ബെംഗളൂരു∙ കാനറ ബാങ്ക് ശാഖകളിലും ആധാർ എൻറോൾമെന്റിനുള്ള സൗകര്യം ആരംഭിക്കുന്നു. ആദ്യത്തെ എൻറോൾമെന്റ് കേന്ദ്രം ജയനഗർ ഷോപ്പിങ് കോംപ്ലക്സ് ബ്രാഞ്ചിൽ പ്രവർത്തനമാരംഭിച്ചു.
ആദ്യമായി ആധാർ കാർഡ് എടുക്കുന്നവർക്കും വിവരങ്ങൾ പുതുക്കുന്നവർക്കും ഇവിടെ സൗകര്യമുണ്ട്. സെന്ററിന്റെ ഉദ്ഘാടനം ബാങ്ക് സിഇഒ രാകേഷ് ശർമ ഉദ്ഘാടനം ചെയ്തു. എക്സിക്യൂട്ടീവ് ഡയറക്ടർ പി.വി.ഭാരതി, ജനറൽ മാനേജർ പി.അനിൽകുമാർ എന്നിവർ പങ്കെടുത്തു.
