Day: 19 July 2016

തിരുവനന്തപുരം: പുതിയ ചിത്രമായ കസബയുടെ അണിയറപ്രവര്‍ത്തകര്‍ക്ക് വനിതാകമ്മീഷന്റെ നോട്ടീസ്. നടന്‍ മമ്മൂട്ടി, സംവിധായകന്‍ നിഥിന്‍ രഞ്ജി പണിക്കര്‍, നിര്‍മ്മാതാവ് ആലീസ് ജോര്‍ജ് എന്നിവര്‍ക്കെതിരെയാണ് നോട്ടീസ് അയച്ചിരിക്കുന്നത്. ചിത്രത്തിലുടനീളം സ്ത്രീകളെ മോശമായി ചിത്രീകരിക്കുന്നവെന്നും അവഹേളിക്കുന്നുവെന്നുമുള്ള പരാതിയുടെ അടിസ്ഥാനത്തിലാണ് വനിതാകമ്മീഷന്റെ നടപടി. കെ.സി റോസക്കുട്ടിയുടെ അദ്ധ്യക്ഷതയില്‍ ചേര്‍ന്ന വനിതാകമ്മീഷന്റെ യോഗത്തിലാണ് നോട്ടീസ് അയക്കാന്‍ തീരുമാനമായത്. ആവിഷ്‌കാര സ്വാതന്ത്ര്യം സ്ത്രീകളെ അവഹേളിക്കാനുള്ള സ്വാതന്ത്ര്യമല്ലെന്നും യോഗം വിലയിരുത്തി. പെരുന്നാള്‍ റിലീസായി പുറത്തിറങ്ങിയ കസബ തിയേറ്ററില്‍ പ്രദര്‍ശനം തുടരുന്നതിനിടെയാണ് കമ്മീഷന്റെ നോട്ടീസ്. സോഷ്യല്‍ മീഡിയയിലടക്കം കസബ സ്ത്രീകളെ മോശമായി ചിത്രീകരിക്കുന്നുവെന്ന് ആരോപണമുണ്ടായിരുന്നു.

ചെന്നൈ: രജനീകാന്ത് മുഖ്യവേഷത്തിലെത്തുന്ന കബാലിയുടെ സെന്‍സര്‍ കോപ്പി ചോര്‍ന്നതായി റിപ്പോര്‍ട്ട്. ഡൌണ്‍ലോഡ് വെബ്സൈറ്റായ ടൊറന്റ് വെബ്സൈറ്റുകളില്‍ സിനിമ പ്രത്യക്ഷപ്പെട്ടതായാണ് റിപ്പോര്‍ട്ടുകള്‍. സെന്‍സര്‍ കോപ്പിയാണ് പ്രചരിക്കുന്നതെന്ന് പറയുന്നു. പല സൈറ്റുകളും ഡൌണ്‍ലോഡ് ലിങ്കുകളും നല്‍കിയിട്ടുണ്ട്. അതേസമയം  ചിത്രം ഓണ്‍ലൈനില്‍ കാണരുതെന്ന് ചിത്രത്തിന്റെ അണിയറ പ്രവര്‍ത്തകര്‍ അഭ്യര്‍ത്ഥിച്ചു. ജൂലൈ 22 നാണ് കബാലിയുടെ റിലീസ് ചെയ്യുക. അതുവരെ ഡൌണ്‍ലോഡിംഗ് ലിങ്കുകള്‍ വന്ന സൈറ്റുകളില്‍ നിന്ന് നീക്കം ചെയ്യാനുള്ള  ശ്രമം തുടങ്ങിയിട്ടുണ്ട്. രജനിയുടെ ആരാധകരടക്കം അനവധിപേര്‍ കാത്തിരിക്കുന്ന ചിത്രമാണ് കബാലി. കബാലിയുടെ ടീസര്‍ യുടുബില്‍ തന്നെ ചരിത്രമായിരുന്നു. ലക്ഷകണക്കിനാളുകളാണ്…