Day: 23 May 2021

ബെംഗളൂരു: കോവിഡ് പ്രതിരോധ മരുന്ന് കുത്തിവെയ്പ്പ് കാര്യക്ഷമാക്കി നടപ്പിലാക്കുന്നതിൻ്റെ ഭാഗമായി സംസ്ഥാന സർക്കാറിൻ്റെ പോർട്ടൽ പരിഷ്ക്കരിക്കുന്നു. പുതിയ പരിഷ്കരണത്തോടെ പോർട്ടൽ ജൂൺ ആദ്യവാരത്തിൽ പുറത്ത് വരും. കേന്ദ്ര സർക്കാറിൻ്റെ കോവിൻ പോർട്ടലുമായി ലിങ്ക് ചെയ്യുന്ന വിധത്തിൽ ആണ് പുതിയ പോർട്ടൽ തയ്യാറാക്കിയിരിക്കുന്നത് എന്ന് ഉപമുഖ്യമന്ത്രി അശ്വഥ് നാരായൺ അറിയിച്ചു. ഡിസംബറിനുളളിൽ സംസ്ഥാനത്തെ എല്ലാവർക്കും വാക്സിൻ നൽകാൻ കഴിയും എന്ന് മന്ത്രി വിശ്വാസം പ്രകടിപ്പിച്ചു. 18-45 വയസുള്ളവരുടെ കുത്തിവെപ്പിന് കൂടുതൽ കേന്ദ്രങ്ങൾ അനുവദിക്കുന്നതിന് ഈ പുതിയ സോഫ്റ്റ് വെയർ സംവിധാനം സഹായിക്കും.

ബെംഗളൂരു : നഗരത്തിൽ 2 ദിവസം കൂടി മഴ തുടരുമെന്ന് കാലാവസ്ഥാ നിരീക്ഷണ വകുപ്പ് അറിയിച്ചു. നഗര ജില്ലയിൽ ഉൾപ്പെടെ ഉള്ള യെല്ലോ ആലേർട്ട് തുടരും. ചില താഴ്ന്ന പ്രദേശങ്ങളിൽ വെളളം കയറിയതോടെ ജനജീവിതം ദുരിതത്തിലായി. കോറമംഗല, വസന്ത നഗർ, സദാശിവ നഗർ, രാജാജി നഗർ, വിജയ നഗർ, മജസ്റ്റിക്, മല്ലേശ്വരം എന്നിവിടങ്ങളിലെ താഴ്ന്ന പ്രദേശങ്ങളിലാണ് വെള്ളം കയറിയത്. സെൻട്രൽ ബിസിനസ് ഡിസ്ട്രിക്റ്റിൽ സ്മാർട്ട് സിറ്റി നിർമ്മാണ പദ്ധതികൾ മഴയെ തുടർന്ന് നിർത്തിവച്ചു.

ബെംഗളൂരു : മറ്റ് സംസ്ഥാനങ്ങളിൽ നിന്ന് കർണാടകയിലേക്ക് യാത്ര ചെയ്യുന്നവർക്ക് കോവിഡ് നെഗറ്റീവ് ആർ.ടി.പി.സി.ആർ സർട്ടിഫിക്കറ്റ് നിർബന്ധമെന്ന് കർണാടക ആഭ്യന്തര മന്ത്രി ബസവരാജ് ബൊമ്മെ. കേന്ദ്ര സർക്കാർ നിർദ്ദേശ പ്രകാരമാണ് ഇത് നടപ്പാക്കുന്നത്.റോഡ് വഴിയുള്ള യാത്രക്കാരെ നിയന്ത്രിക്കുന്നതിനായി സംസ്ഥാനാന്തര, ജില്ലാ അതിർത്തികളിൽ താൽക്കാലിക ചെക്ക് പോസ്റ്റുകൾ സ്ഥാപിച്ച് കർശ്ശന പരിശോധന നടത്തുന്നുണ്ട് എന്നും അദ്ദേഹം കൂട്ടിച്ചേർത്തു. അതേ സമയം സംസ്ഥാനത്ത് സമ്പൂർണ ലോക്ക് ഡൗൺ നിലനിൽക്കുന്നതിനാൽ എമർജൻസി ആവശ്യങ്ങൾക്ക് മാത്രമേ സംസ്ഥാനാന്തര യാത്രകൾ അനുവദിക്കുകയുള്ളൂ. #COVID19 negative test report is mandatory for…