Day: 12 May 2026

ബെംഗളൂരു: ജെ.പി. നഗറിലെ പുട്ടെനഹള്ളി തടാകത്തിന്റെ സംരക്ഷണം ബി.ബി.എം.പി (ജി.ബി.എ) ഏറ്റെടുത്തതിന് പിന്നാലെ തടാകം ശോച്യാവസ്ഥയിലായതായി പരാതി. കഴിഞ്ഞ ജൂലൈ വരെ പ്രദേശവാസികളുടെ കൂട്ടായ്മയായ ‘പുട്ടെനഹള്ളി നെയ്‌ബറിങ് ലേക്ക് ഇംപ്രൂവ്‌മെന്റ് ട്രസ്റ്റ്’ (PNLIT) ആയിരുന്നു തടാകം പരിപാലിച്ചിരുന്നത്. എന്നാൽ സർക്കാർ അധികൃതർ ചുമതലയേറ്റതോടെ തടാകത്തിന്റെ സംരക്ഷണം അവതാളത്തിലായെന്നാണ് പ്രദേശവാസികളുടെ ആരോപണം. തടാകത്തിലെ സസ്യജാലങ്ങൾ ഉണങ്ങി നശിച്ചതായും മലിനജലം നേരിട്ട് തടാകത്തിലേക്ക് എത്തുന്നതിനാൽ പ്രദേശം മുഴുവൻ രൂക്ഷമായ ദുർഗന്ധം വമിക്കുന്നതായും നാട്ടുകാർ പറയുന്നു. മുൻപ് പി.എൻ.എൽ.ഐ.ടി വർഷംതോറും എട്ട് ലക്ഷം രൂപയോളം ചിലവഴിച്ചാണ് തടാകം നവീകരിച്ചു…

ബെംഗളൂരു: കർണാടകയിലെ പ്രശസ്തമായ ബന്നാർഘട്ട ബയോളജിക്കൽ പാർക്കിലും മൈസൂരു മൃഗശാലയിലും സന്ദർശകർക്ക് സമുദ്രാന്തർഭാഗത്തെ അനുഭവം നേരിട്ടറിയാൻ സാധിക്കുന്ന ലോകോത്തര നിലവാരത്തിലുള്ള അക്വേറിയങ്ങൾ വരുന്നു. കടലിൽ ഇറങ്ങാതെ തന്നെ സ്കൂബ ഡൈവിംഗ് നടത്തുന്ന പ്രതീതി സന്ദർശകർക്ക് നൽകുന്ന വിധത്തിലാണ് ഈ ഇമ്മേഴ്‌സീവ് അക്വേറിയങ്ങൾ രൂപകൽപ്പന ചെയ്യുന്നത്. പൊതു-സ്വകാര്യ പങ്കാളിത്തത്തോടെ (പി.പി.പി മാതൃക) നടപ്പിലാക്കുന്ന ഈ പദ്ധതിയിലൂടെ വിനോദസഞ്ചാര രംഗത്ത് വലിയൊരു കുതിച്ചുചാട്ടമാണ് സംസ്ഥാന സർക്കാർ ലക്ഷ്യമിടുന്നത്. ബന്നാർഘട്ടയിൽ ഏകദേശം 224 കോടി രൂപയുടെ നവീകരണ പ്രവർത്തനങ്ങളാണ് നടക്കുന്നത്. ഇതിൽ 144 കോടി രൂപ ചിലവഴിക്കുന്നത് അത്യാധുനിക…

ബെംഗളൂരു: രാജ്യത്തെ ഇലക്ട്രിക് വാഹന മേഖലയിൽ വിപ്ലവകരമായ മാറ്റം ലക്ഷ്യമിട്ട് കേന്ദ്ര ഘനവ്യവസായ മന്ത്രാലയം വികസിപ്പിച്ച ഏകീകൃത ഇവി ചാർജിംഗ് ആപ്ലിക്കേഷൻ ‘യൂണിഫൈഡ് ഭാരത് ഇ-ചാർജ്’ (UBC) ചൊവ്വാഴ്ച ബെംഗളൂരുവിൽ പുറത്തിറക്കും. കേന്ദ്ര ഘനവ്യവസായ മന്ത്രി എച്ച്.ഡി. കുമാരസ്വാമിയാണ് ആപ്പ് ഉദ്ഘാടനം ചെയ്യുന്നത്. പിഎം ഇ-ഡ്രൈവ് (PM E-DRIVE) പദ്ധതിയുടെ ഭാഗമായി ‘രാജ്യവ്യാപകമായ ഇവി ചാർജിംഗ് അടിസ്ഥാന സൗകര്യങ്ങൾ സജ്ജമാക്കൽ’ എന്ന വിഷയത്തിൽ മന്ത്രാലയം സംഘടിപ്പിക്കുന്ന ദേശീയ സമ്മേളനത്തിലാണ് ഈ സുപ്രധാന പ്രഖ്യാപനം നടക്കുക. ഇന്ത്യയിലെ ഡിജിറ്റൽ പേയ്മെന്റ് രംഗത്ത് യുപിഐ (UPI) കൊണ്ടുവന്നതിന്…

ബെംഗളൂരു: ന​ഗരത്തിലെ ഹോട്ടൽ മേഖല നേരിടുന്ന കടുത്ത സാമ്പത്തിക പ്രതിസന്ധി കണക്കിലെടുത്ത് ജിഎസ്ടി നിരക്കുകളിൽ ഇളവ് നൽകണമെന്ന് ആവശ്യപ്പെട്ട് ബാംഗ്ലൂർ ഹോട്ടൽസ് അസോസിയേഷൻ കേന്ദ്ര ധനമന്ത്രി നിർമ്മല സീതാരാമന് കത്ത് നൽകി. വർധിച്ചുവരുന്ന പ്രവർത്തനച്ചെലവ് ഹോട്ടൽ വ്യവസായത്തെ സാരമായി ബാധിക്കുന്ന സാഹചര്യത്തിലാണ് അസോസിയേഷന്റെ ഈ ഇടപെടൽ. ഹോട്ടൽ മുറികൾക്കും ഭക്ഷണ സേവനങ്ങൾക്കും നിലവിലുള്ള ജിഎസ്ടി ഘടനയിൽ മാറ്റം വരുത്തണമെന്നാണ് പ്രധാന ആവശ്യം. ഇതിനായി രണ്ട് നിർദ്ദേശങ്ങളാണ് അസോസിയേഷൻ മുന്നോട്ടുവെച്ചിരിക്കുന്നത്. മധുരപലഹാരങ്ങൾക്കും ബേക്കറി ഉൽപ്പന്നങ്ങൾക്കും നൽകുന്നതുപോലെ ഇൻപുട്ട് ടാക്സ് ക്രെഡിറ്റ് (ITC) ആനുകൂല്യത്തോടുകൂടി ഹോട്ടൽ സേവനങ്ങൾക്ക്…