Author: WEB TEAM

ബെംഗളൂരു : വ്യാഴാഴ്ച നടന്ന രണ്ടാം വർഷ പ്രീ യൂണിവേഴ്സിറ്റി ഇംഗ്ലീഷ് പരീക്ഷ എഴുതിയ 24 കുട്ടികളെ ഹോം ക്വാറന്റീനിലാക്കി. പരീക്ഷ എഴുതിയ ഒരു കുട്ടിയുടെ അച്ഛന് രോഗം സ്ഥിരീകരിച്ച സാഹചര്യത്തിലാണ് ഇവരെ ക്വാറന്റീനിലാക്കിയത്. ജയനഗറിലെ പരീക്ഷ കേന്ദ്രത്തിൽ പരീക്ഷ എഴുതിയ കുട്ടിയുടെ അച്ഛന് ഇന്നലെ കോവിഡ് സ്ഥിരീകരിക്കുകയായിരുന്നു. തുടർന്ന് ആരോഗ്യ വകുപ്പ് ഡിപ്പാർട്മെന്റ് ഓഫ് പ്രീ യൂണിവേഴ്സിറ്റി എഡ്യൂക്കേഷനേ വിവരം അറിയിക്കുകയും. ഈ കുട്ടിയോടൊപ്പം ഒരേ ഹാളിൽ പരീക്ഷ എഴുതിയ കുട്ടികളുടെ വിവരങ്ങൾ ശേഖരിക്കുകയും കുട്ടികളെ ഹോം ക്വാറന്റീനിൽ ആക്കുകയും ചെയ്തു.

ബെംഗളൂരു : നഗരത്തിലെ ആക്റ്റീവ് കണ്ടൈൻമെന്റ് സോണുകളുടെ എണ്ണം 208 ആയി. ജൂൺ 8 ന് ബി ബി എം പി പുറത്തുവിട്ട കണക്കുകൾ പ്രകാരം 54 കണ്ടൈൻമേന്റ് സോണുകളാണ് നഗരത്തിൽ ഉണ്ടായിരുന്നത്. 154 കണ്ടൈൻമേന്റ് സോണുകളാണ് പത്ത് ദിവസത്തിനുള്ളിൽ നഗരത്തിൽ പുതിയതായി ഉണ്ടായിട്ടുള്ളത്. ജൂൺ 8 നാണു അൺലോക്ക് ഫേസ് 1 പ്രകാരം നഗരത്തിൽ കൂടുതൽ ഇളവുകൾ അനുവദിച്ചത്. ഔദ്യോഗിക രേഖകൾ പ്രകാരം ജൂൺ 8 നു കോവിഡ് ആക്റ്റീവ് റേറ്റ് 39% വും റിക്കവറി റേറ്റ് 61% വും ആയിരുന്നു .…

ബെംഗളൂരു : സംസ്ഥാനത്ത് ഒരു വിമാനത്താവളം കൂടി വരുന്നു, പ്രധാനമായും 7 വിമാനത്താവളങ്ങൾ ആണ് നിലവിൽ ഉള്ളത് ഇതിന് പുറമെയാണ് ശിവമൊഗ്ഗ യിൽ പുതിയ വിമാനത്താവളം വരുന്നത്. ഇതിൻ്റെ ശിലാസ്ഥാപനം വീഡിയോ കോൺഫറൻസിലൂടെ മുഖ്യമന്ത്രി ബി.എസ്. യെദ്യൂരപ്പ നിർവ്വഹിച്ചു. ബെംഗളൂരുവിലെ തന്റെ ഔദ്യോഗിക വസതിയിലിരുന്ന്കൊണ്ടാണ് വീഡിയോ കോൺഫറൻസിലൂടെ ശിവമോഗ വിമാനത്താവളത്തിന്റെ ശിലാസ്ഥാപന കർമം നിർവഹിച്ചത്. ശിവമോഗ വിമാനത്താവളത്തിന്റെ നിർമാണം ഒരുവർഷത്തിനുള്ളിൽ പൂർത്തിയാക്കാനാണ് ലക്ഷ്യമിട്ടിരിക്കുന്നത് എന്ന് ഔദ്യോഗിക വൃത്തങ്ങൾ അറിയിച്ചു . ഉപമുഖ്യമന്ത്രി ഗോവിന്ദ് കർജോൾ, മുഖ്യമന്ത്രിയുടെ പൊളിറ്റിക്കൽ സെക്രട്ടറി ശങ്കർ ഗൗഡ പാട്ടീൽ, പൊതുമരാമത്ത്…

ബെംഗളൂരു : സർക്കാർനിർദേശം കണക്കിലെടുക്കാതെ സ്വകാര്യ സ്‌കൂളുകൾ അഞ്ചാം ക്ലാസ് വരെയുള്ള വിദ്യാർഥികൾക്ക് ഓൺലൈൻ ക്ലാസ്സുകളുമായി മുൻപോട്ട്. ഓൺലൈൻ ക്ലാസുകൾ അഞ്ചാം ക്ലാസ് വരെയുള്ള വിദ്യാർഥികൾക്ക് വേണ്ട എന്ന സർക്കാർ നിർദ്ദേശം കാറ്റിൽ പറത്തുകയാണ്‌ നഗരത്തിലെ സ്വകാര്യ സ്കൂളുകൾ. തിങ്കളാഴ്ച ക്ലാസുകൾ പതിവ് പോലെ നടന്നു. ടൈംടേബിളും സ്കൂൾ അധികൃതർ രക്ഷിതാക്കൾക്ക് നൽകിയിട്ടുണ്ട് . പ്രസ്തുത ഉത്തരവ് ഔദ്യോഗികമായി ലഭിച്ചിട്ടില്ല എന്നാണ് സ്വകാര്യ സ്കൂളുകളുകൾ പറയുന്നത് . എന്നാൽ സംഭവത്തിൽ ശക്തമായ നടപടികൾ സ്വീകരിക്കുമെന്നും സ്വകാര്യ സ്കൂളുകളുടെ നിലപാട് ഞെട്ടിക്കുന്നതാണെന്നും വിദ്യാഭ്യാസ വകുപ്പ് അറിയിച്ചു. വെള്ളിയാഴ്ചയാണ്…