വലിയ പ്രതിഷേധത്തിന് കാരണമായിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
