Month: October 2024

ബെംഗളൂരു: ജോലിക്കാര്യത്തിനായി നിരവധി ആളുകൾ എത്തുന്ന നഗരമാണ് ബെംഗളൂരു. ഇതില്‍ തന്നെ നോർത്ത് ഇന്ത്യയില്‍ നിന്നും വരുന്നവരും ഇഷ്ടം പോലെയുണ്ട്. പലർക്കും കന്നഡ വലിയ പിടിയില്ല. പ്രദേശവാസികളാവട്ടെ പലരും ഇവരോട് കന്നഡയില്‍ സംസാരിക്കാൻ ആവശ്യപ്പെടാറുണ്ട്. തിരിച്ച്‌ ഹിന്ദി പഠിക്കാൻ ആവശ്യപ്പെടുന്നവരും ഉണ്ട്. എന്തായാലും, ഒരാള്‍ കന്നഡ അറിയാത്ത ഉത്തരേന്ത്യക്കാരനോട് ആ ഭാഷ പഠിക്കാൻ ആവശ്യപ്പെടുന്ന ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്. ഈ വ്യക്തി പന്ത്രണ്ട് വർഷമായി ബെംഗളൂരുവിൽ താമസിക്കുന്നു. കന്നഡ ആവശ്യമില്ലെന്ന മട്ടില്‍ കന്നഡ പഠിച്ചിട്ടില്ല’ എന്നാണ്. ‘ഇവിടുത്തുകാർ ഹിന്ദി പഠിക്കണമെന്ന…

ബെംഗളൂരു: നഗരത്തിലെ കസവനഹള്ളിയിലെ അമൃത കോളേജിന് സമീപം ദീപാവലിക്ക് ഷോപ്പിങ്ങിനെത്തിയ കുടുംബത്തിന് നേരെ ആക്രമണം. ആക്രമണത്തിൽ 5 വയസ്സുള്ള കുട്ടിയുടെ തലയ്ക്ക് പരിക്കേറ്റു. സഹപാസഞ്ചർ സീറ്റില്‍ ഭാര്യയും പിൻസീറ്റില്‍ രണ്ട് കുട്ടികളുമായി അനൂപ് ജോർജ്ജ് വാഹനമോടിക്കുകയായിരുന്നു. ഇതിനിടെ രണ്ട് അക്രമികള്‍ അവരുടെ കാർ തടഞ്ഞ് വിൻഡ്ഷീല്‍ഡ് താഴ്ത്താൻ ആവശ്യപ്പെട്ടു. അനൂപ് മടിച്ചപ്പോള്‍ അവർ കല്ലെറിഞ്ഞ് ജനല്‍ ഗ്ലാസ് തകർത്ത് കുട്ടിയുടെ തലയില്‍ ഇടിക്കുകയും രക്തസ്രാവം ഉണ്ടാക്കുകയും ചെയ്തു. തുടർന്ന് രക്ഷിതാക്കള്‍ കുട്ടിയെ ചികിത്സയ്ക്കായി അടുത്തുള്ള ആശുപത്രിയില്‍ എത്തിച്ചു. പിന്നാലെ കുടുംബം,പരപ്പന അഗ്രഹാര പോലീസ് സ്‌റ്റേഷനില്‍…

ബെംഗളൂരു: മഴ മാറി ആകാശം തെളിഞ്ഞ ദിവസങ്ങള്‍ക്കു ശേഷം വീണ്ടും മഴയെത്തി. ബുധനാഴ്ച ഉച്ചകഴിഞ്ഞാണ് ബെംഗളൂരു വീണ്ടും കനത്ത മഴയ്ക്ക് സാക്ഷ്യം വഹിച്ചത്. മഴ കനത്തതോടെ സ്ഥിരം ദുരിതത്തിലേക്ക് ബെംഗളൂരു വീണ്ടുമെത്തി. ഗതാഗതക്കുരുക്ക്, റോഡിലെ വെള്ളക്കെട്ട് എന്നിവയില്‍ ബെംഗളൂരു നിവാസികള്‍ വലഞ്ഞു. ദീപാവലിയുടെയും കർണ്ണാടക രാജ്യോത്സവിന്‍റെയും നീണ്ട വാരാന്ത്യത്തിരക്കിലായിരുന്ന നഗരം വീണ്ടും കുരുക്കിലായി. ഇന്നലെ പെയ്ത മഴയില്‍ നഗരത്തിന്‍റെ പലഭാഗങ്ങളും വെള്ളത്തിലായി. റോഡുകളില്‍ വെള്ളക്കെട്ട് രൂപപ്പെട്ടത് ഗതാഗതത്തെയും ബാധിച്ചു. പലയിടങ്ങളിലും ട്രാഫിക് മന്ദഗതിയിലായി. വീരസാന്ദ്രയ്ക്കും ഇലക്‌ട്രോണിക്‌സ് സിറ്റി ഫ്‌ളൈഓവറിനുമിടയില്‍ ഏകദേശം 3 കിലോമീറ്റർ ദൈർഘ്യമുള്ള…

ബെംഗളൂരു: പ്രമുഖ വ്യവസായിയും ബിപിഎല്‍ സ്ഥാപക ഉടമയുമായ ടി പി ജി നമ്ബ്യാര്‍ അന്തരിച്ചു. 95 വയസായിരുന്നു. ബെംഗളൂരുവിലെ വീട്ടിലായിരുന്നു അന്ത്യം. 1963ലാണ് ബ്രിട്ടീഷ് ഫിസിക്കല്‍ ലബോറട്ടറീസ് ഇന്ത്യ പ്രൈവറ്റ് ലിമിറ്റഡ് (ബിപിഎല്‍) തുടങ്ങുന്നത്. പ്രതിരോധ സേനകള്‍ക്കുള്ള പ്രിസിഷന്‍ പാനല്‍ മീറ്ററുകളുടെ നിര്‍മാണമാണ് കമ്പനി ആദ്യം തുടങ്ങിയത്. പിന്നീട് മികച്ച നിലവാരത്തിലുള്ള ഇലക്‌ട്രോണിക്‌സ് ഉപകരണങ്ങളുടെ നിര്‍മാണത്തിലേക്ക് കടക്കുകയായിരുന്നു. ഇന്ത്യയുടെ ടെലികമ്മ്യൂണിക്കേഷന്‍, മൊബൈല്‍ നിര്‍മാണരംഗങ്ങളിലും ശ്രദ്ധേയ നാമമായി ബിപിഎല്‍ മാറുകയായിരുന്നു. 1990കളിലായിരുന്നു ബിപിഎല്‍ ഇന്ത്യയിലെ ഇലക്‌ട്രോണിക്‌സ് ഉപകരണനിര്‍മാണ രംഗത്തെ അതികായരായി വളര്‍ന്നത്.