Day: 16 February 2019

ബെംഗളൂരു: പുൽവാമയിൽ ഉണ്ടായ ഭീകരാക്രമണത്തിൽ വീരമൃത്യുവരിച്ച ജവാന്മാർക്ക് ആദരാഞ്ജലിയർപ്പിച്ച് നഗരം. വിവിധ ഭാഗങ്ങളിൽ മെഴുകുതിരികത്തിച്ച് റാലി നടത്തി. കെ.പി.സി.സി. ഓഫീസിൽ നടന്ന ചടങ്ങിൽ പ്രസിഡന്റ് ദിനേശ് ഗുണ്ടുറാവു, വനിതാവിഭാഗം പ്രസിഡന്റ് പുഷ്പ അമർനാഥ് തുടങ്ങിയവർ നേതൃത്വം നൽകി. സൈനികർക്കെതിരേ നടന്ന തീവ്രവാദി ആക്രമണം അപലപനീയമാണെന്ന് എസ്.വൈ.എസ്. അഭിപ്രായപ്പെട്ടു. കുറ്റവാളികൾക്ക് കടുത്ത ശിക്ഷ നൽകി രാജ്യത്തിന്റെ ഭദ്രത കാത്തു സൂക്ഷിക്കണമെന്നും ആവശ്യപ്പെട്ടു.

ബെംഗളൂരു: വൈറ്റ് ഫീൽഡിലെ ക്രസ്റ്റ് ഹോട്ടലിൽ മലയാളി വനിതാ എച്ച്.ആർ. മാനേജരെ മരിച്ചനിലയിൽ കണ്ടെത്തിയത് കൊലപാതകമാണെന്ന് തെളിഞ്ഞു. മുംബൈയിൽ സ്ഥിരതാമസമാക്കിയ തൃശ്ശൂർ കടപ്പുറം സ്വദേശിനി രജിതയെയാണ് (33) ഫെബ്രുവരി ഒമ്പതിന് ഹോട്ടൽ മുറിയിൽ മരിച്ചനിലയിൽ കണ്ടെത്തിയത്. ഹോട്ടൽത്തൊഴിലാളിയെ ചോദ്യംചെയ്തതിൽനിന്നാണ് കൊലപാതകമാണെന്ന് വ്യക്തമായത്. ഹോട്ടലിലെ അലക്കുതൊഴിലാളിയായ മണിപ്പൂർ സ്വദേശിയായ ലെയ്ഷ്‌റാം ഹെംബ സിങ് (21) ആണ് അറസ്റ്റിലായത്. മോഷണശ്രമത്തിനിടെയാണ് കൊലപാതകം നടത്തിയതെന്ന് പോലീസ് പറഞ്ഞു. വൈദേഹി മെഡിക്കൽ കോളേജ് ആശുപത്രിയിൽ നടന്ന മൃതദേഹപരിശോധനയിൽ യുവതിയെ കൊന്നതാണെന്ന് വ്യക്തമായിരുന്നു. ഇരുമ്പുവടികൊണ്ട് രജിതയുടെ തലയിൽ അടിച്ചുവീഴ്ത്തി ശ്വാസംമുട്ടിച്ച് കൊലപ്പെടുത്തുകയായിരുന്നു. പ്രതിയെ ചോദ്യംചെയ്തുവരികയാണ്. ഫെബ്രുവരി…