Month: April 2020

ബെംഗളൂരു : കോവിഡ് വ്യാപനം തടയുന്നതിനായി, മാസ്ക് ധരിക്കാത്തവർക്കു പെട്രോൾ നൽകില്ലെന്ന പ്രചാരണവുമായി കർണാടകയിലെ പെട്രോൾ പമ്പുകൾ. ഓൾ ഇന്ത്യ പെട്രോളിയം ഡീലേഴ്സ് അസോസിയേഷനു (എഐപിഡിഎ) കീഴിൽ രാജ്യമൊട്ടാകെ നടപ്പിലാക്കുന്ന പ്രചാരണത്തിന്റെ ഭാഗമാണിത്. മേയ് 4വരെ മാസ്ക് ധരിക്കാതെ വാഹനങ്ങളുമായി പമ്പുകളിൽ എത്തുന്നവർക്ക് ഇന്ധനം നൽകേണ്ടെന്നാണ് തീരുമാനം. പമ്പ് ജീവനക്കാരുടെ സുരക്ഷ കൂടി മുൻനിർത്തിയാണിതെന്ന് എഐപിഡിഎ പ്രസിഡന്റ് അജയ് ബൻസൽ പറഞ്ഞു.

ബെംഗളുരു: നഗരസഭയിൽ 19സ്ഥലങ്ങൾ കോവിഡിനെതിരെ അതീവ ജാഗ്രത പുലർത്തേണ്ട കണ്ടയൻമെന്റ് സോണുകളായി പ്രഖ്യാപിച്ചു.   ഈ സ്ഥലങ്ങളില്‍ നിന്ന് പുറത്ത് പോകാനും വരാനും ഉള്ള വഴി ഒന്ന് മത്രമേ ഉണ്ടായിരിക്കുകയുള്ളൂ,ആരോഗ്യ പ്രവര്‍ത്തകരുടെയും പോലീസിന്റെയും നിരീക്ഷണത്തില്‍ ആയിരിക്കും ഈ സ്ഥലങ്ങള്‍ ഇതില്‍ നാല് അപ്പാര്‍ട്ട്മെന്റുകള്‍ ഉള്‍പ്പെടുന്നു ഗുരപ്പനപ്പളായയിലെ  പിരമിഡ് ക്ലാസ്സ്‌ അപ്പാര്‍ട്ട്മെന്റ്,കൂക്ക് ടൌണിലെ ഹച്ചിസണ്‍ മനോര്‍, ഗുട്ടലഹള്ളിയിലെ മന്ത്രി സ്പ്ലെണ്ടാര്‍,അക്ഷയ നഗറിലെ വായു സ്തുതി വൈഭവ എന്നിവയും. രാധ കൃഷ്ണ വാര്‍ഡ്‌ ( 7 പോസിറ്റീവ് കേസുകള്‍),ടിപ്പു നഗര്‍ (5 കേസുകള്‍),പദരായനപുര(19 കേസുകള്‍), ടിപ്പു നഗര്‍…

ബെംഗളൂരു : മേയ് 4ന് മുൻപ് മദ്യവിൽപനശാലകൾ(എംആർപിഔട്ട്ലറ്റുകൾ) തുറക്കുന്നവരുടെ ലൈസൻസ് റദ്ദാക്കുമെന്നമുന്നറിയിപ്പുമായി വീണ്ടും എക്സൈസ് വകുപ്പ് സർക്കുലർ. എന്നാൽ, കൈകൾ ശുചീകരിക്കാനുള്ള സാനിറ്റൈസറുകൾ നിർമിക്കുന്ന ഡിസ്റ്റിലറികൾക്ക്പ്രവർത്തനം തുടരാം. മദ്യവിൽപന ശാലകൾ സമയബന്ധിതമായി തുറക്കുന്നതിലുള്ള തീരുമാനം ഉടനെടുക്കുമെന്നു സർക്കാർ നേരത്തെ പ്രഖ്യാപിച്ചിരുന്നു. എന്നാൽ, കേന്ദ്ര മാർഗ നിർദേശം പാലിച്ച് ഇവ മേയ് 3നു ശേഷം തുറന്നാൽ മതിയെന്നു തീരുമാനിക്കുകയായിരുന്നു.

ബെംഗളൂരു : ബാഗൽക്കോട്ടിലെ ജമഖണ്ഡിയിൽമകനു(47) കോവിഡ് സ്ഥിരീകരിച്ചതറിഞ്ഞ് അമ്മ (65) ഹൃദയസ്തംഭനത്തെ തുടർന്ന് മരിച്ചു. കടുത്ത പ്രമേഹവും രക്തസമ്മർദത്തിനും മരുന്നു കഴിച്ചിരുന്ന വീട്ടമ്മ, ശനിയാഴ്ച വൈകിട്ട് മകനു കോവിഡ് സ്ഥിരീകരിച്ചതോടെ കുഴഞ്ഞു വീഴുകയായിരുന്നു. ജില്ലാ അധികൃതർ ഇടപെിട്ട് കോവിഡ് മാർഗനിർദേശങ്ങൾ പാലിച്ചാണ് ഇവരുടെമൃതദേഹം സംസ്കരിച്ചത്.

ബെംഗളുരു : ലോക്ക്ഡൗൺ നിയന്ത്രണങ്ങൾക്കിടെ, രാമമൂർത്തി നഗറിൽ 2000 ടെട്രാപാക്ക് മദ്യവുമായി യുവാവ് അറസ്റ്റിൽ, ഫോണിൽ ഉപഭോക്താക്കൾ ആവശ്യപ്പെടുന്നതു പ്രകാരം മദ്യം എത്തിച്ചുകൊടുക്കുന്ന രാജുവാണ് (32)അറസ്റ്റിലായത് എന്ന് ബെംഗളുരു പൊലീസിനു കീഴിലുള്ള സെൻട്രൽ ക്രൈംബ്രാഞ്ച് ഡിസിപി കുൽദീപ് ജെയിൻ പറഞ്ഞു. രഹസ്യ വിവരം ലഭിച്ചതിന്റെ അടിസ്ഥാനത്തിൽ രാജുവിന്റെ വീടു റെയ്ഡ് നടത്തിയതിനെ തുടർന്നാണ് മദ്യ പായ്ക്കറ്റുകൾ പിടികൂടിയത്. മറ്റൊരു കേസിൽ,ഇലക്ട്രോണിക് സിറ്റിയിൽ വിൽപനയ്ക്കായി സൂക്ഷിച്ച 236 മദ്യക്കുപ്പികളുമായി ബാർ ജീവനക്കാരൻ പിടിയിൽ. ഹാസൻ സ്വദേശി പ്രീതം കുമാറി(26)നെയാണ് സെൻട്രൽ ക്രൈം ബ്രാഞ്ച് പിടികൂടിയത്. ഇലക്ട്രോണിക് സിറ്റിയിലെ…

ബെംഗളൂരു : സാഹചര്യം എന്തു തന്നെയായാലും കാശിനോടുള്ള മനുഷ്യൻ്റെ ആദ്യമായ ആഗ്രഹം അത് പലപ്പോഴും നിയന്ത്രിക്കാവുന്നതല്ല,ഇതു കാണിക്കുന്ന ഒരു വാർത്തയാണ് ഇപ്പോൾ വരുന്നത്. സാവദത്തി ഹുളികട്ടി പെട്രോൾപമ്പിന് സമീപം അജ്ഞാതർ വിതറിയ നോട്ട് തിരക്കിട്ട് വാരിക്കൂട്ടിയ മൂന്നുപേർ വീടുകളിൽ നിർബന്ധിത ക്വാറൻ്റെ നിലായി. ഇവർക്ക് 6600 രൂപ ലഭിച്ചു. എല്ലാം 200 രൂപയുടെ നോട്ടുകൾ ആയിരുന്നു. രാത്രി സമയത്ത് ബൈക്കുകളിലെത്തിയാണ് പണം വിതറിയതെന്ന് പോലീസ് കണ്ടെത്തിയിട്ടുണ്ട്. ഇവരെ കണ്ടെത്താനുള്ള അന്വേഷണം തുടരുന്നു.