ബെംഗളൂരു: പകർച്ചവ്യാധി വ്യാപനം ഇനിയും പൂർണ നിയന്ത്രണത്തിൽ എത്തിക്കാൻ കഴിയാത്ത സാഹചര്യത്തിലും നഗരവാസികൾ സുരക്ഷാ മാർഗ്ഗനിർദ്ദേശങ്ങൾ പാലിക്കാത്തതിനാലും മാർഗ്ഗ നിർദ്ദേശങ്ങൾ കൃത്യമായി നടപ്പിലാക്കുന്നതിനായി ബ്രഹത് ബെംഗളൂരു മഹാ നഗരപാലിക പ്രത്യേക കർമ്മസേന രൂപീകരിച്ചിരുന്നു.
കഴിഞ്ഞദിവസം നിർദേശങ്ങൾ ലംഘിച്ച നഗരവാസികളിൽ നിന്നും നാലു ലക്ഷത്തി മുപ്പതിനായിരം രൂപയാണ് പിഴ ഇനത്തിൽ ഈടാക്കിയത്.
1705 പേർ മാസ്ക് ഉപയോഗിക്കാത്തതിന് പിഴ നൽകേണ്ടി വന്നപ്പോൾ പതിനായിരത്തോളം പേരിൽ നിന്നും ദൂരപരിധി ലംഘിച്ചതിന് പിഴയീടാക്കി.
പകർച്ചവ്യാധിയുടെ രണ്ടാം തരംഗസാധ്യതയേറുന്ന സാഹചര്യത്തിൽ നിർദേശങ്ങൾ കൂടുതൽ കൃത്യതയോടെ പ്രേരിപ്പിക്കുന്നതിനാണ് ദൗത്യസേന നടപടികൾ കൂടുതൽ കടുപ്പിച്ചത്.
ഇതിനുപുറമേ 3500 ഓളം പേരിൽ നിന്ന് ട്രാഫിക് പോലീസും മഹാമാരി മാർഗ്ഗനിർദ്ദേശ ലംഘനത്തിന് പിഴ ഈടാക്കിയിട്ടുണ്ട്.
മഹാമാരി വ്യാപനം തടയുന്നതിന് നഗരവാസികളുടെ സഹകരണം അനിവാര്യമാണെന്ന് അധികൃതർ ഓർമ്മിപ്പിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
