ബെംഗളൂരു : കനത്തമഴയിൽ നഞ്ചൻകോട് ഹൈവേയിൽ വെള്ളം പൊങ്ങിയതിനെ തുടർന്ന് ബെംഗളൂരു, മൈസൂരു എന്നിവിടങ്ങളിൽ നിന്ന് കേരളത്തിലേക്കുള്ള വാഹനങ്ങൾ വഴി തിരിച്ചുവിട്ടു. മല്ലനമൂലെ മഠത്തിന് സമീപത്താണ് റോഡിലും പരിസര പ്രദേശങ്ങളിലും വെള്ളംപൊങ്ങിയത്. മൈസൂരുഭാഗത്തുനിന്നുവരുന്ന വാഹനങ്ങൾ അടകനഹള്ളി വ്യവസായ മേഖലയിൽനിന്ന് തിരിഞ്ഞ് ഹെജ്ജിജെ പാലംവഴിയാണ് ഗുണ്ടൽപേട്ടിലേക്കു പോകുന്നത്. കനത്തമഴയും കപില നദി കരകവിഞ്ഞതും കാരണം നഞ്ചൻകോട് ഭാഗത്ത് വെള്ളപ്പൊക്കം രൂക്ഷമാണ്. പല സ്ഥലങ്ങളിലും നാലടിയിലേറെ പൊക്കത്തിൽ വെള്ളമുണ്ട്. കപില നദിക്ക് സമീപത്തെ ഹദിനാറു കാലു മണ്ഡപം വെള്ളത്തിൽമുങ്ങി.
Read Moreനഞ്ചൻകോട് ഹൈവേയിൽ വെള്ളം പൊങ്ങി: കേരളത്തിലേക്കുള്ള വാഹനങ്ങൾ വഴിതിരിച്ചു വിട്ടു
