യു.എസിന് പിന്നാലെ ന്യൂസിലാന്ഡിലും ടിക്ക് ടോക്കിന് നിരോധനം ഏര്പ്പെടുത്തി.സുരക്ഷാ കാരണങ്ങള് ചൂണ്ടിക്കാട്ടിയാണ് ന്യൂസിലാന്ഡ് പാര്ലമെന്റ് ടിക് ടോക്കിന് നിരോധനമേര്പ്പെടുത്തിയത്. ഇന്ത്യയടക്കം നിരവധി രാജ്യങ്ങള് നേരത്തെതന്നെ ടിക്ക് ടോക്കിന് നിരോധനമേര്പ്പെടുത്തിയിരുന്നു.
ഈ മാസം അവസാനത്തോടെ ടിക് ടോക്ക് നിരോധിക്കും എന്നാണ് പാര്ലമെന്ററി സര്വീസ് രാജ്യത്തെ എം.പിമാരെ അറിയിച്ചത്. ടിക് ടോക്ക് ഉപഭോക്ത്യ ഡാറ്റ ചൈനീസ് സര്ക്കാരിന്റെ കൈകളില് എത്തുമെന്ന കാരണം പറഞ്ഞാണ് ആപ്പിന് നിരോധനം ഏര്പ്പെടുത്തിയത്. പാര്ലമെന്റ് അംഗങ്ങള്ക്ക് അയച്ച ഇമെയിലില്, മാര്ച്ച് 31-ന് അവരുടെ കോര്പ്പറേറ്റ് ഉപകരണങ്ങളില് നിന്ന് ആപ്പ് നീക്കം ചെയ്യുമെന്നും അതിനുശേഷം അത് വീണ്ടും ഡൗണ്ലോഡ് ചെയ്യാന് കഴിയില്ലെന്നും വ്യക്തമാക്കുന്നു.
ബ്രിട്ടനിലെ നാഷണല് സൈബര് സെക്യൂരിറ്റി സെന്റര് സര്ക്കാര് ഫോണുകളില് നിന്ന് ടിക് ടോക് നിരോധിക്കണമോ എന്ന് പരിശോധിച്ചു വരികയാണ്. കാനഡ, ബെല്ജിയം, യൂറോപ്യന് കമ്മീഷന് എന്നിവ നേരത്തെ തന്നെ ആപ്പ് നിരോധിച്ചിരുന്നു. സൈബര് സുരക്ഷാ ആശങ്കകള് ചൂണ്ടിക്കാട്ടിയാണ് ഈ രാജ്യങ്ങളും ആപ്പ് നീക്കം ചെയ്യാന് ഉത്തരവിട്ടത്. സുരക്ഷാ കാരണങ്ങള് ചൂണ്ടിക്കാട്ടി ഇന്ത്യയടക്കം നിരവധി രാജ്യങ്ങള് നേരത്തെ ടിക് ടോക്കിന് നിരോധനമേര്പ്പെടുത്തിയിരുന്നു.
യുവാക്കള്ക്കിടയില് വളരെ ജനപ്രിയമായ ടിക് ടോക്ക് ലോകത്തിലെ ഏറ്റവും വിജയകരമായ സോഷ്യല് മീഡിയ പ്ലാറ്റ്ഫോമുകളിലൊന്നാണ്. യു.എസില് മാത്രം 100 ദശലക്ഷത്തിലധികം ഉപയോക്താക്കളാണ് ടിക് ടോക്കിനുള്ളത്. ടിക് ടോക്കിന്റെ യു.എസ് ഉപയോക്താക്കളുടെ വ്യക്തിഗത വിവരങ്ങള് കൈമാറാന് ടിക് ടോക്കിനെയും മാതൃ കമ്പനിയായ ബൈറ്റ് ഡാന്സിനെയും ചൈനീസ് സര്ക്കാര് ഉപയോഗിക്കുന്നുവെന്നാണ് യു.എസ് ആരോപിക്കുന്നത്. എന്നാല് സുരക്ഷാ പ്രശ്നങ്ങളുണ്ടെന്ന ആരോപണങ്ങള് ടിക് ടോക്ക് നിഷേധിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
