ബെംഗളൂരു: ബംഗാൾ ഉൾക്കടലിൽ രൂപം കൊണ്ട ന്യൂനമർദം കാരണം തലസ്ഥാനമായ ബെംഗളൂരു ഉൾപ്പെടെ തെക്കൻ ഉൾപ്രദേശങ്ങളിലെ ഒമ്പത് ജില്ലകളിൽ തിങ്കളാഴ്ച മഴ പെയ്തു, തണുപ്പിന്റെ തീവ്രതയും വർദ്ധിച്ചു. ചൊവ്വാഴ്ചയും മഴ ഉണ്ടാകുമെന്ന് കാലാവസ്ഥാ വകുപ്പ് അറിയിച്ചു.
കഴിഞ്ഞ രണ്ടാഴ്ചയായി തണുപ്പ് കുറഞ്ഞിരുന്നു. എന്നാൽ ഇപ്പോൾ തണുപ്പ് വീണ്ടും വർദ്ധിച്ചു. തിങ്കളാഴ്ച രാവിലെ 8.30 വരെ ബെംഗളൂരു നഗരത്തിലെ താപനില 4 ഡിഗ്രി സെൽഷ്യസ് ആയി കുറഞ്ഞു. ഉച്ചവരെ കാലാവസ്ഥ മേഘാവൃതമായിരുന്നു. ഉച്ചയ്ക്ക് ശേഷം ആരംഭിച്ച ചാറ്റൽ മഴ രാത്രി വരെ തുടർന്നു. ഇതോടെ രാത്രിയിൽ താപനില കൂടുതൽ കുറഞ്ഞു, തണുപ്പ് വർദ്ധിക്കുകയും ചെയ്തു.
തെക്കൻ ഉൾനാടൻ ജില്ലകളായ മൈസൂരു , ചാമരാജനഗർ എന്നിവിടങ്ങളിൽ കാലാവസ്ഥ മേഘാവൃതമായിരിക്കും, അതേസമയം കുടകിലും ഹാസനിലും തണുത്ത കാറ്റ് പ്രതീക്ഷിക്കുന്നു, മലയോര ജില്ലകളായ ശിവമൊഗ്ഗ, ചിക്കമഗളൂരു എന്നിവിടങ്ങളിൽ മഴ പ്രതീക്ഷിക്കുന്നു. അടുത്ത 48 മണിക്കൂറിനുള്ളിൽ കാലാവസ്ഥ സമാനമായി തുടരുമെന്ന് വകുപ്പ് അറിയിച്ചു.
തീരപ്രദേശങ്ങളിൽ കുറഞ്ഞ താപനില 18 മുതൽ 22 ഡിഗ്രി വരെ
തീരദേശ കർണാടകയിലും വടക്കൻ ഉൾനാടൻ കർണാടകയിലും തണുപ്പും വരണ്ട കാലാവസ്ഥയും അനുഭവപ്പെടും. ബിദാർ, ധാർവാഡ്, ബെൽഗാം, ദാവൻഗെരെ, ഹാസൻ, മൈസൂരു എന്നിവിടങ്ങളിൽ കുറഞ്ഞ താപനില 11-14 ഡിഗ്രി സെൽഷ്യസ് ആയിരിക്കും. വിജയപുര, ഗഡാഗ്, ഹാവേരി, കൊപ്പൽ, കലബുറഗി, റായ്ച്ചൂർ, ചിത്രദുർഗ എന്നിവിടങ്ങളിൽ കുറഞ്ഞ താപനില 14 മുതൽ 18 ഡിഗ്രി സെൽഷ്യസ് വരെയാകും. തീരദേശങ്ങളിൽ കുറഞ്ഞ താപനില 18 മുതൽ 22 ഡിഗ്രി സെൽഷ്യസ് വരെയാകും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
