ബെംളൂരു: ടെര്മിനല് മാറ്റിയതോടെ വൈകിയോട്ടം പതിവാക്കി എറണാകുളം – ബെംഗളൂരു ഇന്റര്സിറ്റി എക്സ്പ്രസ്(12678)
വൈകിട്ട് 6.30ന് നഗരപരിധിയിലെ ആദ്യ സ്റ്റേഷനായ കര്മലാരാമില് എത്തേണ്ട ട്രെയിന് വരുന്നത് പലപ്പോഴും രാത്രി എട്ടിന് ശേഷം.
തുടര്ച്ചയായ ദിവസങ്ങളില് ട്രെയിന് വൈകുന്നത് യാത്രക്കാരെ വലയ്ക്കുന്നു. കെഎസ്ആര് ബെംഗളൂരു സ്റ്റോഷന് നവീകരണവുമായി ബന്ധപ്പെട്ടാണ് ഓഗസ്റ്റ് 15 മുതല് ഇന്റര്സിറ്റി തുടങ്ങുന്നതും അവസാനിക്കുന്നതും ബയ്യപ്പനഹളളി എസ്എംവിടി ടെര്മിനലിലേക്ക് മാറ്റിയത്.
അതോടെ കന്റോണ്മെന്റ് സ്റ്റോപ്പ് ഒഴിവാക്കിയതും യാത്രക്കാര്ക്ക് തിരിച്ചടിയായി . ജനുവരി 15ന് ശേഷം ട്രെയിന് തിരിച്ച് കെഎസ്ആറിലേക്ക് മാറ്റുമെന്നാണ് റെയില്വേ വാഗ്ദാനം.
ആദ്യം സൂപ്പര്ഫാസ്റ്റ് ഇപ്പോള് എക്സ്പ്രസ്
വന്ദേഭാരത് എക്സ്പ്രസ് വരുന്നതിന് മുന്പ് ബെംഗളൂരു – എറണാകുളം റൂട്ടുലെ ഏറ്റവും വേഗമേറിയ ട്രെയിനായിരുന്നു ഇന്റര്സിറ്റി. 578 കിലോമീറ്റര് ദൂരം 10 മണിക്കൂര്45 മിനിറ്റ് കൊണ്ടാണ് പിന്നിട്ടിരിക്കുന്നത്. ഹൊസൂര്, ധര്മപുരു വഴിയായതിനാല് ദൂരത്തിലും കുറവുണ്ട്. 14 സ്റ്റേഷനുകളില് നിര്ത്തും.
