Day: 11 August 2023

തിരുവനന്തപുരം: സംസ്ഥാനത്തെ ഒമ്പത് ജില്ലകളിലെ തദ്ദേശ സ്ഥാപന വാര്‍ഡുകളിലേക്ക് നടന്ന ഉപതെരഞ്ഞെടുപ്പില്‍ യുഡിഎഫ് മുന്നേറ്റം. തെരഞ്ഞെടുപ്പ് നടന്ന 17 വാര്‍ഡുകളില്‍ ഒമ്പതിടത്ത് യുഡിഎഫ് വിജയിച്ചു. ഏഴിടത്ത് എല്‍ഡിഎഫും വിജയിച്ചപ്പോള്‍ ബിജെപിക്ക് ഒരു സീറ്റും നേടി. സംസ്ഥാനത്തെ ഒമ്പത് ജില്ലകളിലെ 15 ഗ്രാമപഞ്ചായത്ത് വാര്‍ഡുകളിലേക്കും രണ്ട് ബ്ലോക്ക് പഞ്ചായത്ത് വാര്‍ഡുകളിലേക്കുമായിരുന്നു ഉപതെരഞ്ഞെടുപ്പ്. കൊല്ലത്ത് തിരഞ്ഞെടുപ്പ് തെന്‍മല ഗ്രാമപഞ്ചാത്തിലെ ഒറ്റയ്ക്കല്‍ വാര്‍ഡ് യുഡിഎഫില്‍ നിന്നും എല്‍ഡിഎഫ് പിടിച്ചെടുത്തു. അതേസമയം ആദിച്ചനെല്ലൂര്‍ പഞ്ചായത്തിലെ പുഞ്ചിരിച്ചിറ വാര്‍ഡില്‍ ബിജെപി വിജയിച്ചു. എല്‍ഡിഎഫിന്റെ സിറ്റിംഗ് സീറ്റാണ് ബിജെപി പിടിച്ചെടുത്തത്. ആലപ്പുഴ തലവടിഗ്രാമപഞ്ചായത്തിലെ…

കോട്ടയം: യുഡിഎഫ് പുതുപ്പള്ളിയിലൊഴുക്കുന്നത് മുതലക്കണ്ണീരെന്ന് സിപിഎം സംസ്ഥാന സമിതി അംഗം കെ.അനില്‍ കുമാര്‍. ഉമ്മന്‍ ചാണ്ടിയുടെ ചികിത്സ ഉറപ്പാക്കാന്‍ സംസ്ഥാന സര്‍ക്കാര്‍ ഇടപെടേണ്ടി വന്നത് എന്തുകൊണ്ടെന്ന് പ്രതിപക്ഷനേതാവ് വിശദീകരിക്കണം. വി.ഡി സതീശനും ഇതില്‍ ഉത്തരവാദിത്വമുണ്ട് ചികിത്സ നിഷേധിച്ചതില്‍ കൂടുതല്‍ തെളിവുകള്‍ ഉണ്ടെന്നും അനില്‍കുമാര്‍ പറഞ്ഞു. അതേസമയം മറുപടിയുമായി പ്രതിപക്ഷ നേതാവ് വി.ഡി സതീശന്‍ രംഗത്തെത്തി. ഉമ്മന്‍ചാണ്ടിയുടെ ചികിത്സയില്‍ കുടുംബവും പാര്‍ട്ടിയും കൃത്യമായി ചെയ്തിട്ടുണ്ട്. കൊടുക്കാന്‍ കഴിയുന്ന ഏറ്റവും നല്ല ചികിത്സയാണ് നല്‍കിയത്. മൂന്നാംകിട നേതാക്കളെ കൊണ്ട് സിപിഎം തരംതാഴ്ന്ന ആരോപണങ്ങള്‍ ഉന്നയിക്കുകയാണെന്നും സതീശന്‍ പറഞ്ഞു.