Month: August 2020

ബെംഗളൂരു: കോവിഡ് ബാധിച്ച് മരിക്കുന്നവരെ സംസ്കരിക്കാൻ 10 പുതിയ ശ്മശാനങ്ങൾ സജ്ജമാക്കുമെന്ന് ബി.ബി.എം.പി. നഗരത്തിന്റെ വിവിധ ഭാഗങ്ങളിലുള്ള ശ്മാശാനങ്ങളിൽ കോവിഡ് ബാധിച്ച് മരിച്ചവരുടെ മൃതദേഹങ്ങൾ സംസ്കരിക്കുന്നതിന് ഒട്ടേറെ തടസ്സങ്ങൾ നേരിടുന്നുണ്ട്. സമീപവാസികളുടെ എതിർപ്പാണ് പ്രധാന തടസ്സങ്ങളിലൊന്ന്. ഈ കാരണത്താൽ നഗരത്തിന് പുറത്ത് റവന്യൂവകുപ്പിനുകീഴിലുള്ള സ്ഥലം ഏറ്റെടുക്കാനാണ് പദ്ധതി. ദാസനപുര, ഉത്തരഹള്ളി, ജിഗനി, സർജാപുര തുടങ്ങിയ പ്രദേശങ്ങളിലാണ് ശ്മശാനങ്ങളൊരുക്കുക. ഒരാഴ്ചയ്ക്കുള്ളിൽ ഇവ പൂർണ സജ്ജമാകുമെന്ന് ബി.ബി.എം.പി. അറിയിച്ചു.

ബെംഗളൂരു : മഴ കനത്തതിനെ തുടർന്നു തീരദേശ ജില്ലകളായ ദക്ഷിണ കന്നഡയിലും ഉഡുപ്പിയിലും ഓറഞ്ച് അലർട്ട്. താഴ്ന്ന പ്രദേശങ്ങൾ വെള്ളക്കെട്ടിലായതിനെ തുടർന്നാണ് ഇന്നലെ മുതൽ 7 വരെ ജാഗ്രതാ നിർദേശം നൽകിയിരിക്കുന്നത്. മത്സ്യബന്ധന തൊഴിലാളികൾക്ക് കടലിൽ പോകുന്നതിന് ഈ ദിവസങ്ങളിൽ വിലക്കുണ്ട്. ബെംഗളൂരുവിൽ ഈയാഴ്ച മുഴുവൻ മൂടിക്കെട്ടിയുള്ള കാലാവസ്ഥയ്ക്കൊപ്പം ഇടവിട്ടുള്ള മഴ തുടരുമെന്നാണ് കാലാവസ്ഥാപ്രവചനം. 24hrs☔️Map of #Karnataka from 8.30 am on 3rd August 2020 to 8.30 am on 4th August 2020,☔️ Highest 241mm @Uttara Kannada_Supa_Castlerock.…