Month: December 2020

ബെംഗളൂരു : മറാത്ത വികസന അതോറിറ്റി കർണാടകയിൽ രൂപീകരിക്കുന്നതിന് എതിരെ വിവിധ കന്നഡ അനുകൂല സംഘടനകൾ ആഹ്വാനം ചെയ്ത് കർണാടക ബന്ദ് നാളെ. രാവിലെ 6 മുതൽ വൈകീട്ട് ആറു വരെയുള്ള ബന്ദിൽ ഓട്ടോ, ടാക്സി, ഊബർ, ഓല എന്നിവയുടെ സർവ്വീസ് കുറയാൻ സാദ്ധ്യത. അതേ സമയം നമ്മ മെട്രോ, ബി.എം.ടി.സി, കെ.എസ്.ആർ.ടി.സി എന്നിവ സാധാരണ പോലെ സർവ്വീസ് നടത്തും. വാട്ടാൾ നാഗരാജിൻ്റെ നേതൃത്വത്തിലുള്ള കന്നഡ ചാലുവാലി വാട്ടാൾ പക്ഷ ആഹ്വാനംചെയ്ത ബന്ദിന് പിന്തുണയുമായി ഒട്ടേറെ കന്നഡ സംഘടനകളാണ് മുന്നോട്ടുവന്നിട്ടുണ്ട്. കർണാടക രക്ഷണ വേദികെ…

ബെംഗളൂരു: പോളണ്ടിൽ നിന്നും കൊറിയർ വഴിവരുത്തിയ ആയിരത്തോളം എൽ എസ് ഡി സ്ട്രിപ്പു കളുമായി രണ്ടുപേർ ബെംഗളൂരുവിൽ സെൻട്രൽ ക്രൈംബ്രാഞ്ചിന്റെ അറസ്റ്റിലായി. ദർശൻ 26 രാഹുൽ 24 എന്നിവരാണ് പിടിയിലായത്. ഏകദേശം നാലായിരം രൂപയ്ക്ക് ഓൺലൈനിൽ വാങ്ങുന്ന എൽഎസ് ഡി സ്ട്രിപ്പുകൾ ഒന്നിന് 6000 രൂപ വരെ വിലയ്ക്കാണ് ഇവർ ആവശ്യക്കാർക്ക് നൽകിയിരുന്നതെന്ന് സംശയിക്കുന്നതായി അറസ്റ്റുചെയ്ത സംഘത്തിലെ ഉദ്യോഗസ്ഥൻ പറഞ്ഞു. ഇവരിൽ നിന്നും 1000 സ്ട്രിപ്പുകൾ കണ്ടെടുത്തു. ഇതേ കുറ്റകൃത്യത്തിന് 2018ൽ ഇവരെ പിടികൂടിയതാ യിരുന്നെന്നും അദ്ദേഹം കൂട്ടിച്ചേർത്തു.

ബെംഗളൂരു: നവംബർ ഒന്നിന് ബിബിഎംപി കമ്മീഷണർ മഞ്ജുനാഥ് പ്രസാദ് ഉദ്യോഗസ്ഥർക്ക് നൽകിയ 30 ദിവസത്തെ സമയപരിധി അനുസരിച്ച് നവംബർ 30ന് കാലാവധി അവസാനിച്ചപ്പോഴും നഗരത്തിലെ റോഡുകളിലെ കുഴികൾ അതേപടി തുടരുകയാണ്. നഗരത്തിലെ പലയിടങ്ങളിലും നാമമാത്രമായ കുഴിയടയ്ക്കൽ നടത്തിയെങ്കിലും ഭൂരിഭാഗം റോഡുകളിലും ഇപ്പോഴും കുഴികൾ അവശേഷിക്കുകയാണ്. പലയിടങ്ങളിലും കുഴികൾ അടയ്ക്കാനുള്ള ശ്രമത്തിനിടെ കുന്നുകൂടിയ ടാറിന്റെ അവശിഷ്ടങ്ങൾ ഇരുചക്ര വാഹന യാത്രക്കാർക്ക് കൂടുതൽ ദുരിതം നൽകുകയാണ് ചെയ്തിരിക്കുന്നത്. ബിബിഎംപി കമ്മീഷണറുടെ ഒക്ടോബറിൽ പുറത്തുവന്ന ആദ്യ പ്രസ്താവന പ്രകാരം നവംബർ 15 നുള്ളിൽ നഗരത്തിലെ എല്ലാ റോഡുകളും കുഴി…

ബെംഗളൂരു: നഗരത്തിൽ പ്രവർത്തിക്കുന്ന ഒരു സ്വകാര്യ സ്ഥാപനത്തിൽ നിന്നും 1,80,000 രൂപ കൈക്കൂലി കൈപ്പറ്റുന്നതിനിടയിൽ അസിസ്റ്റന്റ് ലേബർ കമ്മീഷണറും കൂട്ടാളിയായ റിട്ടയേഡ് ലേബർ ഇൻസ്പെക്ടറും അഴിമതിവിരുദ്ധ സേനയുടെ പിടിയിലായി. കോളാർ ജില്ലയിലെ മാളൂരിൽ പ്രവർത്തിക്കുന്ന ഒരു സ്വകാര്യ സ്ഥാപനം 2017 നൽകിയ അപേക്ഷകളുടെ അടിസ്ഥാനത്തിൽ തീരുമാനമെടുക്കുന്നതിലേക്കായി അസിസ്റ്റന്റ് ലേബർ കമ്മീഷണർ സന്തോഷ് ഇപ്പരാഗി രണ്ട് ലക്ഷം രൂപ കൈക്കൂലി ആവശ്യപ്പെടുകയായിരുന്നു. ചർച്ചയ്ക്കൊടുവിൽ സമ്മതിച്ച 1,80,000 രൂപ കൈമാറുന്നതിനടയിലാണ് സന്തോഷ് ഇപ്പരാഗിയും കൂട്ടാളിയായ മുൻ ലേബർ ഇൻസ്പെക്ടർ ശിവകുമാറും അറസ്റ്റിലായത്.

ബെംഗളൂരു: അഞ്ചുമണിക്കൂറിനുള്ളിൽ രോഗിയെ നഗരത്തിലെ ഹോസ്പിറ്റലിൽ എത്തിക്കാൻ നിർദ്ദേശം ലഭിച്ചതിനെ തുടർന്ന് കെ.എം.സി.സി. ആംബുലൻസ് കുതിച്ച് പാഞ്ഞ് 408 കിലോമീറ്റർ താണ്ടിയെത്തിയത് നാലേകാൽ മണിക്കൂർകൊണ്ട്. അടിയന്തര ശസ്ത്രക്രിയ ആവശ്യമുള്ള രോഗിയെ ദക്ഷിണ കന്നഡ പുത്തൂരിൽനിന്ന്‌ നാലേകാൽ മണിക്കൂറുർ കൊണ്ടാണ് ബെംഗളൂരുവിലെത്തിച്ചത്. സക്‌ലേഷ്പുര സ്വദേശിയായ സഹന(22)യെയാണ് പുത്തൂർ മഹാവീർ ആശുപത്രിയിൽനിന്ന് റോഡുമാർഗം ബെംഗളൂരു വൈറ്റ് ഫീൽഡിലെ വൈദേഹി മെഡിക്കൽ കോളേജിലെത്തിച്ചത്. നാലേകാൽ മണിക്കൂറിനിടെ 408 കിലോമീറ്ററാണ് ആംബുലൻസ് പിന്നിട്ടത്. ശ്വാസകോശം മാറ്റിവെക്കൽ ശസ്ത്രക്രിയയ്ക്കുവേണ്ടിയാണ് സഹനയെ ബെംഗളൂരുവിലെ ആശുപത്രിയിലേക്ക് മാറ്റിയത്. അഞ്ചുമണിക്കൂറിനുള്ളിൽ ബെംഗളൂരുവിലെത്തിക്കാനായിരുന്നു ആശുപത്രിയിൽനിന്നു ലഭിച്ച നിർദേശം. രാവിലെ 11.15-ന്…