Tag: stations

ബെംഗളൂരു: കർണാടകയിലെ വൈദ്യുതി ഇരുചക്ര വാഹനങ്ങൾക്കായി 1,000 ഫാസ്റ്റ് ചാർജിങ് സ്റ്റേഷനുകൾ സ്ഥാപിക്കാൻ മുഖ്യമന്ത്രി ബസവരാജ് ബൊമ്മെയുടെ സാന്നിധ്യത്തിൽ ഏതർ എനർജിയും ഇലക്ട്രിക് സപ്ലൈ കമ്പനിയും (എസ്‌കോം) തമ്മിൽ കരാറിലൊപ്പിട്ടു. ഈ കരാറിൽ ഇരുചക്രവാഹനങ്ങൾക്ക് ചാർജിങ് സൗജന്യമായിരിക്കും. സാങ്കേതിക സഹായങ്ങളുൾപ്പെടെ പദ്ധതിക്കാവശ്യമായ എല്ലാം നൽകുന്ന നോഡൽ ഏജൻസിയായിരിക്കും എസ്‌കോം.  ചാർജിങ് സ്റ്റേഷനുകൾ സ്ഥാപിക്കാനുള്ള സ്ഥലങ്ങൾ കണ്ടെത്തുന്നതിനായി സർക്കാർ ഏജൻസികൾ എസ്‌കോമുമായാണ് സഹകിക്കുന്നത്. ഏതർ എനർജി മാനേജിങ് ഡയറക്ടറും സഹ സ്ഥാപകനുമായ തരുൺ മേത്തയും ബെസ്‌കോം മാനേജിങ് ഡയറക്ടർ രാജേന്ദ്ര ചോളനുമാണ് കരാറിൽ ഒപ്പിട്ടത്.