ബംഗളൂരു: ഗോവയിലെ ഹോട്ടലില് വച്ച് നാലുവയസുകാരനെ കൊന്ന് ബാഗിലാക്കിയ യുവതിയും ഭര്ത്താവും വേര്പിരിഞ്ഞാണ് താമസിക്കുന്നതെന്ന് പൊലീസ്.
ബംഗളൂരുവില് താമസിക്കുന്ന യുവതി പശ്ചിമംബംഗാള് സ്വദേശിയാണ്. സൂചനയുടെ ഭര്ത്താവ് മലയാളിയാണെന്നും പൊലീസ് പറഞ്ഞു.
ഇവരുടെ വിവാഹമോചന നടപടികള് അവസാന ഘട്ടത്തിലാണെന്നും യുവതിയുമായി വേര്പിരിഞ്ഞുകഴിയുന്ന ഭര്ത്താവ് ജക്കാര്ത്തയിലാണ് ഉള്ളതെന്നും വിവരം അദ്ദേഹത്തെ അറിയിച്ചതായും എസ്പി പറഞ്ഞു.
മൈന്ഡ്ഫുള് എഐ ലാബ് എന്ന സ്റ്റാര്ട്ടപ്പ് കമ്പനിയുടെ സിഇഒ ആയ സൂചന സേത്ത് നാലു വയസുള്ള മകനെ ഗോവയില് വച്ച് കൊലപ്പെടുത്തിയ ശേഷം മൃതദേഹവുമായി കര്ണാടകയിലേക്കു പോകുന്നതിനിടെയാണ് അറസ്റ്റിലായത്.
ഗോവയിലെ ആഡംബര അപ്പാര്ട്ട്മെന്റില് വച്ചാണ് സുചന കുഞ്ഞിനെ കൊലപ്പെടുത്തിയത്. മൃതദേഹം കണ്ടെടുകായും ചെയ്തിട്ടുണ്ട്.
പ്രതിയെ കസ്റ്റഡിയില് എടുത്ത് ചോദ്യം ചെയ്തിട്ടില്ലാത്തതിനാല് കൊലപാതകത്തിന്റെ പിന്നിലെ യഥാര്ഥ കാരണം കണ്ടെത്താനായിട്ടില്ലെന്ന് പൊലീസ് പറഞ്ഞു.
കേസ് അന്വേഷണ സംഘം ഇപ്പോള് കര്ണാടകയിലെ ചിത്രദുര്ഗ ജില്ലയിലാണ് ഉള്ളതെന്ന് പൊലീസ് സൂപ്രണ്ട് നിധിന് വല്സന് മാധ്യമങ്ങളോട് പറഞ്ഞു.
വൈകീട്ടോടെ പ്രതിയെ ഗോവയിലെത്തിക്കുമെന്നും പ്രതിക്കെതിരെ കൊലപാതകം, തെളിവുനശിപ്പിക്കല് തുടങ്ങി വിവിധ വകുപ്പുകള് പ്രകാരം കേസ് എടുത്തതായും എസ്പി അറിയിച്ചു.
പ്രതിയെ വിശദമായി ചോദ്യം ചെയ്ത ശേഷം മാത്രമെ കൊലപാതകത്തിന്റെ കാരണം വ്യക്തമാകുകയുളളു.
കൊല ചെയ്ത ശേഷം കുട്ടിയുടെ മൃതദേഹം ബാഗില് കുത്തിനിറയ്ക്കുകയായിരുന്നെന്നും പോസ്റ്റ്മോര്ട്ടത്തിന് ശേഷമെ മരണകാരണ വ്യക്തമാകുകയുള്ളുവെന്നും എസ്പി പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
