Category: POLITICS

ബെംഗളൂരു : കോൺഗ്രസ് നേതാവ് രാഹുൽ ഗാന്ധി ഇന്ന് ശിവമൊഗ്ഗ നഗരത്തിലെത്തി 2024 ലോക്‌സഭാ തിരഞ്ഞെടുപ്പ് പ്രചാരണത്തിൽ പങ്കെടുക്കും. ഇന്നലെ പ്രജ്വല് രേവണ്ണ കേസ് സോഷ്യൽ മീഡിയയിൽ ഉന്നയിച്ച രാഹുൽ ഗാന്ധി ഇന്ന് നടക്കുന്ന പൊതു പ്രസംഗത്തിൽ അത് പരാമർശിക്കുമോ എന്ന ആകാംക്ഷയിലാണ് അണികൾ. ഷിമോഗ നിയോജക മണ്ഡലത്തിലെ കോൺഗ്രസ് സ്ഥാനാർത്ഥി ഗീത ശിവരാജ്കുമാറിന് വേണ്ടി രാഹുൽ ഗാന്ധി പ്രചാരണത്തിനിറങ്ങും, കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗെ, സംസ്ഥാന ഇൻചാർജ് രൺദീപ് സിങ് സുർജേവാല, മുഖ്യമന്ത്രി സിദ്ധരാമയ്യ, ഡിസിഎം ഡികെ ശിവകുമാർ എന്നിവർ പങ്കെടുക്കും.

ബെംഗളൂരു : സീറ്റ് നിഷേധിച്ചതിൽ പ്രതിഷേധിച്ച് കൊപ്പാൾ എം.പി. സംഗണ്ണ കാരാടി എം.പി. സ്ഥാനം രാജിവെച്ചു. ഇതിനോടൊപ്പം ബി.ജെ.പി. പ്രാഥമികാംഗത്വവും അദ്ദേഹം രാജിവെച്ചിട്ടുണ്ട്. കൊപ്പാളിൽ വീണ്ടും മത്സരിക്കാനവസരം ലഭിക്കാതിരുന്നതിനെത്തുടർന്ന് നേതൃത്വവുമായി നാളുകളായി അകൽച്ചയിലായിരുന്നു സംഗണ്ണ കാരാടി. കൊപ്പാളിൽ ഒട്ടേറെ വികസന പദ്ധതികൾ കൊണ്ടുവന്നിട്ടും പാർട്ടി അവഗണിച്ചെന്നും തന്റെ ആത്മാഭിമാനത്തെ വെല്ലുവിളിക്കുന്നതിന് തുല്യമാണിതെന്നും സംഗണ്ണ കാരാടി പറഞ്ഞു. ബുധനാഴ്ച അദ്ദേഹം കോൺഗ്രസിൽ ചേർന്നേക്കുമെന്നും സൂചനയുണ്ട്.

ബെംഗളൂരു : മൈസൂരുവിൽ എൻ.ഡി.എ. നടത്തിയ തിരഞ്ഞെടുപ്പുറാലിയിൽ പ്രധാനമന്ത്രി നരേന്ദ്രമോദി ഉയർത്തിയ ആരോപണങ്ങൾക്കെതിരേ തിരഞ്ഞെടപ്പു കമ്മിഷന് പരാതി നൽകി കോൺഗ്രസ്. അയോധ്യ ക്ഷേത്രത്തിന്റെ പ്രതിഷ്ഠാച്ചടങ്ങ് ബഹിഷ്‌കരിച്ച കോൺഗ്രസിനും ഇന്ത്യ മുന്നണിക്കും ഹിന്ദു മതത്തിന്റെ ശക്തിയെ തകർക്കുകയാണ് ആവശ്യമെന്ന് പ്രധാനമന്ത്രി പറഞ്ഞത് പരാതിയിൽ ചൂണ്ടിക്കാട്ടി. ഇതിന് വെറുപ്പിന്റെ ശക്തികളെ തനിക്ക് ജനങ്ങളുടെ അനുഗ്രഹമുള്ളിടത്തോളംകാലം അനുവദിക്കില്ലെന്നും കോൺഗ്രസിനെ ഉദ്ദേശിച്ച് മോദി പ്രസംഗിച്ചു. രാമക്ഷേത്ര പ്രതിഷ്ഠയിലൂടെ 50 വർഷത്തെ സ്വപ്‌നമാണ് സാക്ഷാൽക്കരിക്കപ്പെട്ടത്. കോൺഗ്രസിനെ ടുകടെ ടുകടെ ഗാങ്ങിന്റെ സുൽത്താൻ എന്ന് വിളിച്ച് രാജ്യത്തെ വിഭജിക്കാനും തകർക്കാനും ക്ഷയിപ്പിക്കാനും ശ്രമിക്കുകയാണെന്ന്…

ബെംഗളൂരു : സംസ്ഥാനത്തെ ആദ്യഘട്ട തിരഞ്ഞെടുപ്പിന്റെ പ്രചാരണം അവസാന ലാപ്പിലേക്ക് കടക്കുമ്പോൾ കൊമ്പുകോർത്ത് ജെ.ഡി.എസും കോൺഗ്രസും. കഴിഞ്ഞ ലോക്‌സഭാ തിരഞ്ഞെടുപ്പിൽ കൈകോർത്തുനിന്ന ഇരുപാർട്ടികളും ഇത്തവണ ശത്രുപക്ഷത്തുനിന്ന് പോരാട്ടം നടത്തുന്നതിന്റെ വീറിൽ അന്യോന്യം ആക്രമണം തൊടുത്തുവിടുന്ന കാഴ്ചയാണിപ്പോൾ. ഒന്നിച്ചുനിന്നപ്പോഴത്തെ അനുഭവങ്ങൾ ഇപ്പോൾ കുറ്റപ്പെടുത്തലിന്റെ രൂപത്തിൽ കടന്നുവരുകയും ചെയ്യുന്നു. ഞായറാഴ്ച മൈസൂരുവിൽ പ്രധാനമന്ത്രി നരേന്ദ്രമോദി പങ്കെടുത്ത പ്രചാരണയോഗത്തിൽ ജെ.ഡി.എസ്. അധ്യക്ഷനും മുൻ പ്രധാനമന്ത്രിയുമായ എച്ച്.ഡി. ദേവഗൗഡ കോൺഗ്രസിനുനേരെ നടത്തിയ ആക്രമണത്തിന് ചുട്ടമറുപടിയുമായി മുഖ്യമന്ത്രി സിദ്ധരാമയ്യ തിങ്കളാഴ്ച രംഗത്തെത്തി. ആറുകോടി ജനങ്ങളുടെ മുഖ്യമന്ത്രി 140 കോടി ജനങ്ങളുടെ പ്രധാനമന്ത്രിയെപ്പറ്റി…

ബെംഗളൂരു : കഴിഞ്ഞവർഷം നടന്ന നിയമസഭാതിരഞ്ഞെടുപ്പിൽ മുൻമന്ത്രിയും ബി.ജെ.പി. നേതാവുമായ വി. സോമണ്ണ 60 കോടി രൂപ ചെലവിട്ടെന്ന് മുഖ്യമന്ത്രി സിദ്ധരാമയ്യ. അദ്ദേഹം മത്സരിച്ച വരുണയിലും ചാമരാജ് നഗറിലുമാണ് വൻതുക ചെലവിട്ടത്. എന്നാൽ രണ്ടിടത്തും പരാജയപ്പെട്ടു. ഇത്തവണ തുമകൂരുവിൽ മത്സരിക്കുന്ന സോമണ്ണ വൻതോതിൽ പണമൊഴുക്കുമെന്നും കഴിഞ്ഞ ബി.ജെ.പി. സർക്കാരിന്റെകാലത്ത് സമ്പാദിച്ചതാണ് ഈ പണമെന്നും സിദ്ധരാമയ്യ പറഞ്ഞു. തുമകൂരുവിൽ കോൺഗ്രസിന്റെ തിരഞ്ഞെടുപ്പ് പ്രചാരണ പരിപാടിയിൽ സംസാരിക്കുകയായിരുന്നു അദ്ദേഹം. ധാരാളം പണമുള്ളതുകൊണ്ടാണ് വി. സോമണ്ണയ്ക്ക് തുമകൂരു സീറ്റ് നൽകിയിരിക്കുന്നതെന്നും സിദ്ധരാമയ്യ ആരോപിച്ചു. നിയമസഭാ തിരഞ്ഞെടുപ്പിൽ വരുണ മണ്ഡലത്തിൽ…