Day: 25 April 2020

ബെംഗളൂരു: സാമൂഹിക മാധ്യമങ്ങളിൽ പരസ്യം നൽകി സിഗരറ്റും പാൻ മാസാലയും വീട്ടിലെത്തിച്ച് കച്ചവടം നടത്തുന്ന സംഘത്തിലെ രണ്ടുപേർ പിടിയിൽ. റിച്ച്മണ്ട് റോഡ് സ്വദേശി അക്തർ മിർസ (28), ശാന്തിനഗർ സ്വദേശി തസ്ബുദ്ദീൻ മൊഹിയുദ്ദീൻ (32) എന്നിവരാണ് ബെംഗളൂരു സെൻട്രൽ ക്രൈംബ്രാഞ്ചിന്റെ പിടിയിലായത്. ഇവർ സഞ്ചരിച്ച കാറും 450 പാക്കറ്റ് സിഗരറ്റും 30,000 രൂപ വിലമതിക്കുന്ന പാൻമസാല പാക്കറ്റുകളും പിടിച്ചെടുത്തു. രഹസ്യവിവരത്തിന്റെ അടിസ്ഥാനത്തിൽ കസ്തൂർബ റോഡിൽ നിന്നാണ് പിടികൂടിയത്. സാമൂഹിക മാധ്യമങ്ങളിലൂടെ ബന്ധപ്പെടാനുള്ള ഫോൺ നമ്പറുകൾ ഉൾപ്പെടെ പരസ്യം നൽകിയാണ് ഇവർ കച്ചവടം നടത്തിവന്നിരുന്നത്. വിളിക്കുന്നവർക്ക്…

ബെംഗളൂരു:മരിച്ചുവാഹനാപകടം;ഗർഭിണിയും ഭർത്താവും രണ്ടര വയസ്സുകാരിയായ മകളും മരിച്ചു. സംഭവം നടന്നത് ഇത്തര കർണാടകയിലെ റായ്ച്ചൂരുവിലെ ചിക്കബർഗിയിൽ ആണ്. ബൈക്കിൽ ട്രക്കിടിച്ചാണ് ഗർഭിണിയുൾപ്പെടെ മൂന്നുപേർ മരിച്ചത്. സിന്ദാനൂർ സ്വദേശികളായ കനകമ്മ (33), രണ്ടുവയസ്സുകാരിയായ മകൾ നാഗമ്മ, ഭർത്താവ് പരാശപ്പ (37) എന്നിവരാണ് മരിച്ചത്. നാഗമ്മയുടെ മത്തൂരിലെ കുടുംബവീട്ടിൽനിന്ന്‌ സിന്ദാനൂരിലെ വീട്ടിലേക്ക് ബൈക്കിൽ വരികയായിരുന്നു മൂന്നുപേരും. ഇതിനിടെ എതിരെവന്ന ട്രക്കുമായി കൂട്ടിയിടിക്കുകയായിരുന്നു. മൂന്നു പേരേയും നാട്ടുകാർ തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. വെള്ളിയാഴ്ച രാവിലെയാണ് അപകടമുണ്ടായത്. സംഭവത്തിൽ പോലീസ് കേസെടുത്ത് അന്വേഷണം തുടങ്ങി.

ബെംഗളുരു :കോവിഡ് – 19 സംസ്ഥാനത്ത് പടർന്നു പിടിക്കുന്ന സാഹചര്യത്തിൽ മുൻകരുതൽ നടപടികളുമായി ആരോഗ്യ വകുപ്പ്. മെഡിക്കൽ ഷോപ്പുകളിൽ നിന്ന് ഇനി മുതൽ പനി, ചുമ, ജലദോഷം എന്നിവയ്ക്കു മരുന്നു വാങ്ങുന്നവരുടെ  പേരുവിവരങ്ങളും ശേഖരിക്കും. കോവിഡ് ലക്ഷണങ്ങൾ തുടക്കത്തിൽ തന്നെ കണ്ടെത്തി പ്രതിരോധനടപടികൾ സ്വീകരിക്കുന്നതിന്റെ ഭാഗമായാണിത്. പാരസെറ്റമോൾ ഉൾപ്പെടെ പനി ഗുളികകളും ചുമയ്ക്കുള്ള സിറപ്പുകളുമെല്ലാം വാങ്ങുന്നവരുടെ പേരും വിലാസവും മൊബൈൽ നമ്പറും ശേഖരിച്ച് അതതു ദിവസം ജില്ലാ ആരോഗ്യവകുപ്പ് അധികൃതർക്കു കൈ മാറാൻ മെഡിക്കൽ ഷോപ്പുകൾക്കും ആശുപത്രി ഫാർമസികൾക്കും നിർദേശം നൽകിയിട്ടുണ്ട്.