ബെംഗളൂരു: ചൊവ്വാഴ്ച തെക്കൻ ബെംഗളൂരുവിലെ ചിക്കലസാന്ദ്രയിൽ അമിതവേഗതയിലെത്തിയ കാർ ഡ്രൈവർ ഇടിച്ചതിനെ തുടർന്ന് വീട്ടമ്മയ്ക്ക് പരിക്കേറ്റതായി പോലീസ് പറഞ്ഞു.
തന്റെ രണ്ട് പെൺമക്കളെയും സ്കൂളിലേയ്ക്ക് അയക്കുന്നതിനായുള്ള വാനിനായി രാമാഞ്ജനേയ ലേഔട്ടിലെ തന്റെ അപ്പാർട്ട്മെന്റ് കോംപ്ലക്സിന് പുറത്ത് കാത്തുനിൽക്കുമ്പോൾ പെട്ടെന്ന് ഓടിച്ചുവന്ന കാർ കാവ്യയെയും മക്കളെയും ഇടിക്കുകയായിരുന്നു.
കാവ്യയ്ക്ക് ശരീരത്തിലെ എല്ലുകൾക്ക് ഒടിവുകൾ ഉണ്ട് മക്കളായ അനന്യയും ആരാധ്യയും നിസാര പരിക്കുകളോടെ രക്ഷപ്പെട്ടു.
അലക്ഷ്യമായും അശ്രദ്ധമായും വാഹനമോടിച്ചതിന് സന്തോഷ് എന്ന ക്യാബ് ഡ്രൈവറെ കുമാരസ്വാമി ലേഔട്ട് ട്രാഫിക് പോലീസ് അറസ്റ്റ് ചെയ്തു.
