Month: June 2021

ബെംഗളൂരു : നഗര ജില്ലയിൽ ലോക്ക് ഡൗൺ ഇളവുകൾ പ്രഖ്യാപിച്ചതോടെ അന്യ സംസ്ഥാനങ്ങളിൽ നിന്ന് തിരിച്ചെത്തുന്നവരുടെ എണ്ണം കൂടുകയാണ്, ഈ സാഹചര്യത്തിൽ ചെക്ക് പോസ്റ്റുകളിലും വിമാന ത്താവളങ്ങളിലും റെയിൽവേ സ്‌റ്റേഷനുകളിലും ഇവരെ നിരീക്ഷിക്കാൻ സംവിധാനം ഏർപ്പെടുത്താനൊരുങ്ങി സർക്കാർ. തമിഴ്നാട് അതിർത്തിയായ അത്തിബെലെ വഴി എത്തുന്നവരെ ഇടവിട്ട് കോവിഡ് ടെസ്റ്റിന് വിധേയരാക്കും എന്ന് ബി.ബി.എം.പി.അറിയിച്ചു. റാപ്പിഡ് ആൻ്റിജൻ പരിശോധനായാണ് റാൻഡം ആയി നടത്തുക. മൈസൂരുവിൽ ലോക്ക് ഡൗൺ തുടരുന്നതിനാൽ കേരളത്തിൽ നിന്ന് ബന്ദിപ്പുർ അതിർത്തി വഴി നിയമപരമായി നഗരത്തിലേക്ക് യാത്ര ചെയ്യാൻ കഴിയില്ല. റെയിൽവേ സ്റ്റേഷനുകളിലും…

ബെംഗളൂരു: നഗരത്തിൽ മഴക്കാലത്ത് കനാലുകൾ നിറഞ്ഞുകവിഞ്ഞ് വെള്ളപ്പൊക്കമുണ്ടാകുന്നത് ഒഴിവാക്കാൻ ആധുനിക സംവിധാനവുമായി സംസ്ഥാന പ്രകൃതി ദുരന്ത നിവാരണകേന്ദ്രം. കനാലുകൾ നിറഞ്ഞുകവിഞ്ഞ് വെള്ളപ്പൊ ക്കമുണ്ടാകുന്നത് ഒഴിവാക്കാൻ മുന്നറിയിപ്പ് നൽകുന്ന സെൻസറുകളാണ് സ്ഥാപിക്കുന്നത്. സൗരോർജത്തിൽ പ്രവർത്തിക്കുന്ന സെൻസറുകൾ കനാലുകളിൽ അപകടമാംവിധം വെള്ളംപൊങ്ങിയാൽ ബി.ബി.എം.പി.ക്ക്‌ മുന്നറിയിപ്പുനൽകും. ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസസുമായി സഹകരിച്ച് പരീക്ഷണാടിസ്ഥാനത്തിൽ 28 സെൻസറുകൾ വിവിധ കനാലുകളിൽ സ്ഥാപിച്ചിട്ടുണ്ട്. വൃഷഭവതി, ഹെബ്ബാൾ, കോറമംഗല എന്നിവിടങ്ങളിലെ കനാലുകളിലാണ് സെൻസറുകൾ സ്ഥാപിച്ചത്. നഗരത്തിൽ 209 വെള്ളപ്പൊക്ക സാധ്യതാ മേഖലകളുണ്ട്‌. അതിനാൽ കൂടുതൽ കനാലുകളിൽ സെൻസറുകൾ സ്ഥാപിക്കാനാണ് ശ്രമം. സെൻസറുകൾ…

ബെംഗളൂരു: കോവിഡ് രോഗികളെ പിഴിഞ്ഞ് കഗ്ഗദാസപുരയിലെ സ്വകാര്യ ആശുപത്രി ഈടാക്കിയത് ദശലക്ഷങ്ങൾ. കഗ്ഗദാസപുരയിലെ കംഫർട്ട് ആശുപത്രിയാണ് നൂറോളം രോഗികളിൽ നിന്നായി 75 ലക്ഷത്തോളം രൂപ അധികമായി വാങ്ങിയെന്നാണ് റിപ്പോർട്ട്. അമിതനിരക്ക് ഈടാക്കിയ കംഫർട്ട് ആശുപത്രി ഉടമയ്‌ക്കെതിരേ പോലീസ് ദുരന്തനിവാരണ നിയമപ്രകാരം കേസെടുത്തു. രോഗികളിൽനിന്ന് പരാതികൾ ലഭിച്ചതിനെത്തുടർന്ന് മേയ് 27-നാണ് ആരോഗ്യവകുപ്പ് അധികൃതരും പോലീസും കോർപ്പറേഷൻ ഉദ്യോഗസ്ഥരും ചേർന്ന് ആശുപത്രിയിൽ പരിശോധന നടത്തിയത്. രോഗികളിൽനിന്ന് അമിതമായ നിരക്ക് ഈടാക്കിയതിന്റെ രേഖകൾ അധികൃതർ കണ്ടെത്തി. തുടർന്ന് കൂടുതലായി ഈടാക്കിയ തുക രോഗികൾക്ക് തിരികെ നൽകണമെന്ന് ആരോഗ്യവകുപ്പ് നിർദേശിക്കുകയായിരുന്നു.…

ബെംഗളൂരു: സാമൂഹിക വിരുദ്ധർ വാക്സിനേഷനെതിരേ വ്യാപകമായി തെറ്റായ പ്രചാരണങ്ങൾ നടത്തുന്നുണ്ടെന്ന പരാതികൾ കൂടിവരുന്നു. ഇനിമുതൽ ഇത്തരം വ്യാജ പ്രചാരണങ്ങൾക്കെതിരേ ശക്തമായ നടപടി സ്വീകരിക്കാനാണ് ആരോഗ്യവകുപ്പിന്റെ തീരുമാനം. സാമൂഹിക മാധ്യമങ്ങളിലൂടെ നടത്തുന്ന അസത്യപ്രചരണങ്ങൾ നിരീക്ഷിച്ചുവരികയാണ്. സന്നദ്ധ സംഘടനകളും വിവിധ പൊതുജനസംഘടനകളും വ്യക്തികളും ഇത്തരം പ്രചാരണങ്ങൾ വയപകമായി നടക്കുന്നതായി ആരോഗ്യവകുപ്പിന്റെ ശ്രദ്ധയിൽപ്പെടുത്തിയിട്ടുണ്ട്. ഇങ്ങനെയുള്ള വ്യാജ പ്രചാരണങ്ങൾ സൈബർ ക്രൈം പോലീസിന് കൈമാറാനാണ് ആരോഗ്യവകുപ്പിന്റെ തീരുമാനം. ഇത്തരക്കാർക്കെതിരെ അറസ്റ്റ് ഉൾപ്പടെയുള്ള ശക്തമായ നടപടികളുമായി മുന്നോട്ടു പോകുമെന്നാണ് റിപ്പോർട്ട്.