Month: September 2017

ബെംഗളൂരു ∙ കർണാടകയിലെ ചരിത്രസ്മാരകങ്ങളുടെ സംരക്ഷണത്തിനു വിദ്യാഭ്യാസ സ്ഥാപനങ്ങളുടെ സഹകരണം തേടി ആർക്കിയോളജിക്കൽ സർവേ ഓഫ് ഇന്ത്യ (എഎസ്ഐ). ചരിത്രസ്മാരകങ്ങൾ ചുരുങ്ങിയത് ഒരുവർഷത്തേക്കു ദത്തെടുക്കാൻ അവസരം നൽകുന്നതാണ് എഎസ്ഐയുടെ പദ്ധതി. ചരിത്രസ്മാരകങ്ങളുടെ പ്രാധാന്യം വിദ്യാർഥികളിലൂടെ കൂടുതൽ പ്രചരിപ്പിക്കാനും അതിലൂടെ കൂടുതൽ വിനോദസഞ്ചാരികളെ ആകർഷിക്കാനും സാധിക്കുമെന്ന് എഎസ്ഐ സൂപ്രണ്ട് കെ.മൂർത്തേശ്വരി പറഞ്ഞു. ഉത്തരേന്ത്യയിൽ കേന്ദ്രീയ വിദ്യാലയങ്ങളുമായി ചേർന്നു നടത്തിയ പദ്ധതി വിജയകരമായ സാഹചര്യത്തിലാണു കർണാടകയിലേക്കും വ്യാപിപ്പിക്കുന്നത്. എഎസ്ഐയുടെ കീഴിൽ ബെംഗളൂരുവിൽ 130ഉം, ധാർവാഡിൽ250ഉം, ഹംപിയിൽ 85ഉം ചരിത്രസ്മാരകങ്ങൾ ഉണ്ട്.

ബെംഗളൂരു ∙ പ്രദേശവാസികളുടെ ജീവിതം ദുരിതമയമാക്കിയ മണ്ടൂരിലെ ടൺകണക്കിനു മാലിന്യത്തിൽനിന്നു വൈദ്യുതി ഉൽപാദിപ്പിക്കാൻ താൽപര്യം പ്രകടിപ്പിച്ച് ജർമൻ കമ്പനി രംഗത്ത്. ജൈവ–ഖനനത്തിലൂടെ വൈദ്യുതി ഉൽപാദിപ്പിക്കാൻ 200 കോടി രൂപയുടെ പദ്ധതിയുമായി സോന്റ ഇൻഫ്രാടെക് ലിമിറ്റഡ് ആണ് ബെംഗളൂരു മഹാനഗരസഭ(ബിബിഎംപി)യുമായി ധാരണയിലുള്ളത്. മണ്ടൂരിലെ 30 ലക്ഷത്തോളം ടൺ മാലിന്യത്തിൽ ബയോ–മീഥൈൻ ധാരാളമുണ്ടെന്നാണ് കണ്ടെത്തൽ. വൈദ്യുതി ഉൽപാദിപ്പിക്കുന്നതിനു പുറമെ മാലിന്യത്തിൽനിന്നു ജൈവവളവും നിർമിക്കാനാകും. മണ്ടൂരിലെ മാലിന്യം തള്ളിയ ഏക്കർകണക്കിനു സ്ഥലം കമ്പനിക്കു 30 വർഷത്തേക്കു പാട്ടത്തിനു നൽകണം എന്നതാണ് പ്രധാന വ്യവസ്ഥ. എന്നാൽ അധികച്ചെലവില്ലാതെ മാലിന്യ പ്രശ്നം…

ബെംഗളൂരു ∙ ജയമഹൽ റോഡ് വീതികൂട്ടുന്നതിന്റെ ഭാഗമായി മരങ്ങൾ പിഴുതുമാറ്റുന്ന ജോലി ബിബിഎംപി താൽക്കാലികമായി നിർത്തി. മൈസൂരുവിലെ വൊഡയാർ രാജകുടുംബത്തിന്റെ അധീനതയിലുള്ള ബാംഗ്ലൂർ പാലസിന്റെ ഭൂമിയിലേക്കു മരങ്ങൾ മാറ്റിനടുന്നതു സംബന്ധിച്ചു കോടതിയുത്തരവു കിട്ടാൻ വൈകുന്നതിനെ തുടർന്നാണു പ്രവൃത്തികൾ നിർത്തിയത്. കൊട്ടാരത്തിന്റെ ഉടമസ്ഥതയിലുള്ള സ്ഥലത്തേക്കു മരങ്ങൾ മാറ്റുന്നതിനുള്ള അനുമതിയുത്തരവു ലഭിച്ചാൽ പ്രവൃത്തികൾ പുനരാരംഭിക്കുമെന്നു ബിബിഎംപി ചീഫ് എൻജിനീയർ ബി.എസ്.പ്രഹ്ലാദ് പറഞ്ഞു. റോഡ് വികസനത്തിന്റെ ഭാഗമായി 110 മരങ്ങളാണു നീക്കം ചെയ്യുന്നത്. ഇതിൽ 53 മരങ്ങളാണു വേരോടെ പിഴുതു മാറ്റിനടുന്നത്. ബാക്കിയുള്ള മരങ്ങൾ മുറിച്ചുനീക്കും. നിലവിൽ പത്തു…

ബെംഗളൂരു: പത്രപ്രവർത്തക ഗൗരി ലങ്കേഷ് കൊല ചെയ്യപ്പെട്ട സ്ഥലത്തു നിന്നുള്ള സിസി ക്യാമറ ദൃശ്യങ്ങൾ കൂടുതൽ വ്യക്തതയുള്ള പകർപ്പിനായി യുഎസിലെ ലാബിലേക്ക് അയച്ചു. സെപ്റ്റംബർ അഞ്ചിനു രാത്രി എട്ടു മണിയോടെ വീടിനു മുന്നിലാണ് ഗൗരി വെടിയേറ്റു വീണത്. വീട്ടിലേക്കു കയറുന്ന വഴിയിലും കാർപോർച്ചിലുമായി സ്ഥാപിച്ച രണ്ടു സിസി ക്യാമറകളിൽ നിന്ന് ഒട്ടേറെ ചിത്രങ്ങൾ കേസന്വേഷിക്കുന്ന പ്രത്യേക അന്വേഷണ സംഘത്തിന് (എസ്ഐടി) ലഭിച്ചിരുന്നു. ഹെൽമറ്റ് ധരിച്ച കൊലയാളിയുടെ മുന്നിൽ നിന്നുള്ള ചിത്രവും ഇതിലുണ്ട്. അവ്യക്തമായ ഈ ദൃശ്യങ്ങൾക്കു വ്യക്തത വരുത്തി കൂടുതൽ വലുപ്പമുള്ള ചിത്രങ്ങളാക്കുന്നതിനു വേണ്ടിയാണ്…